من لا يشكر الناس لا يشكر الله

الكاتب : osscfire | المشاهدات : 1,402 | الردود : 17 | ‏21 سبتمبر 2009
  1. osscfire

    osscfire بـترولـي جـديـد

    2
    0
    0
    من لا يشكر الناس لا يشكر الله

    أتقدم بجزيل الشكر و عظيم الامتنان الى كل من

    منحني صوته في انتخابات نقابة العاملين بشركة خدمات القطاع النفطي

    و حملني مسؤوليه الامانه التي أتمنى أن اكون أديتها بالشكل الذي يرضي الله ثم يرضيكم

    كما أتقدم بالأعتذار عن عدم رغبتي بخوض الانتخابات القادمه و ذلك

    لاتاحة الفرصه للأخرين لكي يكملوا المسيره.



    تـقـبـل الله طـاعـتـكـم و عـيـدكـم مـبـارك

    أخوكم / حـمـد راشـد شـافـي الـهـاجـري
     
  2. dehen_3ood

    dehen_3ood بـترولـي خـاص أعضاء الشرف

    الله يعطيك العافية وعساك على القوة أخي الكريم
     
  3. رجل امن اول

    رجل امن اول بـترولـي مميز

    756
    0
    0
    رجل امن اول
    الكــــــــــويت
    الله يعطيك العافيه ويسامحك

    يعني الله يهداك طول المده الي كنت فيها بالنقابه مو مسجل بالمنتدى اله توه لمن خلصت عضويتك دخلت؟؟؟؟؟
     
  4. k.n.1984

    k.n.1984 بـترولـي نشيط

    64
    0
    0
    الله يعطيكم العافيه بس للامانه ياليتكم مانجحتو لاتزعلون

    صدقني مالي علاقه بالقائمه الثانيه بس والله الاغلبيه منهم كفاه

    لو انهم ناجحين كان جابو جميع مطالبنا ....

    على العموم الله يوفقكم وزين ماسويت انك بتنسحب
     
  5. سياسي محنك

    سياسي محنك بـترولـي نشيط جدا

    علينا وعليك يتبارك ومنا ومنك في صالح الاعمال , ويااخوان الرجال قاعد يشكر يعني ماله داعي الكلام اللي تقولونه على الرجال .

    الرجال بين في عينه الوقفه اللي وقفوها معاه ربعه وقاعد يتشكر منكم , اتمنى يااخوان انكم تهدون بالكم وتردون على الرجل

    بالكلام الزين وتقبل الشكر والعرفان منه .

    تقبلوا تحياتي
     
  6. abonasser

    abonasser بـترولـي نشيط

    82
    0
    0
    ونعم الاخلاق يابوراشد وانا اتكلم علي الصعيد الشخصي وبحكم معرفتي بك


    ما اقول غير الله يوفقك والعيد عليك مبارك
     
  7. osscfire

    osscfire بـترولـي جـديـد

    2
    0
    0
    الله يعطيكم العافيه
    و بخصوص اني مسجل جديد بالمنتدى ارد على اخوي رجل امن
    ان صاحب الرساله هو شخص عزيز علي و معاي بنفس الشفت و فعلا
    ما فكر بالمنتدى بالاساس فأخذت منه رسالته و سجلت بالمنتدى
    و يعطيكم العافيه عموما على ردودكم و شكرا
     
  8. like.no.other

    like.no.other بـترولـي مميز

    594
    0
    0
    علينا وعليك يتبارك

    و بيض الله وجهك وعساك على القوه

    تحياتي
     
  9. الامن الصناعي __

    الامن الصناعي __ بـترولـي جـديـد

    19
    0
    0
    السلام عليكم ...
    وكل عام وانتم بخير ..
    شنو سويت انت عشان تنسحب وشدعوه احد درا عنك بس .. اللي فالح فيه الهدد والشماغ اللي على راسك والتمسس بالاداره .. عبالك انت حمد شافي رئيس الاتحاد غلطاااااااااااااااااااااااااااان والله غلطاااااااااااااان والفرق واضح ..

