ترى احنا بـ الـ k ــويت !!!!! @@

الكاتب : انوار | المشاهدات : 1,344 | الردود : 26 | ‏19 سبتمبر 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    بسمـ الله الرحمن الرحيمـ

    السلامـ عليكمـ ورحمة الله وبركــاته

    شلــونكمـ & شخباركمـ




    عنـــوان الموضوع

    { تـرا أحنــا بـ الـ k ـويت }




    [​IMG]




    بتكـلم عـن كـذا موضوع منرفزني وباط جبدي يحسسني أن أحنا مو بالكويت بـ "" غابه"" لاتلوموني

    اذا اطلقت مسمـى ""غابه"" لمـا تقرون الموضوع بتقولون معاج حق وفي بعضكم بيقول

    هذي ينت اخليكم مع الموضوع ..




    للأسف الشديد في بعض الكويتين انتبهو ا " بعض " عليهم حركات

    يحسسو ني اني بـ ""غابه "" و هذي بعض المواقف ..







    [​IMG]



    الموقف الاول : قيادة السيارات ..




    بصراحه للاسف الشديد الكويت من ضمن قائمة المستهترين بالقياده وتليهم مصر وفرنسا .. بس أنا بتكلم

    عن الكويت خصوصا عند الباركنغ تلقى واحد طاق اشارته ناطر المصفط ايي واحد من آخر الدنيا ويصفط مكانه

    مو شي يحر وشنو تسمون هذا التصرف .. وعند اللفات تخلي واحد يمر تلقى عشرين واحد طالع لا احترام ولاتقدير

    بالأخص بعض البنات بهذي السالفه مايخلون احد يمر أشوى شوي الريايل .. بالامانه مو هذي المواقف تدل ان احنا

    بغابه ..



    وعـ فكره القياده فن وذوق والتزام









    [​IMG]


    الموقف الثاني : بالجمعيات



    هم للاسف الشديد لما أروح الجمعيه يحترق قلبي اموت قهر وسبه

    هالناس اللي بالجمعيات .. اذا خذوا شي ويبون يردونه مترددين مايرجعونه مكانه لا يقطونه مكان ثاني مثل صابون

    يحطونه مع الكاكاوات ..يعني خلاص شي خذيته رده مكانه .. واللي يحر اكثر واكثرالعربانات مايرجعونهاا مكانها جان زين

    يطبقون نظام اوروبا ويحطون فلوس على العربانات واذا رده ترد فلوسه والمشكله اذا قطوا العربانه نصهم يا يقطها نص

    الشارع يانص المصفط .. اذا انت عيزان تدز العربانة و تردها مكانها خل العامل يخدمك بالامانه مو هذا الموقف يدل ان

    احنا بغابه ..







    [​IMG]



    الموقف الثالث : بالمجمعات





    بتكلم بالمجمعات صوب المطاعم لما يصير طابور كل واحد ناطر دوره ايي واحد من اخر الدنيا وايي يدخل بيين

    الناس بارده مبرده .. مره صار معاي موقف كانت وحده جدامي وبعدين أنا الثانيه وراي واحد وطبعا ورى

    هالواحد طابور ناطر دوره المهم خلاص باجي وحده جدامي وايي دوري المهم ولاوحده تدخل جدامي حتى

    لوسمحتي ماقالت لو قايله لوسمحتي بيي جدامج من العين اليمنى قبل اليسرى أخليهاا لكن احتريت

    أنا طبعا سكت لأني انسانه مسالمه مااحب المشاكل مشيتها ماابي احط عقلي بعقلها المهم ولا اللي وراي

    قالها لوسمحتي روحي ورى مثل مااحنا ناطرين انتي نطري جان تقول أوكي وراحت ( جان من الأول ما تسوى عليج

    هالفشلة ).. غير هذا لما ياكلون ويخلصون مايقطونه بزباله لما يخصلون .. بالأخص مطاعم الوجبات السريعة

    والأمريكية بالامانه مو هذا الموقف يدل ان احنا بغابه ..




