ارفع بنطلونك لو سمحت

الكاتب : بنت الكويت73 | المشاهدات : 865 | الردود : 19 | ‏7 سبتمبر 2009
  1. بنت الكويت73

    بنت الكويت73 بـترولـي نشيط جدا

    162
    0
    0
    أرفع بنطلونك لو سمحت؟


    السلام عليكم ورحمة الله وبركاته



    موضوع قراته في بعض المنتديات واثار غضبي فاحببت مشاركتكم الاراء عن هذه الظاهره السخيفه التى خرجت لنا والتى احمد الله اننى لم اتشرف برؤيتها رؤيا العين ولكنني سمعت عنها عدت مرات



    أغلب شبابنا هذه الأيام يعيش في حالة من التأرجح بين القيم

    والتقاليد العربية والإسلامية المتأصلة في المجتمع

    وبين القيم المستوردة مما خلق نوعًا من الازدواجية في الشخص

    فالأسرة تخلت عن دورها في إكساب النشء لأساسيات القيم والمبادئ القائمة

    على الفضيلة وغرس الضمير الحي في أبنائها منذ الصغر

    والإعلام وما أدراك ما فعله الإعلام

    أصبح وسيطا بيننا و بين ثقافة الغرب!

    و بدون مقدمات طويلة

    ولنتكلم بصراحة و جرأة و حرية


    لنصف و نصف ما نراه

    في كل مكان و في كل شارع و حي

    صورة الشاب عبارة عن

    رُكب ظاهرة
    وقماش مقـطع من كل مكان

    مع تشكيلة سلاسل وجنازير معلقة في الرقبة

    والقميص (سترتش) شفاف!

    او قميص بثلاث ازرة تظهر السرة من الأسفل

    والصدر من الأعلى .. (صاير كانة من المذيعات )

    وبنطلون على وشك الانهيار

    وموضة عجيبة ( لو ويست )

    لا نتدخل بالخصوصيات

    وليس لنا الحق في المنع

    ولكن الى درجة ان يكون البنطلون تحت الخصر بشبر واكثر

    ومن الشروط ان يظهر اللبس الداخلي؟
    هنا نضع الف علامة استفهام

    لا لكل لبس يكشف ولا يستر

    لا لكل لبس (التقطيع اساسه )

    لا لكل لبس يظهر الملابس الداخليه

    كانت الملاحظات على البنات بالعباءات المخصرة واللبس المكشوف

    ولكن ماذا حصل للشباب

    دعوة جديده للتكشف؟؟

    تقليد اعمى ؟

    و غدا سنرى بأعيننا ما سيفعله التقليد

    واخر الصيحات (عمرو دياب بصورة عارية الصدر)

    لمجرد انها صورة صيفيه على السي دي الجديد

    فهل سيتصور شبابنا مثل هذه الصور في الاستديوهات؟؟؟

    هل ستذهب الى الاستديو وتخلع قميصك وتنزل بنطالك وبابتسامة وتقول ( صورني )!!!

    ما هذا الشذوذ الثقافي الذي يتخبط فية شبابنا....!!؟

    مأساة لا نملك حيالها الى الدعاء بالهداية في عصر ( متخبط ) بين الشرق و الغرب


    إلا أنتو شنو رايكم؟
     
  2. reznama

    reznama بـترولـي مميز

    للأسف هذا تقليد أعمى

    وعبالهم إن جذي الفاشن والستايل ..!!

    أصلا ما أحس إن في رجوله .. أفتقد الرجوله عند مشاهدتي لمثل هذه الفئه الشاااذه ..

    وبصراحه .. أشكالهم إتنرفز ..

    وآنا عندي نمونه منها بالعايله .. وكلما شفت هالنمونه أبدأ بالنصيحه .. وإذا ما فادت النصيحه .. عاد إهني أبدأ بالتهزيء :)

    لأن لااابد يعرفون إن هاللبس يقلل من رجولة الشاب ..

    وعلى فكره .. في شغله دايما يرددونها البعض ويقولون إن شبابنا يقلدون الغرب ...!!