    اتمنى من الاخ الفاضل اللي يقول انا اوصل رسالة حمد يسأل حمد شنو الفرق بينه وبين

    جراح ضاوي
    وجراخ مبارك
    ومشعل بشير
    كلهم ماعندهم مناصب فعاله ولكن برزو واثبتو انهم يشتغلون والله عيب اللحين تجي وتقول اعتذر وشدعوه بتنجح مره ثانيه خلاص هالمره للحبيب اللي عطاكياه السنه اللي فاتت ..اتمنى انك تقبل النقد بصر رحب يابوراشد وانا والله احترمك شخصيا"
     
  10. القعقاع

    القعقاع بـترولـي نشيط جدا

    345
    0
    0
    سكت دهرا ونطق كفرا

    اول شي يعطيك العافية اخ حمد على شجاعتك المتأخره وكتابة موضوعك هذا

    وهذا ان دل دل على وجودك المستمر في المنتدى وقرائتك لشكاوي اخوانك...

    يعني من بداية عضويتك في النقابة ماشفنا لك رد او موضوع...

    واعتقد ان عدم نزولك للدورة الجاية هو احساسك انك لم تقدم شي للموظفين

    وياليت الشخص اللي انسحب عشانك كان نازل لانه يستحق المكان هذا

    واتمنى ان تقبل النقد بصدر رحب

    وتبقى حمد راشد الزميل الذي نكن له كل احترام وتقدير شخصي

    والنقد هذا ارجو ان تعتبره نقد على عملك في النقابة
     
  11. السفير

    السفير بـترولـي جـديـد

    47
    0
    0
    هههههههههههههههه
    اعذرني اخوي حمد
    انت انسان معندك فكر نقابي والي اسمعه دايم عنك انك تعارض ربعك وبس وجاي اخر شي تقول اسمحولي منو قال انك راح تطلع او تنجح
    اقبل مروري وراي
     
  12. السلطه العليا

    السلطه العليا بـترولـي جـديـد

    1
    0
    0
    حمد راشد ماسمعنا عنك شي....والاطفائين مادريت عنهم ...

    والحين جاي تصرح انك مراح تنزىل الله يهدااك بس... ليتك مانزلت بالاساس

    شوووف اللي بشتغلوون

    انا ودي اسألك كم سؤال...

    ليش اطفاء نفط الكويت عطووا مشعل بشير الرشيدي مشكلة تدوير الاطفائين من ال8 شهور الى سنه وماعطووك انت بحكم انك اداوم في نفط الكويت. والمشكله انحلت
    وينك عن الامن الصناعي ومشاكلهم
    وينك عن القوه الشااطئيه ...ماوقفت مثل جرااح المطيري وجراح ضاوي
    لبش مساعديين المدربين عطوا مشكلتهم مشعل الرشيدي وماعطووك.

    انا ما انتقدك كشخصك انا انتقدك كصفتك عضو نقابه....وانا معاك في اطفاء بنفط الكويت...وكل ماصار شي عندنا ماذكرنا الا مشعل الرشيدي بحكم انه اطفائي ولا قصور بالاعضاء الباقين..ويينك طوول الفتره السابقه,,,وانا كعضوا جمعيه عمووميه يحقلي ان احاسبك

    مثل ماقال اخوووي الامن الصنااعي,,,,, وينك من الثلاثه اللي يشتغلوون

    ولهم كل الشكر
    جراح مبارك المطيري

    مشعل بشير الرشيدي

    جراح ضاوي العتيبي


    واتمنى انا التقد يكوون بنااء وعشان يستفيد اللي راح ياخذ مكانك
     
  13. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    والله ولا مره فكرت اصوت ولا اسأل عن النقابه ومنو فيها :D

    لان للاسف اهم شي حقهم وحق جماعتهم :cool:

    والكل يدري ان اعضاء النقابه صغار ولا عندهم خبره بالنقاش مع الاداره والعالم ;)

    كل واحد رفع صوته كأنه مسلم البراك :D
     
  14. aLHaJeRi

    aLHaJeRi بـترولـي نشيط

    131
    0
    0
    سبحاااان الله اذا الرجال شفطلكم قلتو عنه مو مضبوط واذا شكركم هم قلتو عنه بعد مو مضبوط وشنو سويت عشان تشكرنا ؟؟؟

