قهوتي أنا و ... الطوفه

الكاتب : Q8_KJO | المشاهدات : 904 | الردود : 14 | ‏12 سبتمبر 2009
  1. Q8_KJO

    Q8_KJO بـترولـي نشيط جدا

    410
    0
    0
    يعطيكم العافيه يا أحباب يا حلوين .. إشربوا الحـ.... (سوري ماعليه نسيت روحي) !!!

    خل نطلع من جو الــ(كوبي بيست) ... ونسولف شويه :) ... اليوم قاعد أسولف أنا ويا واحد توه ياي من ايطاليا جان يقولي شغله غريبه عن كافيه هناك !!!!

    يقول في واحد من الكافيهات بإيطاليا لفت انتباهه شغله باللي يطلبون القهوه ... في ناس تطلب بشكل عادي و في ناس تطلب بطريقه غريبه !!!

    الطريقه الغربيه اهيه انه واحد يدش و يقول (اثنين قهوه واحد منهم للطوفه) .... صاحبي طبعا مخه عربي على طول فكر بالسحر و الخزعبلات (و كت الفال) ...... وطبعا اكيد يه على باله أنها مؤامره ضد الاسلام و المسلمين من بلاد (الفرنجه الكفار ومن والاهم) ..... بس الغريب عند الطلب انه الجرسون لما ياخذ الفلوس حق الطلبين (طلبه أهوه والطوفه) اييب له القهوه و يعلق ورقه على الطوفه !!!! ....

    بعد فتره (على كلامه) ... دش واحد شكله شويه فقير أو مو من الطبقه اللي ادش كافيهات راقيه جان يقول للجرسون .... (قهوه من الطوفه) ... الجرسون أخذ ورقه من اللي معلقهم على الطوفه وقطها بالزباله (وانتوا بكرامه) وياب له فنيال قهوه

    طلعت السالفه اهيه انه ايي واحد (مقتدر) يتبرع بقهوه من حسابه لأي شخص مو قادر على ثمن القهوه حتى لو ما يدري أهوه منو @@ ...... و عدد الأوراق تبين عدد طلبات القهوه اللي ممكن اي واحد فقير ايي ياخذها

    بيني وبينكم طريقه حلوه تجاريا و أخلاقيا

    وعلى طول يه على بالي اطبقها عندنا بالكويت بس تخيلت الآتي (حلوه الآتي !!!):

    1- انه راح نطلع من جو التبرع لي جو (الضــ....) أو (الفشخره) على قولت المصريين .... يعني لما اثنينه شباب يدشون الكافيه و يشوفون بنتين حلوين راح يطلبون أثنين قهوه لهم و 23 فنيال للطوفه (لعيون الحلوين)... وحزتها الطوفه المسكينه راح تشرب قهوه أكثر من سكان الكويت بثلاث مرات... و مو بعيده يتغير اسم طوفة الكافيه لإسم (حائط المبكى) ... أو نتهم بالتحريض على إغراق و تخدير (الطوف) بالكافيين وذالك للتخطيط لهدم سور الصين !!! .. ماعلينا ... يعني تجاريا فشل X فشل

    2- تخيلت طابور أخواننا (الصعــا.....) و من على شاكلتهم (قويه شاكلتهم .. درر تطلع مني اليوم) جدام المحل اللي لو يموتون ما يطلعون البيزه حتى لو عندهم 200 فلس للقهوه!!!! ..... ويه على بالي خيطان و الفروانيه ... و الحساوي والطريقه اللي راح تفضي فيها هالمناطق من السكان عشان اييون يشربون فنيال قهوه !!!!... يعني تشوه حضاري !!!! يعني هم أخلاقيا..... فشل X فشل

    عقبها قلت خلونا على ستاربكس وربعه... وايد أبرك


    على فكره........ أنا بما اني دعله و شكاك ... و ما أحب اصدق بسرعه سويت بحث بالانترنت جان القى كلامه صح !!!!
     
