العيد و العيدية (((( خلونا نتشارك الذكريات !!!

الكاتب : انوار | المشاهدات : 2,061 | الردود : 40 | ‏18 سبتمبر 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    السلام عليكم

    اول شــي عيــدكم مبــارك مقدما


    وكــل عــام وانتــم بخــير والامــه الاســلاميــه بخــير


    والله يعـــيده علينــا وعليكــم بالخــير





    مــوضــوعي اليــوم عــن العــيديه




    عــلى ايــام مــا كنــا صغــار وايــام العــيديه


    كــانت عــيديتنــا شوية بــس كــنا نستــانس فيهــا



    امــا الحــين ايـيك اليــاهل لمــن تعطــيه عيــديه

    مــا يــرضى بــأقل مــن 10 دنــانير

    ولا يمــكن يــاخذهــا ويمكــن لا مــا تعجبــــه ويقــول لك انــا اطــر منــك




    لــوووول تخــيل ايــيك يـاهل ويقــول اطــر منــك حدها قــويه :eek: بالنسبة لي ما صارلي هالموقف لأني

    و لامرة عطيت عيدية بس لا زلت آخذ من أمي و يدي و يدتي الله يحفظهم حقي و يطول بأعمارهم على

    طول شايفيني صغيرة ما أكبر :D
    (((( يبة دشي بالمووووهييم :cool:




    خلونا ننبش بذكرياتنا شوي و ابــي الكــل يجــاوب




    1- تعطــي عيــديه ولا لازلت تاخذ العيدية نفسي ؟




    2- كــم مقــدار العــيديه اللــي تعطــيها ؟




    3- اكــبر مبــلغ حصــلته مــن العــيديه و كان من منو ؟



    4- اقل مبلغ حصلته من العيدية و كان من منو ؟




    5- شنو كنت تحب تشتري في العيدية ؟



    6- كنت تترقب عيدية منو بالذات ؟



    7- هل كان في احد من العايلة يفرق بتوزيع العيادي بحيث كان

    يعطيك اقل من غيرك و شنو كان احساسك بوقتها ؟






    ســلام




    اختكم / أنوار
     
  2. المنصور

    المنصور بـترولـي خـاص أعضاء الشرف

    عليكم السلام ورحمة الله وبركاته


    1- تعطــي عيــديه ولا لازلت تاخذ العيدية نفسي ؟

    ما اعطي ولا آخذ من توظفت

    2- كــم مقــدار العــيديه اللــي تعطــيها ؟

    -

    3- اكــبر مبــلغ حصــلته مــن العــيديه و كان من منو ؟

    20 دينار من الوالدة

    4- اقل مبلغ حصلته من العيدية و كان من منو ؟

    ربع دينار من واحد من الاهل وما خذيته (موعاجبني)

    5- شنو كنت تحب تشتري في العيدية ؟

    سيارة لاسلكي

    6- كنت تترقب عيدية منو بالذات ؟

    ظرف فيه عيادي من بيت عمي
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    جنك آنا كانت عمتي تعطيني ربع دينار و تعطي بنات عمي كل

    وحده على خمس دنانير فكنت احتر وابجي عند امي و تتحول فرحة العيد الى قهر و نكد بالنسبة لي

    ههه صج كانت ايام :D


    شكرا لمشاركتك
     
  4. المنصور

    المنصور بـترولـي خـاص أعضاء الشرف

    بالوقت هذا العيادي تحتاج الى ميزانية
     
  5. reznama

    reznama بـترولـي مميز

  6. reznama

    reznama بـترولـي مميز

    1- تعطــي عيــديه ولا لازلت تاخذ العيدية نفسي ؟

    - أعطي عيديه ((( للأســــــــــف ))) :(

    2- كــم مقــدار العــيديه اللــي تعطــيها ؟

    - فئة ( 5 ) & ( 10 ) د.ك

    3- اكــبر مبــلغ حصــلته مــن العــيديه و كان من منو ؟

    - مممممم والله مادري بصراحه جم .. بس أذكر كل عيد يتغيّر المبلغ .. يعني على حسب إذا ما كنا متناجرين مع الأهل .. تلقين إنحصل مبلغ وقدره .. :confused:

    (( والله إني ميته ضحك وآنا أكتب الجمله اللي فوق )) :p

    بعد ما يحتاي أقولج سوالف الأهل هالأيام .. يطنقرون على أتفه الأسباب .. المشكله إن الكبار يطنقرون مع بعض .. طيب إحنا الصغار شنو ذنبنا ما انحصّل عيادي :(


    4- اقل مبلغ حصلته من العيدية و كان من منو ؟

    - أذكر قبل وإحنا صغار كانت بنت جيرانا سعوديه .. عاد قالت لنا إن أهما بسعوديه يطقون بيبان الجيران وياخذون منهم عيديه .. :confused: طبعا هالشي مو دارج عندنا ..

