مؤسسة النفط .vs البنك المركزي

الكاتب : EngQ8ia | المشاهدات : 3,591 | الردود : 12 | ‏13 سبتمبر 2009
  1. EngQ8ia

    EngQ8ia بـترولـي جـديـد

    9
    0
    0
    السلام عليكم
    ياليت تفيدوني بموضوعي اللي حدي حايسة فيه من اول ماتخرجت .. انا مهندسة و توني خريجة و بصراحة حدي محتاره وين اقدم ..
    ماعندي وايد معلومات عن النفط فياليت تفيدوني و تعطوني رايكم.. ماني عارفه ايهو احسن بالنسبة حق المعاشات و الدوام و الاجازة ..الخ فسألت عن البنك المركزي و هاذي المعلومات اللي حصلتها ..

    البنك المركزي دوامي جنه من 7:30 لين 2:30 او شي جذي و معاشي اول ما اتوظف و بعد الخصومات 1080 بالضبط
    و يعطوني تذاكر سفر كل سنه او 400 دينار تقريبا
    و جنه عقب سنه يحقلي اخذ اجازه 45 يوم .. وايد قالولي ان الوزارات كلها تعطي 30 يوم و لو كثرت 35 .. و ماياخذون 45 يوم الا عقب 15 سنه @@.. ترا 45 يوم وااااااايد حلوه حق شخص صارله سنه متوظف :) .. شهر و نص تسوى :))
    فااااا بما انتو عندكم خبره بالنفط ياليت تفيدوني لاني صج صج حدي محتاره و الاعلان حق النفط و البنك بينزلون شهر 10 .. ياليت توضحولي شنو الامتيازات اللي بالنفط و الشغلات اللي احسن من البنك المركزي .. مشكورين و يزاكم الله الف خير مقدما :)


    سؤال صغيرووون: انا قاعده اكمل ماستر .. عادي اتوظف بالنفط و اكون قاعدة ادرس ؟؟ و لا مايسمحون ..؟؟ لاني جني سمعت في اماكن معينه ماتسمح ان الشخص يكون مسجل كطالب بالجامعة او يدرس @@ و اهما بعدين اذا بغى يدرس يقدم على تفرغ دراسي و اهما يطرشونه او شي جذي..
     
  2. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    مهندسه وبالقطاع النفطي تكونين على قريد 12

    والمعاش بحدود 1100 لي 1200 ( هذي الحسبه حق الريال , بس البنت مادري اذا اكو فرق ولا لأ :/ )

    والاجازات اعتقد يعطونج 40 او 45 ماني متأكد لان ما وصلت حق قريد 12 :p

    وتذاكر سفر سنويه ( كويت مصر كويت ) ويقولون يمكن تصير ( كويت لندن كويت )

    واكو ميزه حلوه ( المشاركه في النجاح لكل الموظفين الكويتيين ) يشوفون جم ارباح المؤسسه بنهاية السنه الماليه في 1/3 من كل سنه وعقبها يحددون جم نسبة المكافأه , اقل شي 1% من الراتب الاساسي واكثر شي 3%

    واكو بونص سنوي ( مو حق الكل ) حسب مجهودج واذا مسئولج يشوف انج تستحقين هالبونص فـ الحمدلله خير ونعمه

    والدوام من 7 الصبح لي 3

    وبالنسبه للدراسه ..

    تاخذين ورقه لا مانع من الدراسه من مكان دوامج , هذا اللي سويته من سنتين والحمدلله اموري ماشيه

    دام انتي اللي تدفعين من حسابج فـ الشركه ما عندها مانع :p

    سامحينا على القصور
     
  3. NOKIA

    NOKIA بـترولـي جـديـد

    5
    0
    0
    نصحيه من أخوك المعتق فى قطاع النفطى كملى الماجستير و قدمى على التطبيقى ترى راتبهم الدبل و الله يوفقج
     
  4. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    التطبيقي يبون ماستر ولا دكتوراه؟؟
     
  5. sporty196

    sporty196 بـترولـي نشيط

    105
    0
    0
    تبين شغل و خبرة احسن مكان النفط ...

    النفط ماكو زود مميزات للمهندس مقارنة بالاماكن الاخرى البنك المركزي احسن و اريح بهالشغلة ...
     
  6. EngQ8ia

    EngQ8ia بـترولـي جـديـد

    9
    0
    0
    sporty ضيقت خلقي .. ليييييش البنك المركزي احسن ؟؟ بشنو احسن من النفط ؟ بيني و بينكم احس اني شوي مايله حق النفط بس still محتاره و ليلحين ما قررت .. انا كان بخاطري اللي عالبحر بالشويخ لاني دخلت المكان و حيييييل شرح و اعرف جم بنت هناك يمدحون الناس اللي فيه و شغله ثانية ان كل شي قريب مني .. يعني لو بستأذن اطلع و عندي شغل اروح مشوار او اي شي كل شي يمي عكس لو كنت بالاحمدي .. بعد حتى الكليه راح تكون قريبه و احتمال تكون عندي محاضرات عال3:30 .. بس عيبه الزحمه الصبح و الشارع كله واقف فقلت اروح اللي بالاحمدي احسن لان عكس السير .. صج المكان يضيق الخلق و اخر الدنيا بس الشارع بيكون ماشي و انا طفاااااااااارتي الصبح اذا طالعه مستعيله و الشارع مايمشي .. وانا اعرف عمري دايما طلعاتي حزة الحزة :) و في شغله ثانية سمعتها قبل يومين خلتني اشيل اللي بالشويخ عن بالي ان نسبة التلوث عندهم وااااايد كبيره و ثنتين حمل اسقطووو غييير اللي صارتله مشاكل بالتنفس لان عندهم المد الاحمر @@ فشالله حادني اروح هناك ..!! هالحجي سامعته من ناس يشتغلون هناك ..
    المهم الحين .. ابي اعرف ليش البنك احسن من النفط ؟ شنهي المميزات اللي بالبنك ؟؟؟ اذا معاشي بالبنك المركزي 1080 .. شكثر بيكون الفرق عن البترول؟ و سمعت ان حتى بالبترول الاجازه 45 يوم عقب سنه صج؟
     