    بالعكس .. آنا رحت دول الغرب .. وشفت الناس طبيعيين جدا جدا .. وما عليهم غبااااار

    بس تدرين وين المشكله ؟؟؟

    المشكله بالمحلات اللي إتصنع هالبضاعه ويقولون حق عيالنا والله هذي الموضه الماشيه حاليا ..!!

    وشبابنا بعد الله يسلمهم ما يصدقون خبر .. قوم وإلبس اللي تلبسه المهم مع الموضه ..

    طبعا دايما نقول ((((((( البعض ))))))) من الشباب ..

    والسلام ختام

    ..
     
  3. aL- raSy

    aL- raSy إدارة المنتدى

    2,714
    0
    36
    ضحايا نفط و قل طاعه و ناموس // و الام كانت طيش و الاب اناني
     
  4. JASEEM

    JASEEM بـترولـي نشيط

    103
    0
    0
    اوله جم موضوع حاطة في العام مسوبة زحمة يبة اقري قوانين المنتدى العام بس موضوعين في اليوم
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    المفروض ما نتبع الموضة اذا كانت تخالف دينا اولا و عاداتنا و تقاليدنا ثانيا ... يت فترة اللي ثلاث ارباع بنطلونات الجينز لو ويست لدرجة الواحد مولاقي بنطلون عادي يشتريه : ) .
     
  6. البندري

    البندري بـترولـي نشيط

    115
    0
    0
    إذا كان رب البيت على الدف ضاربا ..........

    إذا ما لقوا القدوة

    منو بيقتدون فيه

    اللو ويست ميزة قوم لوط لعنهم الله

    و اللي يبحث في علم التاريخ و بالذات هالقوم بيعرف إن اللو ويست شعار لهم و كانو يلبسونه و السبب معلوم !!!

    و اللي يلبس هالنوعيه من البنطلونات و ما يدري شنو قصته نقول له كل عام و مخه المصدي بألف مصيبة !!!

    لآن المصممين الأجانب واعيين بما فيه الكفاية و يعرفون لما ينزلون صيحة جديدة في عالم الملابس بين فئة المراهقين إن المراهق عمياني بيتبع الموضة عن طريق رواد الفن عندهم !!!

    و عندنا و عنده مليون خبل يمشون وراهم عمياني

    و مو بس المراهقين

    لا حتى اللي طق الشيب راسه صار يمشي ورا هالخبول و صار مثلهم !!!

    و لا أسف عليهم

    العقل نعمة

    و اللي مخه فراغ تترسه الموضه و الصرعات الجديدة !!

    شكرا على الموضوع
     
  7. MOOON&M

    MOOON&M بـترولـي نشيط

    الناس الحين تتبع الموضه بدون تفكير

    طبعا هالموضه صارلها فتره ومره شفت واحد لابس لوويست وما علقت بس ما الي معاي ما اسكتوا

    بس لا حياة لمن تنادي


    شكرا على الموضوع
     
  8. بنت الكويت73

    بنت الكويت73 بـترولـي نشيط جدا

    162
    0
    0


    شاكره مرورج حياتي وما عندي اي تعليق على ردج لأنه كله صحيح
     
  9. بنت الكويت73

    بنت الكويت73 بـترولـي نشيط جدا

    162
    0
    0
    يعطيك العافيه على مشاركتك ومومهم الأم تكون طايشه والأب اناني يمكن التعايش مع المجتمع يخليهم يعتقدون ان هذا تطور

    والصحبه بعد لها دور اكيد
     
  10. بنت الكويت73

    بنت الكويت73 بـترولـي نشيط جدا

    162
    0
    0

    اسفه اخوي بس من اليوم راح اكتب موضوع ىواحد علشان متا تزعل ويعطيك العافيه على المرور
     
  11. بنت الكويت73

    بنت الكويت73 بـترولـي نشيط جدا

    162
    0
    0
    كلامك صح وشاكرتلك عليه بس شنسوي هذي تعتبر الموضه عندهم بس في بنطلونات غيرها وتقدر تشتري لا تحاتي
     
  12. بنت الكويت73

    بنت الكويت73 بـترولـي نشيط جدا

    162
    0
    0


    يعطبيك العافيه على تعليقك ومرورك وكلامك كله درر
     
  13. بنت الكويت73

    بنت الكويت73 بـترولـي نشيط جدا

    162
    0
    0


    اسعدني مرورج حياتي
     
  14. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    في هذا الزمن ضاعت أمور كثيرة !