    عاد قصّت علينا ورحت بيت جيرانا وإلا يعطون كل واحد فينا على (( ربع )) دينار :eek:
    يمكن هذي أقل عيديه أعتبرها ..!!


    5- شنو كنت تحب تشتري في العيدية ؟

    - أمي بصراحه كانت تاخذهم وتشتريلي فيهم (( ذهب )) سواء كان خواتم أو قلاده ..

    6- كنت تترقب عيدية منو بالذات ؟

    - ما كنت أنطر عيديه من أحد .. من صغري عزيزة نفس وقنوعه ولله الحمد ..

    7- هل كان في احد من العايلة يفرق بتوزيع العيادي بحيث كان يعطيك اقل من غيرك و شنو كان احساسك بوقتها ؟

    - إي بصراحه .. أحيانا كانوا يعطون أخوي ضعف المبلغ اللي يعطوني .. فـ كنت أنقهر :(
    (( قبل شوي كنت قنوعه وعزيزة نفس ....!!! )) :eek:

    ..

    كل عام وإنتي بخير يا نوّيره

    وعساج من العايدين والفايزين

    وعقبال ما تعطين عيادي ويطير معاشج .. وتضطرين حزتها إتطرّين فلوس البنزين من أمج وأبوج الله يخليهم :eek:
     
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    اي والله ميزانية العيدية ... خصوصا اذا كان اليهال في العايلة وايد و تدري يهال هالأيام ما قام يعجبهم

    الدينار فانت قصيت الحق من نفسك و ما قمت تعطي عيادي نفسي تماما:)


    شاكرة تفاعلك
     
  8. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين



    لوووول ضحكتيني اذا كنتوا متناجرين مع الأهل تحصلون عيدية اقل اي جان ضبطتوا اموركم معاهم قبل

    العيد ههه ... و احيي فيج عزة نفسج من يوم كنتي صغيرة لأن انا بصراحة كنت اترقب العيدية من يدي

    كان يفتح البوك و يقولي اخذي اللي تبينه عاد كنت اخمط و امشي و اوصيه ما يفتح البوك لأحد غيري

    نحيسة وكنت اقوله اذا فتحت البوك حق اليهال بيقصون عليك لا تعطيهم ويه صج كنت ياهل مو هينة

    وناسة كنا احنا البنات كل وحدة تفتح جنطتها جدام الثانية و تعد فلوسها والي فلوسها اكثر نحتر منها

    اروح آخذ فلوس من امي زيادة عشان ازيد العيدية و اصير اكثر منها هههه ...صج ايام حلوة بس حاليا انا

    مريحة راسي ما اعطي عيادي لأن في قانون العايلة حلوة هذي يمكن انا حاطة هالقانون ان اللي مو

    متزوجة ما توزع عيادي بل تاخذ .... ان شاء الله لما اتزوج قريبا جدا بخلي زوجي يتولى هالمهمة انا مالي

    شغل .


    و كل عام و انتي بخير صديقتي مقدما و ينعاد عليج و على اهلج و كل اللي تعزينهم بالخير و الصحة

    و العافية
     
  9. الصايغ

    الصايغ بـترولـي خـاص

    وانتي بخير وصحه وعافيه وربي يتقبل صيامج 1
     
  10. الصايغ

    الصايغ بـترولـي خـاص

    1- تعطــي عيــديه ولا لازلت تاخذ العيدية نفسي ؟ [/COLOR]


    اعطي العيديه
    2- كــم مقــدار العــيديه اللــي تعطــيها ؟




    مابين 10 وفوق
    3- اكــبر مبــلغ حصــلته مــن العــيديه و كان من منو ؟



    اذكر اكثر عيديه حصلتها اهي 100 من الوالد
    4- اقل مبلغ حصلته من العيدية و كان من منو ؟





    ربي يخليها لي الوالدة 50 دينار ولا للحين ماقطعت العادة هذي ويانا
    5- شنو كنت تحب تشتري في العيدية ؟



    اي شي تشوفه عيني
    6- كنت تترقب عيدية منو بالذات ؟


    والله مافي احد معين
    7- هل كان في احد من العايلة يفرق بتوزيع العيادي بحيث كان

    يعطيك اقل من غيرك و شنو كان احساسك بوقتها ؟



    لا لا مافي احد كان يفرق بتوزيع العيادي

     
  11. المعلمة المتميزة

    المعلمة المتميزة بـترولـي مميز

    945
    0
    0
    وعليكم السلام ورحمة الله وبركتهـ
    علينا وعليج يتباركـ مقدما
    أإأإأختيار موفق ومناسب وقتا وزمنا لهذا المووووضوع
    اشكرج ..... تقبلي مروري
     
