صارت من العادات والتقاليد

الكاتب : العجمـي | المشاهدات : 1,060 | الردود : 21 | ‏29 سبتمبر 2009
  1. العجمـي

    العجمـي بـترولـي خـاص

    1,857
    0
    0
    سـر
    kuwait
    الاستهتار والرعونه !!
    في كل مكان نشوف استعراض واصوات مزعجه وزحمه بسبب الاستهتار والرعونه
    الموضوع هذا شكله يزعج البعض بس بتكلم فيه
    اول شي لما تكون رايح مشوار وتحصل زحمه وتنطر وتنطر وتنطر تبي احد يحرك واقف الشارع طبعا تبي تعرف شنو صاير حادث والا تفتيش وتنصدم لما تعرف ان السبب واحد قاعد يستعرض والكل يتفرج لا وتتصل على العمليات 777 ويقولون اخذ رقم السياره وروح المخفر وقدم شكوى !! بالذمه هذا حل ؟؟
    زين ليش ما يصير عندنا قانون بالكويت يمنع الاستهتار والرعونه ؟؟
    المفروض يصير عندنا قانون اللي يضبطونه يستهتر يكبسون سيارته ( وتصير حديد خرده ) سكراب يعني ويسجن الشخص شهر على الاقل وتصير جنايه يعني ما يصير
    يقول واحد من الشباب ترى الاستهتار والرعونه ( التقحيص ) صارت من عاداتنا وتقاليدنا بالكويت في المناسبات !! يمكن تصير بالمناهج بعد
    المهم الله لا يبعدنا من الحوادث ومن هالعادات والتقاليد المستقبيله
     
  2. المعلمة المتميزة

    المعلمة المتميزة بـترولـي مميز

    945
    0
    0
    صح لسانكـ والمشكله تلقاهم عند الدورات والتقاطعات >>> يختارووون الاماكن التي تعطل السير >> بحبووون يكونون تحت الاضواء >> الله يهديهم
    اختيار موفق للمووضع

    شكرااااا ....***
    تقبل مروري...***

    [​IMG]
     
  3. العجمـي

    العجمـي بـترولـي خـاص

    1,857
    0
    0
    سـر
    kuwait
    اي والله
    الله يهديهم ويهدي والدينهم اللي شارين السيارات هذي لهم
     
  4. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    الغلط مو منهم الغلط يتحمله اولياء الامور والحكومه الي ما فتحت لهم نوادي ومخلينهم بالشوارع يضيعون اعمارهم واعمار غيرهم

    اما تدق على 777 صج شنو تبي يسوون ملو خلاص على ما اتييك الدوريه الا الي يقحص قاعد في البيت واحط في بطنه بطيخه صيفي
     
  5. reznama

    reznama بـترولـي مميز

    عليك نوووور

    طبعا يقولون لك إخذ رقم لوحة السياره ... والسياره أساسا ماتشوف اللوحه منها بسبة الغبره اللي حاصله ..

    وإلا تلقاه شايل لوحة السياره ... علشان ياخذ راحته أكثر .. ويتمادى ..

    وإذا يتلك الدوريه يطلع واحد من الجماعه و يضحكون ضحكتين و كأن شيء لم يكن .. !!

    ..

    أذكر مرّه عند تقاطع إشاره بمنطقه من مناطقنا الجميله :rolleyes: .. وقف واحد سوالنا إغبره .. عفسنا عفيسه والإشاره تتبطل وتتسكر وتتبطل وتتسكر وإحنا ما زلنا واقفين ننطر سعادة المستهتر يشبع تقحّص ... !!


    المشكله لمن نقول ديرة بطيخ ماكو قوانين صارمه .. (( يزعلووووووووون )) ;)

    الشكوى لله ..

    ..
     
  6. العجمـي

    العجمـي بـترولـي خـاص

    1,857
    0
    0
    سـر
    kuwait
    وين ولي الامر وهو اللي يشجعه :)
     
  7. العجمـي

    العجمـي بـترولـي خـاص

    1,857
    0
    0
    سـر
    kuwait
    يمكن عندهم عرس ويعبر عن السعاده اللي بداخله :)
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    موضوع يستحق النقاش ،

    يا اخوي العجمي ، المشكلة مو في سن القوانين ، يا ما قوانين معطلة ما تسري حتى لمدة شهر

    مثل قانون عدم إستخدام الهاتف النقال في السيارة للسائق ، و حزام الامان و غيره من قوانين ،

