يا مسؤؤل خاف الله

الكاتب : puma.kw | المشاهدات : 744 | الردود : 8 | ‏7 سبتمبر 2009
  1. puma.kw

    puma.kw بـترولـي نشيط جدا

    182
    0
    0
    السلام عليكم

    ياجماعة الخير انا مستغرب من الرجل المسؤؤل عن شراء الملابس للموظفين اهي وحده من الثنتين:

    ياهو مايخاف ربه وينفع ناس معينه من ربعه او مقابل شي

    او او انه صيده ومو كفوو منصبه والناس تقص عليه

    لان ياجماعه من اول مادخلنا الشركه والملابس مو مناسبه لنا من ناحية الحمايه او جودة الملابس والجوتي عزكم الله

    اخر لبس وزعوه علينا قبل كم اسبوع طبعا اللبس فصلناه شهر 3 اللي طاف وتوهم يوزعونه علينا اللبس صيفي واحنا داخلين على الشتا بالله شنو فايدته ؟؟؟

    لا وبعد خامته نص نص وفوق هذا التفصيل مو مضبوط لازم تاخذ اكبر منك مقاس وتروح تضبطه عن الخياط وهمن الجوتي عطونا بوت بس مو سيفتي بس مجرد بوت والملابس مافيها اللي تنور او تعكس الضوء بالليل لا والمصيبه الاعظم ان نصنا استلم ملابسه اللي فصلها والنص الباقي قالوله ملابسك ماندري وينها تعال اخذ من المخزن اي بدله بدون اسم وناقصه بعض الشعارات وقسمنا الامن في الدوام طبعآ يطالبنا ان نلبس اللبس كامل بالله لي متى وانا اصرف على الشركه ملابس ؟؟

    اعتذر اذا اسلوبي كان جارح او قاسي على المسؤؤل بس كثر الدق يفك اللحام :(
     
  2. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    والمصيبه الجماعه يبون يحاسبون اللي ما يلتزم باللبس

    يالله ان التخرج من الجامعه قريب

    بفتك من الوضع الزفت بهالشركه
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    كان الله في عونكم ياموظفين هذه الشركه

    انا اقول والله لو يحولون كل رجال الأمن الى الشركات اللي هم شغالين فيها ويفكونا من هالشركه اللي قامت بالواسطه والتنفيع يكون احسن للجميع
     
  4. puma.kw

    puma.kw بـترولـي نشيط جدا

    182
    0
    0
    والله احنا نتمنى انها تنحل على الاقل الواحد يعرف اللي له واللي عليه ويلاقي اي احد يسمع شكواه

    شاكرلك مرورك
     
  5. puma.kw

    puma.kw بـترولـي نشيط جدا

    182
    0
    0
    الله يوفقك وتتخرج

    شاكرلك مرورك
     
  6. فــهــد

    فــهــد بـترولـي جـديـد

    12
    0
    0
    قووه شباااب بالنسبه للملابس ترا يسوونها بمشغل نسائي ببيت بالعدان والبيت راعيه من نفس قبيلة المسؤوال عنها وهذااا خبر اكيد بس احنا تعودنا عالتفصال ومالهم حتى مانلبسه حتى للتجربه ولو يعطون هالناس فلوس التفصال احسن وحسبي الله ونعم الوكيل
     
  7. راعي الرويشى

    راعي الرويشى بـترولـي جـديـد

    10
    0
    0
    انا اقول كل واحد يفصل اللي يجوزله ولا منتهم
    ودمتم سالمين
     
  8. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    هذا اللي اسويه من توظفت عندهم وانا افصل

    الجماعه يختارون خام مش حالك , ولو اكو ارخص ماراح يقصرون

    خصوصا الحين اللبس كحلي يعني بسرعه راح يصير اجلح :confused:
     
  9. JASEEM

    JASEEM بـترولـي نشيط

    103
    0
    0
    انا من الي ما عطوني لبسي نطرونا انا والشباب اخر شي ما ميش بس لا تعب نفسك اذن من طين و اذن من عيين
     
جاري تحميل الصفحة...

مشاركة هذه الصفحة