مطلق العازمي , احمد الجيماز .. كل عام وانتم بخير

الكاتب : ابوراشد | المشاهدات : 1,721 | الردود : 12 | ‏11 سبتمبر 2009
  1. ابوراشد

    ابوراشد بـترولـي نشيط جدا

    303
    2
    18
    السلام عليكم ورحمة الله وبركاته

    هذا الموضوع موجه للسيد مطلق العازمي مدير عمليات مصفاة الشعيبه

    والسيد احمد الجيماز نائب العضو المنتدب لمصفاة الشعيبه.


    الموضوع ومافيه انه يوجد موظف من جنسية عربيه في دائرة العمليات , ويستلم رئيس قسم في حالة النقص , يعني حاطينه سبير ,, وهالموظف ماشاءالله عليه يقولك عمره طاف الألف وتوهم مجددين له ... للحين الموضوع عادي لان الشركة نصها عرب وهنود ... اللي مو عادي انه هالشايب العايب مرتشي بطريقة غير مباشرة .. او تقدر تقول يطر بطريقة غير مباشرة ..كله ماسلم مشغل حقل جديد قاله وين حلاوتي ؟ واذا احد مسافر وين هديتي ؟ واذا سوا شي حق اي موظف وين حلاوتي .

    واللي مايعطيه الحلاوه ياويله يا سواد ليله .. يقولك مدرب حقل متدرب انفصل بسبة هالشايب العايب .. استقعد له قعده مو طبيعيه لين انفصل الولد المسكين .. وعذره انه مايصلح للشغل .. مع العلم انه سوبرفايزريه شكثرهم يقولون فلان كان زين ولو عندي اسلمه وانا مغمض .

    بس الظاهر ماعطى هالشايب حلاوته ولا جاب له هديه.

    الأمر الأخر انه قاعد يطفش الشباب من بعض الوحدات الصعبه علشان عيال الحته اللي يشتغلون فيها .. الظاهر على باله بيتفنشون اذا استلموا كويتين . مايدري ان الرازق الله.

    معقوله يوصل فينا الحال الى هذي الدرجه ؟؟ يعني هالشايب هو اللي بيسد حاجة العمل؟؟؟

    ندائي للسيد احمد الجيماز والسيد مطلق العازمي ... تكفون انقذوا اخوانكم وعيالكم الصغار اللي توهم جدد من براثن هذا الشايب العايب اللي مايستحي .

    عاد تهقون يسوون شي؟
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    كل الشكر للزميل أبو راشد

    وكلنا أمل في السيد مطلق العازمي بو محمد

    والسيد أحمد الجيماز بو عبدالله أن يقوموا باللازم
     
  3. حامض حلو

    حامض حلو بـترولـي جـديـد

    19
    0
    0
    مشكور يا ابو راشد


    والله شى يفشل ويقهر
     
  4. knpc75

    knpc75 بـترولـي نشيط

    76
    0
    0
    هذه ديرتنا لغريب لاعب فيها لعب.....بس هني دووووور النقابه !! وينها من هالسالفه اذا فعلا صحيحه ؟
     
  5. LPG STORAGE

    LPG STORAGE بـترولـي نشيط

    148
    0
    0
    السلام عليكم
    اخوي كاتب الموضوع مادام الامور بهذه الطريقة الشنيعة الذي ينهجها هذا العربي الغير أصيل فعلا فأجمع أصحابك وقابلو مدير العمليات وأخبروه عن تصرفات هذا المسؤول أما ان تضع شكواك هنا فصدقني لا احد يرد عليك ... اجمعو تواقيع الشباب الذي طلب منهم الحلاوة والهدايا في كتاب شكوى رسمي وقدموه لمدير العمليات او قابلو شخصيا وشكرا. أحببت الافادة والسلام عليكم.
     
  6. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    والله ياجماعه عطيتوه وجه هالعربي والموضوع مايستاهل لان ماله اي صلاحيات حاله حال اي مشغل بس يبيله عين حمره منكم ياشباب مع اجتماع مغلق وقوي عند المصافط وانتهت المشكله :>
     
  7. feed gas

    feed gas بـترولـي خـاص

    علشان عيال الحته اللي يشتغلون فيها..........!! كلش ما عرفوه الناس من اى جنسيه .... عموما بو محمد مطلق العازمى شهادتى فيه مجروحه..بس الحق ينقاال رجال يخاف الله بالسر والعلن وما يرضا عن الغلط وين ماكان ومنو من كان.... اعتقد راح ينصفكم لو كانت الادله دامغه والكلام موثق وليس تجنى من اى طرف... تحياتى ل بو محمد مطلق العازمى من مينا ء عبدلله لين توصل الشعيبه..
     
  8. خليجي

    خليجي بـترولـي نشيط

    60
    0
    0
    هالشايب في الشعيبه والعضو المنتدب لمصفاة الشعيبه يعشق الأجانب يعني الموضوع سهالات
     
  9. كاتب

    كاتب بـترولـي نشيط

    133
    13
    18
    خليجي والله صدقت

    بس عاد نتمنى يستحون على وجيهم شوي ويشوفون المصخره اللي قاعده تصير عندهم
     
  10. بن زريق

    بن زريق بـترولـي مميز

    804
    0
    0
    انا اعتقد انه الرجل مسنووووووووووووووووود وكثريين مستفيد منه لذلك انا اخاف اقول روح :dالنقابه بتقلوون اشفيك حاط عليها ...الصح شكوى جمعيا ودزوها لى وانا بدورى اوصلها الى الوزير النفط .لكن انا للان ماشفت اللى معاك بالشفت كتب !!
     
  11. بو جاسم

    بو جاسم بـترولـي نشيط

    113
    0
    16
    يا جماعه ما يات على هذا الشخص فقط
    الاجانب مالين كل الشركه
    ويا بخت من كان الاجنبي مسوؤله يضبطه بتليفون بو كاميرا

    وبالنسبه للسيد احمد الجيماز وعشقه للاجانب
    المصفاة الرابعه تشهد
    ويا ليتني اكون غلطان
     
  12. ضمير الأمة

    ضمير الأمة بـترولـي نشيط

    100
    0
    16
    ياعمي الناس معفوسين وطايحه عليهم مصيبه
    خل يفكون نفسهم من سالفة سرقة الشعيبه
     
  13. pump trip

    pump trip بـترولـي جـديـد

    4
    0
    0
    هذا الكلام مو صحيح

    مساكم الله بالخير بو راشد كلامك موصحيح كان وصلت إلى كان إبدرجتي إلى مدير العمليات إذا كلام صحيح معناته إنت أول واحد مستفيد من الموضوع ولمن قصر عليك بشي فضحته والشغلة الثانية إنت وربعك علمتوه على جذيه وإلا والله محد يقدر يكون بهال الجراءة وبعدين وينك من زمان إلي ألحين تتكلم الرجال من 1968 بالشعيبه:confused::confused:
     
جاري تحميل الصفحة...

مشاركة هذه الصفحة