تلفزيون ابوي و الارهاب

الكاتب : شركة من صادها عشى عيالة | المشاهدات : 517 | الردود : 3 | ‏13 سبتمبر 2009
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    تلفزيون ابوي و الارهاب

    سنة 1990 راح الوالد و شرى تلفزيون جولد ستار ( صناعة كورية ) استعدادا لكأس العالم اللي كان في ايطاليا يومها لكن الوالد ما سلم من انتقادات ربعه و عمي و كلهم انقدوا على التلفزيون شلووون تشتري تلفزيون كوري و تخلي ناشونال الياباني كل هذا توفير يا ابو محمد ..و صدقوا ربع الوالد اختربت فتحه الاريل و اضطررت ان استخدم سيم و احطه داخل الفتحه عشان نشوف كأس العالم و بعد كل هالاسنين تحولت ماركة جولد ستار و صارت LG و صار الكوريين يصممنون افضل شاشات العالم من خلال سامسوونج و افضل تكيف بالعالم من خلال LG و سياراتهم قاعده تتطور سنه بعد سنة كل هذا تم بوجود قواعد امريكية في كوريا و برضى الشعب الكوري و حاليا يوجد في كوريا الجنوبية اكثر من 37 الف جندي يعني ضعف الجنود الموجودين في عريفجان اللي خطط مجموعة من الشباب الكويتي مهاجمته و تعريض الكويت للفتن مع العلم انه هذه القوات موجودة بموافقة مجلس الامه هذا غير انه سبب وجودها تحرير الكويت من الكاولي ابن الكاولية ....

    سنة 2002 يالي خبر صديق كان معاي بالثانوية ( قرطبي سابقا و حاليا فهد السالم ) اسمه انس الكندري بعد نشر اسمه بالجريدة و هو احد منفذي الهجوم على القوات الامريكية بفيلجا مات انس و هو شاب بالــ 21 كان من الاوائل على المدرسة و كان مؤذن المدرسة لما يتمتع فيه من صوت عذب و كان على خلق كبير و عمره ما تعرض لاحد لكن بسألكم منو السبب في موت انس افكار هدامة ينشرها البعض و يقضون على مستقبل شباب يمكن يستفيد منهم البلد لعل و عسى نوصل بيوم من الايام مواصيل كوريا الجنوبية و نستفيد من هالشمس اللي حارقتنا و نكون مصدر للطاقة البديلة : ) .

    الخلاصة : اذا في احد مو راضي على وجود القوات الامريكية خل يطالب الاعضاء انهم يصوتون بخروجهم بدال ما يوز الشباب و يعرضهم للقتل خصوصا انه الكويت تربطها معاهدات مع الولايات المتحده الامريكية .
     
  2. عبدالله النفيسي

    عبدالله النفيسي بـترولـي نشيط

    زمن العـبيد

    أمريكا تأخذ منا رغمنا عنا وليس لنا فضل و جحود العراقين الأخير صفعه في وجه كل العبيد
    فالجميع يردد أننا أتباع لأمريكا عبيد مسلوبين الأراده 00 ويتعامل معنا على هذا الأساس
    وما يغيض
    أن الحقيقه المره والنظره الحيقيه لنا في عين الأميركيين الجدد ظهرت على لسان السفيره الأميركيه فمجلس الأمه مجلس قطط وكلاب
    نقول لسفيرة أميركا
    لابد من يوم وينتهي زمن الكلاب


    وهم ترى حنا قاعدين ندفع فاتورة حمايتنا وترى القواعد من اهم الاسباب في الغزو العراقي للكويت بسبب رفض الكويت للقواعد الأمريكيه وحنا الحين قاعدين ندفع ضريبة رفضنا للقواعد العسكريه الامريكيه قبل عام تسعين

    وعلى فكره مثل ما نفطنا دفع الضريبه وضاعت كميات كبيره منه تقدر بربع الاحتياطي النفطي الكويتي

