زين والخصم من الراتب!!!!

الكاتب : المحتسب | المشاهدات : 1,212 | الردود : 10 | ‏9 سبتمبر 2009
  1. المحتسب

    المحتسب بـترولـي جـديـد

    9
    0
    0
    الى الاخوة المشتركين فى زين عن طريق الاستقطاع من الراتب .......


    الغيت خط egoo شهر ابريل ودفعت اشتراك شهر مايو مقدم على اساس يرد للحساب


    لما يوصلهم الخصم من الراتب .....وقلت مو مشكلة المهم اقطعوا الخط لانى ما ابيه..


    بعدها بيومين اتصل على واحد مصرى وقال لى احنا من زين راح نعطيك شهرين بلاش


    هدية من زين!!!!! قلت له يا أخى ما استعمل egoo و عندى dsl و من شهر ابريل


    ما استعملت الخط... قال على العموم هدية من عند زين سواء استخدمته او لا...!!!


    قلت له انا ابيه ولا راح استخدمه .... وفعلا ما استخدمته نهائيا......



    هاكلام شهر ابريل.... اخر شهر 8 اتصل على واحد منهم وقال راح نزيد سرعة النت وعندنا


    عرض على egoo.....,,الخ!!!!! قلت له انا قاطع الخط من شهر 4 ...قال لا يا اخى !!!!


    انت عليك اشتراك شهرين وانت دافعهم من الخصم من الراتب!!!!!!




    وانا ما ادرى شيخصمون ولا اعرف حتى شلون احاسبهم!!! دقيت على 107 وشرحت لهم


    اللى صار و انهم خصموا على بغير حق قال احنا راح نكتب شكوى ويصير خير!!!!!!!!!!!



    مر اسبوع ولا رد ولا خبر المهم رحت للشويخ للشكاوى عندهم و بعد دوخة راس ردوا



    لى شهرين ... ولقيت عندهم ناس خاصمين عليهم لانه يعرفون اكثرنا ما يعرف يتابع فواتيره



    ورحت وقطعت الاشتراك وحولت للفواتير العادية على انى اتابع حسابى صح!!!



    واستعملت خط فيفا لقيت يا خوان ان زين تخصم اكثر من فيفا وفى يوم واحد والله خصموا



    ما يقارب خمس دنانير !!!! واتصلاتى ما توصل نص دينار!!!


    دقيت علي 107 قال الفاتوره ما تطلع الا اخر الشهر ...



    رحت على الشويخ قال عندك مكالمات للسعوديه قلت دقيت اخوى فى مكة معتمر ولا كلمته


    لان الخط ما يشبك.....



    قال ........حتى لو الخط مغلق نحسب عليك!!!!!!!!!!!



    حسبى الله على ها الشركه ال.......



    نصيحه يا اخوان المشتركين عن طريق الاستقطاع من الراتب انتبهوا من شين
     
  2. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    بصراحة أخوي المحتسب أنا قطعت علاقتي مع الشركة هذي. كانت تخصم مني شهريا. مكالمات خيالية. وكنت متمسك بحجة رقمي قديم والكل يعرفه

    لكن الحين مع فيفا مكالماتي مع تتعدا 20 دينار
    وخدمة الانترنت لإيهاب عليها

    وودعت شين للأبد
     
  3. غريسو

    غريسو بـترولـي جـديـد

    39
    0
    0
    نفس المشكله بس ابشرركم (زين ) راح يتغير اسمها وتصير (جين ) واهلها الهنود بضبطونها انشالله وراح تدفع بالربيه الهنديه يعني ارخص
     
  4. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    ياليت توضح شوي


    ترانا بعيدين عن البورصة


    سمعت فيه بيع 49 بالمية من أسهمها لكن الباقي مافهمته


    شكرا لك
     
  5. مهندس عسكري

    مهندس عسكري بـترولـي نشيط

    65
    0
    0
  6. غريسو

    غريسو بـترولـي جـديـد

    39
    0
    0
    اخوي سالم الملاك الجدد 3شركات هنديه وتاجر ماليزي واذا تبي رايي بالعمليه انا ما ايدها لانها طراق بالكويتي حق الاقتصاد
     
  7. الليث

    الليث بـترولـي جـديـد

    23
    0
    0
  8. AD-01

    AD-01 بـترولـي خـاص

    1,040
    2
    38
  9. القرناس

    القرناس بـترولـي نشيط جدا

    153
    0
    0
    هههههههه يا جماعه لا يطوفكم الحرب بين STC و mobily على قناة mbc كل واحد يذم بالثاني مسوين دعايات ضد بعض
     
  10. knpc70

    knpc70 بـترولـي نشيط جدا

    246
    0
    0
    زين حراميه قاطعوهم زخلوهم يتأدبون
     
  11. Al Engleezi

    Al Engleezi بـترولـي جـديـد

    34
    0
    0
    OPERATOR-01
    Kuwait
    مكان ما في برقان

    السلام عليكم أجمعين و عيدكم مبارك مقدما, بالنسبة لهذه الشركة إلي ماتخاف الله و ماتستحي, أنا صار لي بالضبط نفس الشيء بس ماكان في خصم من الراتب!! كنت قد ألغيت خدمة الإنترنت و إتصل علي واحد يتكلم بلهجة كويتيه و أيضا عطاني الخدمة مجانا لمدة شهرين! تفاجأت بأن العداد شغال :eek: وأخذ الموضوع بعد فترة شهرين إضافية و العداد شغال.
    وللعلم ترى ألغيت كل شيء إسمة زين (شين) في حياتي لي وللبيت كله, الله لايوفقهم دنيا و أخرة قولوا أمين.
     
جاري تحميل الصفحة...

مشاركة هذه الصفحة