    [​IMG]




    الموقف الرابع : الاسلوب الغير حضاري وانتشار الكلام البذئ لدى البعض في الأماكن العامة ..




    اعتقد مره طلعوا برنامج توالليل ان بعض الكويتين اسلوبهم ترده لي ورى للأسف وبالفعل هذا اللي

    قاعدين انشوفه مثل {جب و غيره من الفاظ بذيئة } و اللي يقهر انها تكون جدام المارة وفي اللي اقوى من هذي

    الكلمات معقوله وصل مستوى البعض الى هذا المستوى ليش مو الاسلوب المحتر م بيين الناس يكون افضل ..

    بالامانه مو هذا الموقف يدل ان احنا بغابه ..






    [​IMG]





    وسادسـأأ وسـأبعــأ والى ماله نهــــايه .. أخواني وأخواتي ترا أنا حطيت الموضوع من واقع قاعديدن

    انشوفه الى متى جذي وعلى فكره الموجود عندنا موجود بكل الدول العربيه بس أنا قلت بتكلم عن الكويت

    لانهـا ديرتي ..






    وسامحوني اذا في بدليات بعدين اصححهاا مستعيلة بلحق على السوق ما باقي شي على العيد كل عام

    وانتوا بخير




    و حبيت اقولكم ان هذا آخر موضوع لي في المنتدى لأني

    راح انشغل بعدها بظروفي الخااااصة ....



    تحية احترام و تقدير مني لكم جميعا لادارة المنتدى و لجميع الأعضاء و بالتوفيق للجميع :)
     
  2. JASEEM

    JASEEM بـترولـي نشيط

    103
    0
    0
    للأسف اختي كل النماذج اللي قلتيها موجودة و كل واحد و طبعة و تربيته والشكوى لله راح نفتقد مواضيعج المميزة بس الله يوفقج بحياتج
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    الله يصلح الجميع و ان شاء الله تختفي هالظواهر من ديرتنا

    الحبيبة .... و شكرا اخوي على الدعوة الطيبة
     
  4. بن عامر

    بن عامر بـترولـي خـاص

    1,159
    0
    0
    k.o.c
    kuwait
    فعلا هذي ظواهر للأسف نعاني منها و لكن نأمل إن شاء الله أن يكون هنالك وعي أكثر لدى عامه الشعب .

    مشكوره عالموضوع الحلو يا أنوار .

    و الله خبر محزن أن نفقد أعضاء تركوا بصمتهم في المنتدى بمواضيعهم المتميزة و أخلاقهم العاليه و أنتي بلاشك تأتين في مقدمه هؤلاء و أسأل الله لك التوفيق في حياتك و نتمنى أن يكون غيابك مؤقت فقط و تعودين كما كنت متميزة .
     
  5. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    ان شاء الله ينتشر الوعي لدى البعض و ما نقعد نشوف هذي

    الظواهر ... أشكرك أخوي على الاطراء الجميل و أشكر تقديرك لي و دعوتك الطيبة و كل عام و أنت بخير
     
  6. الصايغ

    الصايغ بـترولـي خـاص

    اختي انوار لو بنفكر ان نتخلص من الشواذ والطرق الي ذكرتيها وكيفيه معالجتها بنرد وانقول الاسرة والاعلام والتربيه
    هذول الثلاث اذا اجتمعووو بكون انا وانتي واهم صج بالكويت
    واخر الكلام ربي يوفقج بالايام اليايه ونطلب الخير والسعادة لج علي طووول
    وكل عام وانتي بخير
     
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    ان شاء الله تتكاتف كل الجهود لتوعية الجميع و للتغلب على هذه

    الظواهر ... و مشكور على الدعوة الحلوة

    و كل عام و انت بخير يا رب
     
  8. البندري

    البندري بـترولـي نشيط

    115
    0
    0
    غابة عاد مرة وحدة !!!

