عنصرية اجتماعات النقابات مع مؤسسة البترول

الكاتب : اكشن | المشاهدات : 1,158 | الردود : 11 | ‏19 سبتمبر 2009
  1. اكشن

    اكشن بـترولـي جـديـد

    4
    0
    0
    السلام عليكم ورحمة الله وبركاته

    الاجتماعات التي تتم مع ادارة مؤسسة البترول واتحاد البترول ونقابة نفط الكويت ونقابة مؤسسة البترول تتم على اساس عرقي بحت يجمع رؤساء هذه النقابات .
    والا كيف يكون هناك اجتماع للأتحاد دون علم اعضاء الاتحاد وبحضور نقابة المؤسسة وهم ليسو اعضاء في الاتحاد من الاساس .
    ان مايتم في الفتره الاخيره من اجتماعات للأتحاد ونقابة المؤسسة ونقابة نفط الكويت ينم عن عنصريه بغيضة تجمع المذكورين اعلاه واهدافها انتخابيه بحته ,,, وكلنا يذكر كيف كانت هناك تصفيات فرعية قبل انتخابات النقابات الماضية .
    في السابق كان ابناء القبائل يتهمون بالفرعيات والعنصريه لابناء قبائلهم ,, ولكن مايحدث الأن هو العكس ..
    فهل سيقودون الحركه النقابيه الى الخلف بعنصريتهم هذه ؟؟ وهل سيسكت اعضاء الجمعيات العموميه عن هذه العنصريه ؟؟؟
    انظر كيف يشيد رئيس نقابة المؤسسة بنقابة نفط الكويت في موضوع مطالبات المهندسين وكأنهم هم من انجز هذا المطلب .

    الا توافقونني الرأي ؟
     
  2. AD-01

    AD-01 بـترولـي خـاص

    1,040
    2
    38
    كلامك حكيم

    بس خلنا اندردش مع بعض اخوي العضو الجديد

    اذا لقيت نقابة طابت للمهندسين غير نفط الكويت والمؤسسة .. اتمنى تعلمنا عنها لان على حسب علمي المطالبه جات من ادارة نفط الكويت بناء على كتب واجتماعات من طرف نقابتها وصار تنسيق بينهم .. والتنسيق مو عيب

    شغله ثانية ترى نقابة المؤسسة ونفط الكويت فيهم مهندسين .. اذا تعرف مهندسين غيرهم بالنقابات وسعوا بالموضوع .. فيدنا :) للامانه سمعت ان نقابة نفط الخليج عندهم مهندس

    بعدين في مطالب تمت بالتنسيق بين نقابة نفط الكويت ونقابة البترول في موضوع تقييم الوظائف .. ترا التنسيق حلو :)

    وفي تنسيق صار بين الاتحاد ونقابة المؤسسة في مواضيع ثانية ليش زعلان ؟؟ ليش مدخل الطائفية مادري العرقيه وانتخابات فرعيه بالسالفه .. باجي النقابات ما تبي تفتح تعاون مع نقابات ثانية .. شنو المشكله ؟ ما يعرفون بنسقون

    وسع بالك .. وعيدك مبارك

    اهم شي التنسيق :)


    السؤال المهم ..

    متى صار في اجتماع بين الاتحاد ونقابة المؤسسة ؟؟ هذا معلومه جديده اتمنى تعطينا تفاصيلها
     
  3. Salem J

    Salem J بـترولـي نشيط جدا

    226
    0
    0
    Eng
    Kuwait
    يا ليت نرتقي بقطاعنا عن هالسوالف.
     
  4. كاتب

    كاتب بـترولـي نشيط

    133
    13
    18
  5. السفير

    السفير بـترولـي جـديـد

    47
    0
    0
  6. المشموس

    المشموس بـترولـي نشيط

    53
    1
    8
    للأسف ان هذا هو الواقع



    ليش ننكره ياجماعه ؟؟؟؟؟


    مو عندهم وبس حتى بمجلس الأمة ياجماعه
     
  7. 4649

    4649 بـترولـي نشيط جدا

    180
    0
    16
    والله ما اردى من المربوط الا المفتلت
     
  8. زلاطيمو

    زلاطيمو بـترولـي نشيط

    66
    0
    0
    والله كلامك عين العقل وردك مفحم أهم شي المستفيد الموظف مدام في فايده هذا المهم صاحبنا شكله مدزوز يبي يخرب العلاقات
     
  9. LaRambla

    LaRambla بـترولـي خـاص أعضاء الشرف

    2,041
    3
    38
  10. محمد المذن

    محمد المذن بـترولـي مميز

    694
    0
    0
    وينك يا راعي الموضوع نبي ردك عشان نفهم وله كلمة تقطها وتمشي الي يصدقك يصدق والي يصيدها تتوهق انت؟؟
     
  11. ضمير الأمة

    ضمير الأمة بـترولـي نشيط

    100
    0
    16
    اخوي كاتب الموضوع هذا الوضع واضح وجلي للعيان وللأسف ان هذا واقع هاتين النقابتين
    ممثلتين برئيسيهما
    الى متى هذه العنصريه والضحك على الذقون
     
  12. كويتي بسيط

    كويتي بسيط بـترولـي نشيط

    112
    0
    0
    هذا رد كتبته في موضوع ثاني ...بس كان القصد هني بالجزئيه هذي ..

    اخي الكريم شنو الخطا من التنسيق بين النقابات النفطيه المختلفه للمطالبه بحقوق الموظفين ...ماني فاهم كلمه العنصريه الي انت مكثر منها وايد ؟؟؟ هل هناك عنصريه طائفيه ؟ قبليه ؟ بيض وسود ؟ صراحه كلامك غامض ...مو معقوله نقابه المؤسسه مرتبطه عنصرييا باي احد لاني الي اعرفه و الاساس الي خلاني اصوت لهم هو انهم خلطه كويتيه اصيله وبسيطه ...تمثل الكل ..فيها حضر وبدو -سنه وشيعه – دينين وايد و ناس عاديين وحتي امرأه معاهم .. شنو احلا من جذي ..ناس من كل اطياف الكويت يشتغلون مع بعض من اجل مصلحه ابناء الكويت ..ابناء القطاع النفطي ..الي اهو اهم قطاع في الكويت ...اذا كانت هذي نظرتك للعنصريه ..فيا مرحبا بها ..
    التنسيق بين النقابات تم لمصلحه الموظفين ...وان كانت هنالك استفاده لاشخاص ..اعلاميا ولاسياسيا ...ترا مايهم ..المهم هو الهدف الاكبر ..مصالح مئات الموظفين الي تحققت من هالتحالف ...امانه عليك اخي الكريم ...كم عايله استفادت من هالتنسيق البسيط ...هل هذا اهو المهم ...ولا العنصرييه الي انت قاعد تروج لها بطريقه سوادييه ؟
     
جاري تحميل الصفحة...

مشاركة هذه الصفحة