    اعتقد ابو راشد من موضوعه اصلا يشكر الناس عشان شنو ؟؟؟ عشان ربي يشكره يدور الاجر ولا هو كلامكم لا راح يزيده ولا راح ينقصه ؟؟ يبقى ابو راشد سيفن مجرب ولا انتو كلكم داشين في اسامي مستعاره واتكلمون من وراء الشاشه ولحد يعرف عنكم اي شي ...؟؟؟؟ وسبحان الله كل واحد قاعد يعبر عن البيئه اللي هو عايش فيها



    تبقـــــــــــــــــــى يابو راشد كبيـــــــــر في اخلاقك في اسلوبك في طرحك بيض الله وجهك يالامير
     
  15. الامن الصناعي __

    الامن الصناعي __ بـترولـي جـديـد

    19
    0
    0
    السلام عليكم ورحمة الله وبركاته ,,,

    الحبيب اللطيف صاحب نك الهاجري حنا مو داشين فرعي هواجر عشان تمجد في حمد راااااشد وانت معروف وسالفة سيفن مجرب بوراشد قول وفعل ولاااااااااااااااااااااااكن بالنقابه دجة الداجين ومايدري وين مسدح راسه و وجهاه مال امها داعي وتصريحات خاااااطئه ..

    وجميع اعضاء النقابه معروفين ونعرف اللي يشتغل واللي نايم في بيتهم ,,,


    تقبل مروووووووري
     
  16. شركة_بيض_الخعفق

    شركة_بيض_الخعفق بـترولـي جـديـد

    24
    0
    0
    مشكور يا بو راشد و انا ما راح اطول بالكلام بس حبيت اقول حق اعضاء النقابه كلهم واحد واحد بدون استثناء استريحو و خلو غيركم :)
     
  17. الفارس33

    الفارس33 بـترولـي نشيط

    68
    0
    0
    يا شباب هالكلام والله ما ينفع الرجال اعلن انه ما راح ينزل ويتشكر منكم كلكم التجريح ماله داعي انا شخصيا ما اعرف حمد شافي لاكن بيض الله وجهه واللي يقول شدعوه بينجح ماله داعي اذا جا وقت الانتخابات لا تصوت له وخلاص بالعكس اخوي انا احترم الشخص اللي يكون عنده الشجاعه ويعلن نفس هالاعلان
     
  18. q8security

    q8security بـترولـي خـاص أعضاء الشرف

    شباب هدوا اللعب


    اللي يبي يوجه نقد لايوجه بطريقه شخصانية

    رجاء


    النقد يكون للأداء النقابي بدون عبارات التجريح



    ====================


    بالنسبه لرأيي الشخصي كموظف حالي حال غيري من الموظفين

    فأرى وعن إطلاع بالنقابه الحالية وإحتاك بكثير من القضايا


    أدائهم ودورهم غير فعال مجرد وجاهه وأمور إجتماعية


    كلهم كأشخاص والنعم فيهم وفي منهم منه لكن كأداء وكعمل نقابي للأسف


    سئ جدا


    وأهونهم الثلاثه المعروفين وعلى رئسهم جراح المطيري


    بس المشكله أنهم 15 عضو شنو يقدر يسوي جراح والأثنين اللي معاه مقابل 15 عضو



    ليتكم وأنا أقولها من الحزن اللي فيني



    ثبتوا حقوق الناس بمحاظر رسمية مصدقة ليتكم ماكابرتم في قضية الشاطئية


    وإستفردتم برايكم


    ليتكم إستعنتوا بالنقابات الثانية بدال محاميكم المصري مال مجلس الأمه اللي هو مستشاركم القانوني


    اللي على حد علمنا مايفقه كثيرا بالعمل النقابي ودهاليزه


    أنا أقولها الله يعطيكم العافيه لكن أنتم قصرتوا كنقابيين


    ومازال الشق عود


    وأنا أقول من هذا المنتدى أي نقابه قادمه بإذن الله مهما كان قائمتها أو فئتها

    سيتم إنتقادها وتعريتها إن لم تقدم شئ

    وسبتم مدحها إن قدمة شئ


    تدورن ليه لأنهم واجهتنا القانونية وهم محامي عن حقوقنا

    وأرزاقنا

    وهذا مانعتبره خط أحمر لايقبل المجامله



    والله المستعان
     
    آخر تعديل: ‏4 أكتوبر 2009
جاري تحميل الصفحة...

مشاركة هذه الصفحة