شركة Schlumberger ؟! ابي اعرف عنها ؟

الكاتب : Br0nz | المشاهدات : 9,337 | الردود : 14 | ‏30 سبتمبر 2009
  1. Br0nz

    Br0nz بـترولـي نشيط جدا

    291
    0
    0
    السلام عليكم ..

    حاب استفسر ..

    في شركه خاصه ينقالها Schlumberger .. اهيا لها شغل بالنفط ..

    بس شلون طريقتها .. دوامها .. مكانها وين .. المعاشات ؟

    يعني عطوني نبذه عنها لأني اذا في مجال بقط هم اوراقي هناك ؟

    و عسى يارب يوفقنا و يوفقكم
     
  2. استكشافي

    استكشافي بـترولـي جـديـد

    26
    0
    0
    ايه هذي شركه امريكيه .. وعالميه .. رواتبهم قويه .. بس شغلهم متعب حيييل .. مكانها في صناعية الاحمدي

    اذكر رحت عندهم وقدمت لهم سيرتي الذاتيه .. دقو علي و قالو لي .. اذا تبي تقدم على وظيفه قدم عن طريق الموقع بالنت

    لكن انت لا تاخذ كلامي روح لهم واستفسر .. بعدها قدم على النت .. لان كل سنه تقدم مره ..
     
  3. Br0nz

    Br0nz بـترولـي نشيط جدا

    291
    0
    0
    اهما كل شنه يطلبون ولا بأي وقت ؟

    و وين بالضبط مكانهم و هل يسوى دخلته ؟

    و يجزيك الله خير
     
  4. mud engineer

    mud engineer بـترولـي جـديـد

    19
    0
    0
    بالنسبة لسؤالك اخوي عن شركة شلمير جي هذا اخوي شركة فرنسية ولها افرع بجميع دول العالم وقوية جدا بس ما انصحك اتتوظف فيها اقولك ليش :

    اول شي الشركات هذي تسمى service company بعني شركات تخدم القطاع البترولي بجميع خدماته وعندها اكثر من قسم ومن واقع خبرتي المهنية بهالشركات اتضحلي انهم كلهم نفس السيسنم والنطام :

    1- المعاش اللي يعطونك اياه ما يسوى التعب اللي تعبه يعني الفرق بينه وبين معاش الحكومه بس دعم العماله
    2- نظام الشركات نظام استعباد بحت يعني ما ايصير اتقول لا لهم واذا قلت لا فنشوك
    3- بتقولي مو مشكله اتحمل جم سنه واخذ خبره منهم واقدم ابمكان ثاني اقولك غلطان لانه لمه اتفكر تطلع حق مكان ثاني ماراح ايفرقون بين خبرتك بها الشركات وخبرتك بالحكومه الا اذا قدمت على شركه سيرفس نفسهم وبهالحاله ما سويت شي

    4- نظام هالشركات يشترونك يعني 24 اتكون جاهز في اي وقت يتصلون فيك لازم تهد الشغل اللي بيدك وتروحلهم واذا ما رحت بره الشركه

    5 - حياتك الاجتماعيه تنتهي ماكو دوواوين ربع حتى اهلك ما اتشوفهم يعني سجن
    6 - كل وعودهم اوهام باوهام يعني لي قاللولك بنعطيك وبنسويلك كله جذب بجذب
    7- ملاحظه هامه :لا زم اتعرف انه توظيف هالشركات للكويتين مو عشان سواد عيونهم بالعكس يوظفونك اجباري لانه ال KOC تجبرهم بعدد من الكويتيين لازم ايوظفونهم عشان تعطيهم عقود واكبر دليل على هذا انه الشركات هذي مو قادره اتفنش اللكويتين
    اللي عندها الحين وقاعدين ايفنشون الاجانب الي عندهم
    8-ماكو امان ولا استقرار وظيفي يعني اي وقت يخسرون عقدهم مع koc يفنشونك ولا اتقولي ايودونك دوله ثانيه لانه اذا انته زين عنهم وكسرت خاطرهم بيقطونك ينيجيريا ولا تشاد يعمي بيقوونك


    لو بتكلم ما راح اسكت والله خلها على الله بس عموما هذي الشركات صراحة زين حق الناس اللي معاشاتهم دولهم ضعيفه مثل مصر لبنان عمان روسيا ليبيا الجزائر الخ هذي الدول لمه ايصير معاشه 5000 دولار راح يوافق ويتحمل بس بالكويت لله لا ايغير علينا معاشاتنا زين والحمدالله فماكو ذاك الفرق بيقولونلك لااااااااااااااا بعدين معاشك يزيد صح راح ايزيد بس صدقنيييييييييييييييييييييييييي كل دولار يدفعونه لك ايطلعونه من جبدك