  2. بن عامر

    بن عامر بـترولـي خـاص

    1,159
    0
    0
    k.o.c
    kuwait
    يا كثر الزحمة اللي بتصير عند المقاهي :):)

    يعطسك العافية عـالموضوع الحلو .
     
  3. Q8_KJO

    Q8_KJO بـترولـي نشيط جدا

    410
    0
    0
    اذا عطست العافيه رحت فيها

    يهدينا و يهديك الله :)
     
  4. بن عامر

    بن عامر بـترولـي خـاص

    1,159
    0
    0
    k.o.c
    kuwait
    هههههههههههههاي حلووووووووة بس للحين ما قلت الحمدلله .:p
     

  5. لا خلونا جذي وايد ابرك :)


    يعطيك العافيه

     
  6. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    والله خوش شي المفروض هالشي يكون عندنا لكن مثل ما قلت يمكن يتطبق حسب مزاج الناس و تروح على الفقير بس

    اشدعوة ترى ما عندنا احد ما يملك ثمن القهوة الحمدلله احنا بنعمة لوووول لو هذي الفكرة تتطبق في وكالات السيارات

    او المجمعات السكنية للايجاااار جان صار خوش شي الصراااحة بس ما اعتقد احد بيسويها و لا اعتقد ان في احد يحب

    يلتزم بأحد (((( عادي اشتطيت شوي بس تخيلت اللي تقوله على مجال اوسع ...

    بصراحة عبدالله ابدعت في هذا الموضوع عندك عنصر تشويقي في الكتابة واصل لا تحرمنا
     
  7. reznama

    reznama بـترولـي مميز

    لاا فعلا أخوي .. هذي الواقعه صحيحه 100%

    لأن سبق وقالوا لي عن هالمقهى ..

    وعملت نفس ما حضرتك عملت .. سويت سيرج ولقيت إن الكلام صحيح ..

    تحياتي لك لمثل هذا الموضوع

    ..
     
  8. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    صراحة خوش فكرة .. وتطبق بالكويت .. وشرط مشروع ناجح تسعمية %

    خبرك كلش هني ما يحبون الهبات والفلسفة !

    بس اعمل حسابك 3 اشهر وتسكره .. لأن القهاوي اللي يمك بتسوي نفس الشي .. ويصير شارع القهاوي .. وكل من هب ودب بيسويله قهوة بنفس النظام ..

    بشكل عام .. فكرة حلوة مثل ما تفضلت اخلاقيا وتجاريا ..

    والف شكر على الموضوع الجميل ...
     
  9. المتمكن

    المتمكن بـترولـي خـاص أعضاء الشرف

    1,350
    0
    0
    ماشاء الله عليك
    شوقتنى للقهوه وانا صايم
    عاد ما تجيب الراس الا القهوه الشقرا بعد الفطور
    تسلم عزيزى
    ولا تحرمنا من ابداعك
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    حلو نوع من التكافل الإجتماعي :)

    شكرا يا السمي على الموضوع
     
  11. المعلمة المتميزة

    المعلمة المتميزة بـترولـي مميز

    945
    0
    0
  12. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ما تسوى عليه هالفقير انفضح جدام الله و خلقة عشان قهوة لو انا منه انحرنم من القهوة و لا اني ادش جدام كل رواد القهوة و اقول عطني قهوة من الطوفة و اللي قاعدين يطالعوني و ينغزون بعض شوف شوف اخذ قهوة من الطوفة :D

    مشكور اخوي على المعلومة اول مرة ادري عنها :)
     
  13. خذ وهات

    خذ وهات موقوف

    51
    0
    0
    مشكور اخوي على المعلومة اول مرة ادري عنها
     
  14. Q8_KJO

    Q8_KJO بـترولـي نشيط جدا

    410
    0
    0
  15. speed-way

    speed-way بـترولـي نشيط جدا

    الصراحة موضوع جميل بس ما اتوقع راح يمشي عندنا لان اكثر اللي راح يتجمعون عند المقاهي الجالية البنغالية :) وتقبل مروري
     
جاري تحميل الصفحة...

مشاركة هذه الصفحة