    أختلف معاج بالتسمية

    و أتفق معاج إنه شيء يبط الجبد و يقهر

    لكن الغابة سكانها مو أوادم

    و مهما يكون

    فيه الزين و الشين

    و طبيعي فيه التصرفات الراقية و التصرفات الغير راقية

    ربي يهدي الكل

    و عيدج مبارك
     
  9. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    و انا اختلف معاج صديقتي لأن في ناس تسكن الغابات :) و ان

    شاء الله تتغلب التصرفات الراقية على التصرفات الغير راقية لأن فعلا شي يحر و يبط الجبد والله يهدي الكل

    وكل عام وانتي بخير صديقتي:)
     
  10. المعلمة المتميزة

    المعلمة المتميزة بـترولـي مميز

    945
    0
    0
    يسلمووو انوار على هذا الطرح
    وحطيتي ايدج على الجرح
    تقبلوو مروري
     
  11. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    الله يسلمج و شكرا للمشاركة بموضوعي
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    مــن راقــب الناس مـات همــــاً

    أنــا بمثـل هـذي المــواقف أطبـق المثـل البدوي الي يقــول ---> طنـش تعيـش تنتعـش أنتعـاش منعــش :D

    واللـه يعطيـك العافيـة غاليتـي أنـوار

    دائمـا تبهرينـا بالمواضيـع والقضـايا الأجتمـاعيـة

    سـلمـت يـداكـ



    [​IMG]
     
  13. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    صح كلامك بس في ناس ما عندهم ضوابط بتصرفاتهم اللي تلفت الانتباه مثل اللي يخطر دورك اشكره

    او اللي ما يحترمك بالمصفط هذي مو اسمها مراقبة الناس هذا يسمونه التعدي على الغير فلازم يكون لك

    ردة فعل يعني انا سلطت الضوء على ظواهر سلبية عامة يتأذى منها افراد عديدين ...


    شكرا للاطراء الجميل لآخر موضوع اكتبه في المنتدى موفقين يارب
     
  14. reznama

    reznama بـترولـي مميز

    قاعده أكتبلج رد على موضوعج وأسمع تهليلات المساجد لصلاة عيد الفطر

    أعاده علينا وعليكم بالخير والبركات

    ودعيتلج وايد إن الله سبحانه يوفقج يارب في حياتج اليديده ..

    ويرزقج بالذريه الصالحه إن شاءلله ..

    ويرزق بنات الكويت كلهم بالرياييل النشامى .. الشقرديه .. الإزقرتيه .. ;)

    ..

    وبالنسبه حق موضوعج يالورده

    موضوعج هذا يقرونه ويمكن ما يكملونه .. لأن عيزنا وإحنا نتحجى بجذي مواضيع

    والحاله من الرّدي للأردى ....!!

    آنا عندي صديقات من مختلف الدول العربيه والأجنبيه .. بصراحه يوم زاروني الكويت كانوا يبوني أوديهم مجمعاتنا

    وللأسف الشديد يوم وديتهم .. بصراحه إنقص ويهي ..

    يقولون إحنا كل شي في ديرتنا انسويه .. بس مثل اللي قاعد يصير بالكويت .. عمرنا ما شفنا هالشي ...!!!!

    ما ينلامون ..

    يعني لو تقولين لبسهم فاضح .. قلنا ميخالف يمكن الشباب يعلقون ..

    بس اللبس واسع .. إمستر الجسم بأكمله ..

    وفي اللي لابسين عباية راس .. ومع هذا تعليق موووووووووو طبيعي

    يعني لي متى الخدم راح يربّون هالفئه ؟

    يا أمهات جابلوا عيالكم واللي يعافيكم .. مو إتييبون وإتقطون عالخدم وإحنا اللي ناكلها عقب ..!!

    ..