    ترى حنا حاليا ندفع الضريبه كمواطنيين عاديين

    وانطر سنة 2011 كلها سنتين وتشوف العراقيين يسرحون ويمرحون بالكويت وتلقى قواتهم واصله قصر دسمان

    لأن الاتفاقيه والانسحاب الامريكي ينتهي بـ 2011

    الله يعينج يا كويت ( لا حكومه سنعه - ولا جيش قوي ) :(

    والله يرحمك يا انس الكنـدري والله شنو ذنب هالمسكين ؟؟؟

    كان طالب ومتفوق بالثانويه ووقدامه مستقبله ضاع بأفكار ( شيطانيه )


    والله يرحمك يا انس



    وشكرا مره اخرى
     
  3. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اولا مشكور اخوي على قرائتك للموضوع : )

    اخوي وجود هالقواعد بموافقة الشعب الكويتي مو عصب عليه و هالقواعد فرضها علينا غدر جار ساعدناه و بالا خير علينا ( جار ) .

    دول متقدمة مثل المانيا و كوريا الجنوبية و العديد من الدول الاوروبية فيها قواعد امريكية لكن وجود هالقواعد لم يؤثر عليها بالعكس نرى مدى تقدم الصناعة الالمانية و الكورية و لم تؤثر هذه القواعد على تقدم شعبهم و فكرتي انه نوجه مجهود الشباب للفكر و العلم افضل الافكار الارهابية الهدامة اللي ما منها فايدة : )
     
  4. عبدالله النفيسي

    عبدالله النفيسي بـترولـي نشيط

    دول متقدمة مثل المانيا و كوريا الجنوبية و العديد من الدول الاوروبية فيها قواعد امريكية لكن وجود هالقواعد لم يؤثر عليها

    -عدل الحين فهمتك انا كنت اظن انك تسأل عن مدى تأثيرهم ووجودهم بالكويت اما الكويت حالها من حال المانيا وكوريا ( حكومه الكويت هي اللي تصدر القرارات وتبني الامور بدون اي تدخل وبموافقه مجلس الأمه )



    على تقدم شعبهم و فكرتي انه نوجه مجهود الشباب للفكر و العلم .

    -عدل كلامك والحمدلله الحين شوف افضل متحدث باللغه العربيه الفصحى على مستوى دول الخليج ( كويتي هاجري )

    -حافظ للقرأن الكريم كاملا عن ظهر غيب على مستوى الدول العربيه واخذ جائزه بمصر ( كويتي من عايلة الطبطبائي )

    -الفائز بجائزة اختبارات التوفل للكيمياء على مستوى الدول العربيه هو الاول والثاني مصري ابوه دكتور كيمياء ؟؟ ( كويتي من عايلة معرفي )


    يعني الحمدلله للحين ابداعات شبابنا موجوده بس وين اللي يهتم فيها

    لو تشوووف اهتمام كبير بالشباب من قبل المؤسسات والهيئات

    ما تشوف شبابنا يوميا بالمجمع وحتى لو دش حمام بالمجمع قاله الموظف ( اطلع هذا مكان عوايل ) عدل

    يعني لا اهتمام علمي ولا اهتمام ترفيهي ؟؟؟؟



    افضل من الافكار الارهابية الهدامة اللي ما منها فايدة : )

    اكيد لأن وجود هالقوات مو وجود احتلالي مثل الموجوده بالعراق ولكن وجود للحمايه وهم اتوا برغبه من ( طويل العمر ) و طاعة ولي الأمر واجبه لذلك يجب عدم محاربتهم واهلا وسهلا بهم في الاراضي الكويتيه


    وما عليه رديت بموضوعك مره ثانيه


    بس حبيت اوضح اني فاهم للموضوع :)


    مع الف سلامه يا شركة السلامه والمواصلات التقنيه :)
     
جاري تحميل الصفحة...

مشاركة هذه الصفحة