ساعدوني ارجوكم ... أبي وظيفة

الكاتب : lazpaz | المشاهدات : 3,071 | الردود : 5 | ‏7 سبتمبر 2009
  1. بسم الله الرحمن الرحيم

    السلام عليكم و رحمة الله و بركاته


    يا اخواني انا حاليا ما عندي شغل, عمري 22 سنه مليت و انا ادور على شغل و مو محصل.. اغلب الوظائف ما يبون فيها كويتيين :mad:.. خلاص الكويتي محد يبيه ....

    و انا شهادتي ثانويه علمي, حتى موظف امن مو محصل .. و الله يعلم بظروفي, لا بيت ولا معاش ولا واسطه و ما اقدر اعتمد عالاهل.. الحاله صعبه بس الله كريم


    و اتمنى لو احد يفيدني بمعلومات عن اي شركة تقدر توظفني بأسرع وقت ممكن حتى لو معاش اقل من 500 دينار انا راضي, بأي قطاع لو نفطي او خاص بس المهم بشتغل..


    والله يوفق الجميع
     
  2. ابو جراح

    ابو جراح بـترولـي جـديـد

    11
    0
    0
    هلا وغلا اخوي ...
    والله انا حاس فيك واعرف ناس واجد نفسك .. وسوو شغله واشتغلو والحمدلله ماشي حالهم .
    انا من رأي انك تدخل رقباء الجيش او تدش اقرار الحرس الوطني ومعاشك لا يقل عن 700 دينار اذا تزوجت معاشك يوصل ال900 او ال1000 والدورة يا اخوي ما تطول كلها 4 شهور لأقرار الحرس و6 شهور لرقباء الجيش انا نصيحتي اذا حالتك جذي دش وحده من هالثنتين ومعاش طيب وعيشه طيبة ...
    والله يوفقك من كل قلبي .
     
  3. اشكرك اخوي ابو جراح على ردك السريع .. و الله ارتحت بعد قرأت كلامك..


    ودي اعرف معلومات اكثر عن رقباء الجيش. وين اقدر اسجل؟ متى تبدأ الدورة؟ و هل يعطون معاش بوقت الدورة؟
     
  4. ابو جراح

    ابو جراح بـترولـي جـديـد

    11
    0
    0
    حبيبي الله يعافيك روح معسكر الجيوان اللي بالرقعي اللي عند الرئاسه العامه للحرس الوطني وأسألهم جنه في دورة قريب على شهر 2 أ 12 ما اذكر بالضبط روح هناك ويقولولك متى تبدأ الدورة وكلها 6 شهور وتتخرج رقيب وترتاح ...
    والله يوفقك ياخوي .
     
  5. ابو جراح

    ابو جراح بـترولـي جـديـد

    11
    0
    0
    بالنسبة للمعاش اي يعطونك معاش بوقت الدوره اعتقد اول ثلاث شهور اثر رجعي يوصل الالف وشوي وبعد الدورة يمشي معاشك وانت موظف عسكري :) والله يوفقك .
     
  6. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    بارك الله فيك أخوي "ابو جراح"
    على سرعة الرد والمساعدة
    مع تمنياتنا بالتوفيق للأخ السائل "lazpaz"
    ونصيحة لك أخوي "lazpaz" حاول تكمل دراستك أفضل لك طالما إنك خريج الثانوية العامة قسم علمي
    وإن شاءالله نشوفك مهندس عندنا في القطاع النفطي. تحياتي لكم
     
جاري تحميل الصفحة...

مشاركة هذه الصفحة