    أولها العادات والتقاليد ...

    الغريب في الأمر أن بعض هؤلاء الشباب أقول البعض .. مهتم بدينه يعني يصلي وملتزم بصلاته !

    بس الوضع بالنسبة له صار عادي من حيث اللبس وقصة الشعر والاكسسوارات اللي يلبسها بحجة انه لا يضر أحد متناسيا أن منظره مقزز !!

    يعني معقوله اهلهم ما يحاسبونهم ؟

    هل عادي يرون أولادهم بهذا الشكل ! تدرون شنو الجواب ؟ للأسف أغلبهم أو نصهم صار عادي عندهم !

    آنه خايف من الجيل الياي .. مو مراهقين هالوقت .. يهال هالوقت ..

    اذا أبهاتهم لو ويست وأمهاتهم لبس ضيج وصبغ اضافر فسفوري !! اليهال اللي الحين شنو بتكون مراهقتهم ! أتوقع بدون هدوم ! استغفر الله !


    آنه عن نفسي لما اشوف واحد لبسه مو عاجبني أو قصة شعره غريبة ومطلع البوكسر ماله الملون على باله حلو !!!!! تلوع جبدي يا جماعه !! والله تلوع جبدي !!

    شنو مو محترم أحد يعني !!

    مادري شبقول .. الحجي يطول بهالموضوع !! ( وايد محتر )



    شكرا على الموضوع ..

    تقبلوا مروري
     
  15. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    لاتعــــليـق

    وأشكــركـ عـلي الطــرح
     
  16. Q8_KJO

    Q8_KJO بـترولـي نشيط جدا

    410
    0
    0
    مااااااا أنا براافع

    ترا الرد على عنوان الموضوع.... لأني مو من مشجعين القراءه وايد (غير اللغه اليابانيه)

    يسلمووو N73 .... وأهنيج بصراحه لانج قدرتي تردين على أحد الردوود (الغني) بالبدليات
     
  17. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    هدف واحد و هو تغريب المسلمين عن دينهم

    و كلما غاب الوعي الديني و العقل المعتدل

    كلما ظهر الشذوذ و الفوضى و اللاموضة

    و نسى الناس دينهم و هذا هو الهدف الاسمى

    عندهم



    شكرا يا بنت الكويت على الموضوع ،
     
  18. الفارس99

    الفارس99 بـترولـي نشيط

    145
    0
    0
    بنت الكويت ودي اعرف شلون اغلب الشباب ولاتعتبرينها ظاهرة يعاني منها المجتمع
     
  19. يادنيا

    يادنيا بـترولـي مميز

    مشكلة المصرقعين هذيلة ما يدرون انهم قاعدين يقلدون طريقة لبس الحثالة اللي في الغرب , والله يرتفع ظغطي لما اشوف البنطلون مخلية على طرف , انا اتوقع باجر تلقاهم يلبسون حفاظات شانيل , حنا موسالمين من اخبال الاكبار و جونه الصراصير اللي اخس منهم , والله قمت احاتي اعيالي تحوشهم موظة التصرقع .

    ( الحمدلله الذي عافانا من ما ابتلاه به وفضلنا على جميع من من خلق تفضيلا )

    شكرا على الموضوع
     
  20. speed-way

    speed-way بـترولـي نشيط جدا

    لازم دور اوالدين يكون فعال يعني اراقبهم واعلمهم الصح من الغلط وطبعا لاننسى رفاق السوء وانا لو بايدي اول شي اسوية ارد التجنــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيد وشكرا على الموضوع .
     
جاري تحميل الصفحة...
مواضيع مشابهة
  1. العقرب
    الردود:
    15
    المشاهدات:
    768

مشاركة هذه الصفحة