    لوووووووووووووووول انا ترى قاعد اكتبومو حاس بفسي من القهر والله

    انا ياليت احد نصحني قبل لا ادش بس للاسف الناس مدحتها وما صدقت اللي ذموها وانته احسبها صح


    بالضبط وبدون مقابله سجن مركزي بس على اكشخ والله السجن ارحم على الاقل السجن ماكو شغل وتتعرف على ناس لوول

    وسامحونا طولنا عليكم
    ولو بتكلم ما راح اخلص
     
  5. Br0nz

    Br0nz بـترولـي نشيط جدا

    291
    0
    0
    لا والله جزاك الله خير و نورتنا على اشياء ما كنا انعرفها ..

    بميزان حسناتك يا رب ..

    اذا جذي نضل على الkpc و نطر اعلانهم ..

    انزين و شرايك بايكويت كشركه خاصه ؟ نفس الفكره ؟
     
  6. mud engineer

    mud engineer بـترولـي جـديـد

    19
    0
    0
    حياك الله اخوي وبالنسبه لايكويت ايكويت غيز شزكه خاصه بس الحكومه لها نسبه فيها و تتبع نظام العمل الكويتي وما منها خوف اذا تلتزم معاهم هذا اللي اعرفه عنهم بس تقدر تسال الشباب في المنتدى ايفيدونك اكثر بس مثل ما قلتلك انته لا زم اتعرف شغله هامه وهي

    شركات السيرفس اهي شركات اجنبيه تدخل الكويت عن طريق وكيل كويتي [شركه كويتيه ] لانه القانون الكويتي ما يسمح ومعنى هذا ان الوكيل هو اللي يطلع اقامات واهوا ايصير بسمه كل الاشياء اللي ما ايصير تسجل الا للكويتي ، يعني حته اسمك بالتامينات ايصير مسجل باسم الوكيل مو باسم الشركه

    والشركات الاجنبيه بالكويت هي

    شلمبرجي - هاليبيرتون - بيكر هيوز - وذرفورد - بي جي - سمث -

    اما ايكويت فهي تندرج اذا ما خاب ظني تحت مؤسسه البترول يعني مو تبع كفيل ومو اجنبيه
     
  7. Mechanical Engineer

    Mechanical Engineer بـترولـي نشيط جدا

    359
    0
    0
    مممم

    انا الي سمعته عن شلمبرجي

    انه عقد 5 سنين يشغلونك بره يعطونك بيت و سياره و اذا عيالك و اهلك معاك عيالك يدخلون مدرسه خاصه بحساب الشركه و معاش حده قوي و الخ


    و تالي بعد فتره واحد من الشباب قالي اخوه يشتغل فيها بس بالكويت !! يقولي معاشاتهم حدها قويه بس حده تعب و اخوه متأذي وده يطلع


    بس اذا المؤسسه و الشركات الي تحتها

    عشان تتوظف لازم واسطه ... الي ما عنده واسطه شسوي ينهضم حقه؟؟

    بروحه بالقطاع الحكومي وايد موظفين و مسؤولين غير كفاءه و مايفهمون شي بالشغل

    على الاقل تجابلك واحد فاهم مو واحد مو فاهم يرقع فيك يمين يسار بالارض
     
  8. Mechanical Engineer

    Mechanical Engineer بـترولـي نشيط جدا

    359
    0
    0
    اي و احب اااكد على كلام الاخ


    الشركات الاجنبيه هي شركات خدميه

    يعني تقدم خدمات للنفط

    مثل حفر و تنقيب عن الابار ... و الخ
     
  9. Br0nz

    Br0nz بـترولـي نشيط جدا

    291
    0
    0
    والله يا جماعه مادري انا ضعت ..

    انا الود ودي بالkoc ... بس شوف الkpc وين تقطك ..

    و شي ثاني الخوف الزايد اني ما انقبل .. لأن تخصصي مو موجود ولا ينزلون منه ..