    ((((( سامحيني عالإطاله ))))))
     
  15. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    فعلا في المجمعات تحرش مو طبيعي و تحرشات بعض الشباب و المراهقين تطول كل البنات سواء كانت

    متسترة او خلافه .... و على قولتج مدام الأم يابت رياييل و بنات الغد و تعبت بحملهم و قالت كافي تعب

    و قطت دورها على الخادمة ... أكيد بيصيرون أي شي ... أتمنى من كل قلبي ان نتغلب على هالظواهر

    اللي مشوهة الأماكن العامة الراقية نتمنى ان البشر يكونون بتصرفاتهم أرقى من هالأماكن و عموما كل

    واحد يمثل نفسه و الغريب انهم لما يسافرون بره يكونون بقمة الأدب و الاحترام و بس يردون الديرة ترجع

    ريما لحالتها القديمة .... عسى الله يصلحهم .. و أشكرج من كل قلبي على دعواتج الطيبة و الفال لج

    يا رب .. و تشرفت بردودج على مواضيعي التي تنم عن عقلية فاهمة واعية دارية باللي يصير حولها بالدنيا

    و اتمنالج التوفيق خصوصا و اني اشوفج متميزة بأسلوبج سواء بطرح المواضيع او بمداخلاتج التي تحلل

    الموضوع تحليل على قولتهم بضمير و هذا يبعث بنفسي الغبطة و الفرح و يعتبر تقدير لكاتب الموضوع ...

    فأتمنى أن تستمرين بالمنتدى بمواضيعج الحلوة ومشاركاتج بالمداخلات المميزة و أن تثرين المنتدى

    بالمواضيع المميزة يا ابلة :)


    لن أقول وداعا بل في امان الله
     
  16. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    والله يا انوار بالنسبه للموضوع الاول لقيادة السيارات فا صج هني عندنا ناس موطبيعيه اما سالفة المواقف فا وايد تصير ومايسونها الكويتين الا اذا شافوا هندي يبي يسفط يطقونه بالطوفه ويسفطون

    الموضوع الثاني
    هذا الشي الي ما ظنتي يصير لو شنوووو انه يردون الشي مكانه فا لا تعليق

    الوضوع الثالث سالفة الدور فا صج هني عندنا ناس مو صج وما تلاقينهم بس بالمطاعم لا بالوزارات والبنوك بعد يرز ويهه على ابو انه يبي يستفسر ولا الحبيب صف بالدور اول شي

    الوضع الرابع
    فهو الشي الي صج يستاهل انه نتكلم عنه خصوصا هني شبابنا الصغار الي لا يحشمون لاكبير ولا صغير على بالهم الرجوله بالصوت العالي والكلام البذئ يعني انا مره بمجمع مع اهلي و3 شباب اليهالو ويقولون كلام من اقذر الكلام وبصوت عالي احس ماكو تربيه كلش خير شر
    عاد والله ما قدرت اسكت جعمتهم بس بالكلمه الطيبه والحلوه عيب وما يصير لو امك تشوفك وانته تقول جذي مو عيب احس انحرجوا ههههههه
     
  17. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    لا والله سالفة المواقف سووها فيني بس انا اقولك من منو من وحدة ، مرة كنت رايحة مستشفى صارلي

    سنة ادور مسفط و معاي يدتي ريلها تعورها ما تقدر تمشي وايد فاستانست يوم شفت مسفط قريب

    و كانت وحدة بتطلع من المسفط فآنا محترمة نفسي وطاقة اشارة على ما تطلع الاخت ما اشوف الا

    هالسيارة اللي ناطرة معاي و طاقة اشارة انا خذيتها من باب تحدي قلت يا اهية يا انا خصوصا واني واقفة

    قبلها فعلا سفطت قبلها وكانت متعجبة و مبوزة فوق شينها قواة عينها فهالسالفة سهالات عندنا خصوصا

    من بعض الحريم بينهم وبين بعض مادري شالسالفة لو ريال جان ما ناشبته على مصفط ...