  7. EngQ8ia

    EngQ8ia بـترولـي جـديـد

    9
    0
    0
    Nokia انا بالفعل ناوية اني اكمل انشالله و اقدم عالتطبيقي عقب ما اخذ الماستر :) .. بس الحين مابي اقعد بالبيت سنتين على ما اخلص .. و شهر 10 بينزل اعلان البنك المركزي و اعلان البترول و الاثنين يبون مهندسين كمبيوتر و مادري منو احسن لاني ماعرف ااحد اسأله او يقولي ترا هناك عندهم كيت و كيت و هني فيه كيت و كيت .. فهمت علي؟ و المشكله الموضوع مو سهالات اقدم على مكان و ماعجبني اطلع .. البنك المركزي ما يقبل احد مشتغل من قبل الا في حاله انه مقدم على اعلانهم قبل ما يكون متوظف بمكان ثاني!!
     
  8. EngQ8ia

    EngQ8ia بـترولـي جـديـد

    9
    0
    0
    مشكووور و يعطييك العافيه :)
     
  9. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    الحين التطبيقي يبون ماستر ولا دكتوراه؟

    ابي الجواب الاكيد لو سمحتي

    واذا عندج اي معلومه بهالمجال لا تبخلين علينا
     
  10. EngQ8ia

    EngQ8ia بـترولـي جـديـد

    9
    0
    0
    أنا اللي اعرفه ان قبل فتره كانو يقبلون المهندسين اللي توهم متخرجين و يسمحون لهم ان يدرسون حتى بدون دكتوراه او ماجستير بس صار ضغط عندهم فقاموا ما يقبلون الا بشهاده الماجستير و يصير انك تدرس ك TA نفس الجامعه شلون يصير اكو معيد و دكتور .. انت تصير المعيد و اسمك مهندس :)
    اذا عندك دكتوراه يصير تدرس كدكتور عندهم و اذا ماجستير يصير بعد تدرس عقب ما يعطونك امتحان تخصص و يشوفونك احسن اب اي مجال عشان تدرس فيه .. بالنسبة لنا هندسة الكمبيوتر نقدر نروح المعهد التجاري اللي بحولي ندرسهم مواد java و نعلمهم عالاكسل و هالسوالف .. يعني شغلات بسيطة .. مادري شلون حق باقي التخصصات .. بس وحده قالتلي عندهم مهندسين يدرسون حتى من غير ماجستير .. لازم تكون عندك وااااسطه سنعه عشان يزرقونك بينهم .. و سلامتك :)

    فاللي اعرفه .. اي يقبلونك اذا عندك ماستر :)
     
  11. EngQ8ia

    EngQ8ia بـترولـي جـديـد

    9
    0
    0
    اي و شغله ثانية .. لازم تنطر الاعلان .. يعني لو بخاطرك تروح عندهم يقولونلك انطر اعلانك.. يعني لو طالبين الحين مهندسين كمبيوتر و انت كيمكال مايصير تقدر طلب .. لو صارلهم 10 سنين مانزلو اعلانك لازم تنطر مايصير تروح تقدم و لا حتى لو عندك واسطه قوية .. يعني اذا نزلو اعلاان تخصصك تقدر تقدم غير هاذا مايرضووووووووون :( وجنه في اعلان شهر 12 ..
     
  12. المنصور

    المنصور بـترولـي خـاص أعضاء الشرف

    عليكم السلام ورحمة الله وبركاته

    بالنسبة للقطاع النفطي

    الدوام من الساعة 7 إلى الساعة 3 العصر

    والتعيين للمهندس راح يكون على الدرجة 12 والراتب الـ Standard يطلع 1098

    واذا في علاوات تتعلق بنوع الوظيفة فـ تضاف على الراتب

    رصيد الاجازات 42 يوم وبعد 5 سنوات خدمة يصبح 45 يوم

    وبالنسبة للمميزات

    1- قيمة تذكرة كل سنة كويت/قاهرة/كويت

    2- في حال تحقيق ارباح من قبل مؤسسة البترول الكويتية فـ تصرف مكافأة لجميع موظفي القطاع النفطي

    3- علاج في مستشفى الاحمدى

    4- عروض وخصومات لبعض شركات الاتصالات + اماكن مختلفة مثل المنتجعات والمحلات التجارية


    في حال انج قدمتي وتم قبولج فـ ماراح يخيرونج بأي شركة تبين

    اهم يفرزون المقبولين على الشركات بحسب الاحتياجات

    يعني لا تحطين في بالج انج تتوظفين في مؤسسة البترول الكويتية (مبنى شويخ)

    هذا نصيب والله يكتب اللي فيه خيرة لج

    بالتوفيق
     
  13. EngQ8ia

    EngQ8ia بـترولـي جـديـد

    9
    0
    0
    مشكووور اخوي ماقصرت :)
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,455
  2. المحرر النفطي
    الردود:
    0
    المشاهدات:
    8,623
  3. المحرر النفطي
    الردود:
    0
    المشاهدات:
    886
  4. ITC
    الردود:
    1
    المشاهدات:
    716
  5. brilliant
    الردود:
    3
    المشاهدات:
    1,991

مشاركة هذه الصفحة