    مشكلتنا إذا تربى الشاب على عدم إحترام الغير و عدم معرفة حدود الحريات

    هذه مشكلتنا حسب ظني

    و شاكر لك
     
  9. العجمـي

    العجمـي بـترولـي خـاص

    1,857
    0
    0
    سـر
    kuwait
    شاكر مرورك اخوي عبدالله
    بس صارت سالفه الاستعراض بكل مكان وانا اعرف واحد بالداخليه وكان على دوريه وشاف واحد مسكر الشارع ويستعرض ومعطل الخلق على التقاطع تصدق وصل عنده وما همه الدوريه لما حكره بدعامية الدوريه ودعمه علشان يوخره من التقاطع ولما سواله إحاله للمخفر اتهموا اللي بالدوريه بتعمد عمل حادث واحداث اضرار بالغير والمسكين الاخ العسكري تحمل تصليح الدوريه وسيارة المستهتر هذا هو الحال
    وتشوفهم يتحاشون اللي يستعرضون وما يبون يحتكون فيهم ليش يخاف العسكري انه يتعرضهم وتنقلب عليه
    هذي الواسطه وما تسوي
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    صحيح يا العجمي

    الواسطة مثل ما قلت سبب رئيسي

    و شرطتنا الله يعينهم إذا نفذوا القانون

    يطلعونهم غلطانين

    العجمي بآخر جملة في بداية الموضوع إنت كاتب : المهم الله لا يبعدنا من الحوادث ومن هالعادات والتقاليد المستقبيله

    الله لا يبعدنا و المفروض الله يبعدنا :)
     
  11. العجمـي

    العجمـي بـترولـي خـاص

    1,857
    0
    0
    سـر
    kuwait
    استر على ما واجهت :)
     
  12. محمد المذن

    محمد المذن بـترولـي مميز

    694
    0
    0
    يا العجمي طولي عمرك احنا احسن ناس نحط قوانين ومانبطقها كلامك صح 100% لاكن عن نفسي ان صارت السالفه حق اخوي وله ولد عمي وله قريب لي طلعته من السالفه بواسطه وهاذا وضع الاغلبيه وتصير من امن العقوبه اساء الادب
    بتتكلم بموضوع صغير بتدخل بشغلات ثانيه
    ف الحل الوحيد انه امرك لله وتحط براحه قار وتوفر ديزل على حساب الحكومه وتصير في تواير مستعمله مدعومه من الحكومة بدال لا يشترون شبابنا من السكراب ياخذون التواير مع التموين ووقتها ماتسمع ولا تشوف احد يقحص بس بتشم ريحت التواير بهدوم عيالنا
    ههههه
    والله المستعان
    :)
     
  13. speed-way

    speed-way بـترولـي نشيط جدا

    يعطيك العافية على الموضوع انا من وجهة نظري ان المشكلة مشكلة اخلاقيات وهم دور الاسرة وثاني شي ليش صكرو الرابطة كانت ضافة الشلة الحين يسرحون بالشوارع
    وتقبل مروري
     
  14. aL- raSy

    aL- raSy إدارة المنتدى

    2,714
    0
    36
    موضوع يستحق النقاش كما قالوا الاخوان لكن مهما تحدثنا ما اعتقد ان فيه فايده.. :)

    اعتقد بأن الاسره اولا و المجتمع ثانيا هم المسؤولين عن هذه التصرفات الصبيانيه من بعض الافراد ، مثل اللي ذكرتها يا العجمي و فيه اكثر مثل ظاهرة الكتابه على جدران المدارس و المحولات و الجمعيات إلخ...

    والله شي يحيّر انا ابي اعرف شنو المتعه من اني اقحص بعرس..؟؟ بماذا يرمز القحيص..؟؟ تعبير عن فرحه مثلا..؟؟
    اتمنى ان اللي يجاوب على سؤالي يكون قد سبق له التقحيص في عرس.. :)



    العجمي الف شكر على هالموضوع..
     
  15. الفارس99

    الفارس99 بـترولـي نشيط

    145
    0
    0
  16. العجمـي

    العجمـي بـترولـي خـاص

    1,857
    0
    0
    سـر
    kuwait
    خوش حل بس يوافقون عليه ربعنا :)
     
  17. العجمـي

    العجمـي بـترولـي خـاص

    1,857
    0
    0
    سـر
    kuwait
    والله يا اخوي المتعه عندهم بين البيوت لو فيه رابطه ما راح تسوي شي
     
  18. العجمـي

    العجمـي بـترولـي خـاص

    1,857
    0
    0
    سـر
    kuwait
    مشكور يالراسي على الاضافه ولا تنسى بعد موضوع الرمي بالاعراس ترى بعد من اكبر المصايب ضيفه على اللي اضافتك
    البلاوي كثير وانا اخوك وربك يستر
    شاكر مرورك
     
  19. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    كلام سليم أخوي ...

    الحل ان يحطون قوانين رادعه .. والأهم تطبيقها !

    لأن في وايد قوانين .. بس تطبيق زيروووووووو

    الله يهدي هالشباب الطايش .. المشكلة ما يدرون انهم يشكلون خطر على حياتهم وعلى حياة الآخرين ..

    عقلهم ليلحين هالكبر -------------> .


    مشكور على الموضوع
     
  20. العجمـي

    العجمـي بـترولـي خـاص

    1,857
    0
    0
    سـر
    kuwait
    مشكور اخوي
    بس وين يحطون القانون والواسطه فوق القانون
     
جاري تحميل الصفحة...

مشاركة هذه الصفحة