    وبالنسبة للموقف اللي صار جدامك من قبل شباب صغار اللي تلفظوا بكلام بذئ و قعدت تنصحهم فبارك الله

    فيك الصراحة لأن رسول الله صلى الله عليه وسلم قال من رأى منكم منكرا فاليغيره بيده او لسانه او قلبه

    و ذلك اضعف الايمان

    شاكرة تعليقك و تحليلك للموضوع بعقلانية
     
  18. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أنوار ، للاسف في ظواهر سلبية كثيرة في مجتمعنا ، و زادت مع الوقت

    و مثل الظواهر اللي ذكرتيها و غيرها اكثر للاسف ، هذه تصرفات لا تشرف الكويت و لا الكويتيين ،

    بل تسيء لنا جميعا

    ديننا يأمرنا بحسن الخلق و المعاملة ، و للأسف البعض قد يرى الدين صلاة وصيام فقط

    هذا إذا كان فعلا يصلي في الاصل !

    بل الدين صلاة و صيام و إضافة إليه تعامل مع الناس و حسن خلق مثل ما وصانا نبينا الكريم

    محمد عليه الصلاة و السلام ، " و في الآية الكريمة : " و لو كنت فظا غليظ القلب لإنفضوا من حولك "

    و الدلائل كثيرة لا يسع ذكرها في هذه العجالة ، لكن ظلم الناس و اكل حقوقهم أو التعدي عليهم

    سواء بالألفاظ النابية اللي نسمعها مثلا من البعض بدون إعتبار لمرأة أو صغير أو كبير ، أو التعدي على الدور و على

    حق الغير و غيرها و غيرها من الظواهر تعتبر مسيئة لأصحابها اولا و للمجتمع ككل ، و تعلم النشء الفوضى و اللا قانون

    و ما مشاكلنا الحالية إلا من حالة شبه اللا قانون اللي نعيشها و للأسف


    انوار ، اتمنى منك عدم الإنقطاع عن المنتدى و اعذرك لو اجبرتك الظروف على ذلك

    لكن و شهادة لله فأنت من العضوات الفاعلين و المحركين للحماس في المنتدى و

    ما ودنا تتركينا و لا ودنا اي من الاعضاء أنه يتركنا

    على العموم

    موفقة في حياتج و الله يسهل ظروفج و يوفقج

    و لا تقطعين

    و البركة في الأعضاء و العضوات الكرام ما راح يقصرون إن شاء الله في التفاعل في المنتدى
     
  19. reznama

    reznama بـترولـي مميز

    لي الشرف عزيزتي ..

    أخجلتم تواضعنا :eek:

    ..
     
  20. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    الدين سلوك و عبادة اثناهما لابد من وجودهما في فعل و قلب كل مسلم و مسلمة الا انني اعتقد ان

    السلوك يأتي بالممارسة و التعود و الطفل يتعلم سلوكه من والديه و ان استغربوا منه سلوك دخيل وجهاه

    التوجيه الصحيح ... لكن الحاصل عندنا في هذه الأيام العكس فانتشر الكلام البذئ من بعضهم بدون ما

    يحطون حشيمة لأحد للاسف نزل مستوى البعض لي جذيه و الحين ماشين على قانون خالف تعرف يبون

    يلفتون الأنظار باي طريقة حتى و لو بوقاحة ....




    أهم شي اني بديت بالعربي بعدين شطيت على العامي عادي تمازج حضارات :D




    أشكرك على المداخلة الجميلة و التحليل العقلاني للموضوع و اشكرك على الدعوة الطيبة و عسى الله

    يوفق الجميع و لكن مثلما التقينا في هذا المنتدى انا و الأعضاء على الخير سأترككم ان شاء الله على

    الخير و سعدت بأن مواضيعي حازت على رضاكم و ر ضا الأعضاء كما بان ذلك بمشاركاتهم الفعالة بمواضيعي

    لن أقول وداعا بل في امان الله و موفقين
     
جاري تحميل الصفحة...

مشاركة هذه الصفحة