  12. q8security

    q8security بـترولـي خـاص أعضاء الشرف

    كل عام وأنتم بخير



    تم تثبيت الموضوع مؤقتا بمناسبة العيد


    كل عام وأنتم بخير



    بالنسبه للعيد ذكرياته طيبه لكن لايسعني إلا أن أدعوا لكم بالتوفيق جميع


    أ‘عضاء منتدى القطاع النفطي
     
  13. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين




    تمام اقل عيدية تاخذها كانت 50 دينار مو آنا ربع دينار :( و شي

    حلو ان ما صادفت احد من عايلتك يفرق بتوزيع العيادي .... يعني ما عانيت نفس اللي كنت اعانيه في

    العيد كنت اعاني من عمتي الله يطول بعمرها كانت تعطيني ربع دينار و تعطي بنات عمي 5 دنانير :( كنت

    انقهر :mad: كنت طفلة شيطانة بالعايلة و ما اسمع كلام احد فكانت تعاقبني بالعيدية( بصراحة احسدك ) :D
     
  14. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    العفو .... بس كنت اتمنى تشاركينا ذكرياتج :)


    شكرا لاضافة تعليقج للموضوع
     
  15. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    وكل عام و انت بخير و صحة و عافية و ينعاد عليك و على الجميع

    بالخير و الصحة و العافية
     
  16. JASEEM

    JASEEM بـترولـي نشيط

    103
    0
    0
    1- تعطــي عيــديه ولا لازلت تاخذ العيدية نفسي ؟


    اعطي عيادي


    2- كــم مقــدار العــيديه اللــي تعطــيها ؟


    دينارين _5_10


    3- اكــبر مبــلغ حصــلته مــن العــيديه و كان من منو ؟


    20 من ابوي


    4- اقل مبلغ حصلته من العيدية و كان من منو ؟


    نص من يدتي


    5- شنو كنت تحب تشتري في العيدية ؟


    العاب مثل كل طفل


    6- كنت تترقب عيدية منو بالذات ؟


    عمي


    هل كان في احد من العايلة يفرق بتوزيع العيادي بحيث كان

    يعطيك اقل من غيرك و شنو كان احساسك بوقتها ؟


    ما كنت الا حظ هالشي


    ســلام

    مع السلامة و ينعاد عليج
     
  17. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    1- تعطــي عيــديه ولا لازلت تاخذ العيدية نفسي ؟

    اعطي عيديه وعلى كلام يدتي تقول العيديه تطول العمر شلون الحين لما اعطي عيديه مو يقولون تعوده انشالله كل سنه وعساك من عواده يعني الله يطول بعمرك كل سنه وتعود هالعيد مره ثانيه ان شاء الله

    2- كــم مقــدار العــيديه اللــي تعطــيها ؟
    ما بين 10 الى 20

    3- اكــبر مبــلغ حصــلته مــن العــيديه و كان من منو ؟
    من ابوي

    4- اقل مبلغ حصلته من العيدية و كان من منو ؟

    من يدي الله يرحمه كله مضيع الصغير ربع دينار والي اصغر منه 5 هههههه

    5- شنو كنت تحب تشتري في العيدية ؟

    سياره لاسلكي
    6- كنت تترقب عيدية منو بالذات ؟
    ظرف يدي ابو ابوي


    7- هل كان في احد من العايلة يفرق بتوزيع العيادي بحيث كان

    يعطيك اقل من غيرك و شنو كان احساسك بوقتها ؟


    اي في هههههههه خالي يعطي ولد خالي 5 وانا اربعه فا انا امون عليه ولد خالي اتهاوش وياه واخذ دينار وكل عيد حجتي اهوا خالي قال انا خمسه وانته اربعه بس انته ملقوف خذيت خمسه هههههههه :D
     
  18. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    زين انت احسن من حالتي انا اقل عيدية حصلت عليها ربع دينار

    :( و ينعاد عليك ان شاء الله
     
  19. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    ههه ... شكلك كنت نزغة .. حلو ذكريات العيد خصوصا اذا كانت

    فيها شطانة .... يت في بالي شغلة كانت امي تحني ايدي بليلة العيد لأن العيد ما يكتمل الا بالحنة بس

    حاليا انقرضت الحنة ما اشوف البنوتات يحطونها و كل عام و انت بخير
     
  20. البندري

    البندري بـترولـي نشيط

    115
    0
    0



    و مع العيد و قرب انشغالج

    أتمنى لج حياة سعيدة و مريحة

    مشكورة عزيزتي
     
جاري تحميل الصفحة...

مشاركة هذه الصفحة