    يعني تهقون يعينون حتى لو مو على التخصص ؟ او شنو بالضبط يركزون عليه ( انا جامعي كيميا حيويه )
     
  10. s3ood

    s3ood بـترولـي جـديـد

    3
    0
    0
    hello, i just applied there at schlumberger. and i am waiting for my 2nd interview.. but am applying there as an accountant, fa does this talk include only engineers or accountants as well. plz notify me. thanx

    s3ood
     
  11. mud engineer

    mud engineer بـترولـي جـديـد

    19
    0
    0
    تعليقا على هالموضوع ارد واقولك اخ برونزي والاخوه الكرام اسأل مجرب ولا تسأل طبيب , انا ما اقولك واحد قالي والا سمعت انا بأحدى هالشركات وصارلي مده ومتوهق مو قادر اطلع لانه للاسف الحين ما كو توظيف


    انحششششششششششششششششششششششششششششششششششششش صدقني

    انا كنت قبل حكومه 12 سنه وطلعت رحت هالشركه لاني تعبت من روتين الحكومه وعدم التقدير عندهم , ولمه رحت اهناك عرفت قدر الحكومه وأأأأأأأأأأأأأأأأأأأأأأأأخ لو سامع كلامم اللي قالولي لا اتدش وصدقني ارد واقولك هالشركات تستعبدك كثر ما تقدر عشان اتكون بالصوره نفس نظام الجيش والجيش يمكن احسن لانه في امان على الاقل

    بعدين خلنا انكون واقعين شويه وهذا الي قاعد افكر فيه الحين , ليييييييييي مته بتقعد عندهم سنه والا سنتين والا 5 على قولتك وبعدين يتقولي بكمل اقولك مستحيل انا اقولك ليش
    1- اول ما اتدش متدرب صح وناسه وفلوس واتحس انك غير وطاير باللي معاك الاجانب
    2- بعد سنه اترقى من حونيور الى سينيور واتزيد عليك المسؤليه وبعدين فيه امتحانات وكورسات لازم اتخلصها وما ايعذرون مرض ظروف انسى الموضوع واذا سقطت بره
    3 - تبدى عاد بعد 3 سنين تدخل برنامج اتصير مانيجر واهني عاد 100 % معزول عن الناس لانه كله اجتماعات وتلفونات وعندك مبلغ لا زم اتسويه من الشغل واذا ما سويته بره الشركه

    يعني في النهايه انته بخطر وحاط ايدك على قلبك طول هالمده وذا وصلت لمرحلة انك تعبت وهذي لازم توصلها لني قلت انه الشغله هذي ما تصلح معا الكويتي بالذات لانه الواحد يدفن نفسه وما ايشوف حتى اهله

    راح تتجه لل koc or knpc or kgoc لانه خبرتك بالنفط وهالشركات الحكوميه لو عندك ماجستير بترول والا دكتواره نفس الشي يعني هالشركات ضياع وقت على الفاضي

    وكبر دليل على كلامي روح هالشركات وسأل عن الكويتين راح تلقاهم 2 % من الموظفين واهيا نسبة التكويت وتلقاهم كلهم يدد ومستحيل تلقه واحد عنده بكالوريوس وكمل 4 سنين اكثر اللي ايطولون اللي عندهم شهادات ثانويه ودبلوم لانه المعاش حيل قوي لهم

    والخيار الاول والاخير لك بس بقولك على شغله حطها ابالك وهذي غلطتي كانت ترى اذا رحت هالشركه وبتحول حكومه لا زم تستقيل واتقدم على الديوان من يديد وتنطر دور يعني اقل شي 6 شهور على ما اتوظف وشهرين علة ما ينزل معاشك
     
  12. Br0nz

    Br0nz بـترولـي نشيط جدا

    291
    0
    0
    انزين سؤال يا أخي العزيز ..

    ما تفرق المعامله بين الجامعي و الدبلوم و الثانوي ؟

    لأنه على سبيل المثال اعطيك القطاع العسكري .. الافراد اللي من غير شهايد بتسألهم بقولولك تف و سف , اما تروح صوب الضباط تلقاهم مرتاحين و يرغبونك بالمكان ..

    و بالعكس وايد اقتنعت بكلامك .. بس للتوضيح يعني ..

    بس اكيد تنصحني بالkpc عدل ؟
     
  13. eng-q8ii

    eng-q8ii بـترولـي نشيط

    123
    1
    0
    اذا انت مهندس اول سنوات (من 3 الى 4 سنوات ) لازم تشد حيلك بعدها راح تنفتح لك ابواب الراحه حتى لو تعب بس راح يكون مقبول
     
  14. engindustrial

    engindustrial بـترولـي جـديـد

    24
    0
    1
    وياجماعه الي يعرف عن معاشات وذرفورد للمهندس المبتدئ ياريت يبلغني
     
  15. mr_funky116

    mr_funky116 بـترولـي جـديـد

    43
    0
    0
    سلام عليكم شباب عندي جم سوال
    شلمبرجير يشغلونك سعات عمل محدوده في الشهر؟ والساعات الزايده تحسب اوفر تايم؟
    المعاش يختلف باختلاف طبيعه العمل يعني اللي يشغلونه بالكويت ياخذ نفس المعاش مه الي يودونه دوله ثانيه؟
     
جاري تحميل الصفحة...

مشاركة هذه الصفحة