(الاتصالات والملاحة) ام (مشغل مصفاة) !!

الكاتب : مستجد | المشاهدات : 4,592 | الردود : 9 | ‏28 سبتمبر 2009
  1. مستجد

    مستجد بـترولـي جـديـد

    28
    0
    0
    السلام عليكم ورحمة الله وبركاته ..

    اخواني انا حديث التخرج من الثانوية ونسبتي 76 لله الحمد بس ياريت اتفيدوني برايكم شنو افضل من حيث الراتب بالتوضيف والطبيعة العمل والامتيازات مشغل مصفاة في النفط ام معهد الاتصالات والملاحة ( الطيران المدني).

    والله احترت وكل واحد يقول كلام وفي ناس مامدحو النفط بتاتا لما فيه من مصاعب شاقه وراتب قليل لكن سؤالي للجميع ياريت اتجاوبوني وترشدوني والله يجعله في ميزان حسناتكم انشالله ..
     
  2. الخبير الفني

    الخبير الفني بـترولـي نشيط

    73
    0
    6
    نصيحة روح لمعهد الأتصالات والملاحة احس لك
     
  3. ليره

    ليره بـترولـي نشيط

    51
    0
    0
  4. مستجد

    مستجد بـترولـي جـديـد

    28
    0
    0
    اخوي ليره شلون يعني المشغل افضل من اي نواحي يعني طبيعة العمل ولا المميزات وحوافز ولا الراتب ماوضحت ياريت تتكلم شوي ماعليك امر !!

    لان انا محتار مابين دخول تخصص (تسهيلات المطار) في معهد الاتصالات والملاحة للعمل في الطيران المدني ومابين مشغل مصفاة في Knpc فياليت توضحلي فرق الراتب والحوافز والامتيازات وتسلملي طال عمرك
     
  5. مشغل

    مستقبل افضل ومعاش قوي
     
  6. سايق الخير

    سايق الخير بـترولـي نشيط

    62
    0
    0
    اذا انت علمي سجل بالتكنولوجيا تخصص تشغيل مصافي سنتين ونص و يمشيلك 400 دينار وانت تدرس .. 100 من الكليه و 300 من الشركه
    واول ما تخرج يجونك الشركه لعندك وتوقع معاهم العقد و تستلم شغلك دايركت .... يعني بدون اعلان وتنطر وحالتك حاله
    اما اذا ادبي سجل بالاتصالات و الملاحه واذا فتحوا مشغل حقل سجل بعد
    وبالتوفيق
     
  7. سياسي محنك

    سياسي محنك بـترولـي نشيط جدا

    الدراسه افضلك لأن دوام الشركة رح يربطك من الدراسه ولو تدش مثل ماقال اخوي معهد التكنلوجيا ولا الكهرباء والماء .

    نسأل الله لك التوفيق .
     
  8. ابواحمد

    ابواحمد بـترولـي جـديـد

    34
    1
    0
    اعتقد الشركة افضل

    السلام عليكم ورحمة الله وبركاته

    اتمنى انى ما اكون تاخرت بالرد ومازالت الفرصة متاحة لك في الاختيار. اخى العزيز انا كنت من خريجى معهد الاتصالات والملاحة الجوية واشتغلت بالطيران المدنى وبعد معاناة وتحبيط من جميع النواحى قررت اكمل دراستى واحصل على الهندسة وكنت اعتقد ان وضعي سوف يكون افضل لا ان ما تغير شئ اللهم الراتب زاد شويه علشان كادر المهندسين وقبل 5 سنوات التحقت باحدى شركات النفطيه والحمدلالله الراتب افضل بكثير ومميزات افضل ومستقبل وظيفي افضل.
    اخى الفاضل اذا كنت تدور على الشهادة اعتقد معهد الملاحه افضل عل سبيل انك تبي تكمل وتصير مهندس ولكن الراتب بالادارة العامة للطيران المدنى ما يسوى ومستقبل وظيفى صفر.
    واما اذا انت ماتبي اتكمل بعد الدبلوم فاعتقد من الافضل انك تلتحق بالشركة مشغل مصفاة وبعد سنتين من الدورة تتعين وتشوف مستقبلك لان مسئلة انك تكملة الدراسة وانت موظف بالشركة اصبحت صعب جدا جدا اللهم عندك واسطة يمشى على زنده البعارين.

    واما بخصوص الراتب للاسف الاخوان ما يحسبونها صح , نعم في البداية ما كو فرق ولكن تعال نحسبها بعد عشر سنوات انت اشراح تاخذ بالطيران المدنى وشراح تاخذ بالشركة تلقى الفرق كبير جدا.

    انا بالنسبه لى اشتغلت عشرين سنه بالطيران المدنى وبعد ما التحقت بالشركة ندمت ند\ما شديدا شديدا على انى ضيعت عمرى بالطيران المدنى ولو عندى ولد والله ثم والله لانصحه بالشركه بشرط ان ما له خلق الدراسه وهمه الدبلوم فقط لاغير.

    والله يوفقك ويسدد خطاك
     
  9. أسرار

    أسرار بـترولـي جـديـد

    27
    0
    0

    وعليكم السلام ورحمه
    حبيت اقولك ان انا من خريجين معهد الاتصالات والملاحه
    ونصيحتي لك سجل بالمعهد وكمل دراستك وتوكل على الله
    لانه تخصاصات يديده طلعت حق الشباب واحلى من االطيران المدني
    ومن حسن حضك ان هالمعهد صار بكالوريوس ونسبتك فوق 70 وانشالله
    وانا يقبلونك وصير مهندس بالمكان اللي تبيه وأكيد راح يكون لك راتب قوي بعد ماتخرج
    وشكرا



    اختك / أسرار
     
  10. مستجد

    مستجد بـترولـي جـديـد

    28
    0
    0
    مشكورين اخواني والله ماقصرتواا يعطيكم الف عافيه والحين انا اداوم بالاتصالات توني مستجد وماشي الحال حمدالله واذا نزلت دورة بالبترول راح اسجل فيها واذا مانزلت بكمل مشواري مع الاتصالات وبدخل تخصص تسهيلات المطار اننشالله ولكم مني اجمل التحيات والشكر ..
     

مشاركة هذه الصفحة