جمسات الترانسبورت ضرورة ام فشخرة!!

الكاتب : mech.eng.koc | المشاهدات : 1,103 | الردود : 10 | ‏4 سبتمبر 2009
  1. mech.eng.koc

    mech.eng.koc بـترولـي نشيط

    74
    0
    0
    السلام عليكم


    اول ابارك عليكم ماتبقى من الشهر...


    حبيت اناقش موضوع الجمسات الي حاس انه مالها داعي لازم الواحد يركبها عشان يروح دوامه داخل المناطق النفطية ليش؟؟

    شنو المغزة من الموضوع شحقة ماندش بسياييرنا ويعطونا تراخيص دخول حالنا حال المقاولين ليش يعذبونا وتعال انطر الجمس ودق عالجمس واذا بنستأذن بطلعة الروح في اوقات معينة للجمس تروح وتيي حق شنو كل هذا ماني فاهم انزين اذا على امان المنطقة نفس الشي المقاولين سياييرهم قاعد تدش وحتى سيايير الجيش قاعد يطوفون شمعنى موظفين الشركة مايخلونهم ويفكونا من سالفة الترانسبورت وبلاويه ولا بتربحون شركات التأجير بس موعارفين شلون؟
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    كلامك عدل والله اشوفهم و امر عليهم و اقول الله يعينهم بس تدري ليش تنفيييييييييييع هذا الي اقدر اقوله مو اوله الجمسات تعطونها حق الي يستاهل ( الكويتيين )
     
  3. q8rix

    q8rix بترولي خاص أعضاء الشرف

    437
    0
    16
    لا يمعود اذا شالوا السياير اشلون بنروح الحقول او سناتر انا زين مني اني دليت ال koc (ايام الميداني :p ) وفوق هذا انت ماتسوق وترتاح شتبي بعد :p صج انهم **** الهنود مادري المسؤولين كل وقت معين تيي سيارة بس شنسوي
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    وجود الجمسات له سلبيات و ايجابيات ...

    الايجابيات

    1- راحة الموظف خصوصا اللي يداومون في غرب و شمال الكويت .

    2 - قلة الحوادث بسبب قلة السيارات زائد التزام السواقين بالسرعة المحدد ( لو يخلونا ندش بسياراتنا تشوف صواريخ تمشي بالشارع ) .

    3- تزيد الالتزام بالعمل ( الواحد منا ما يطلع من الدوام الا للضرورة القصوى ) .

    4 - الالتزام بمواعيد العمل .
    السلبيات

    1- صحيح انه السواق يلتزومون بحدود السرعة لكن سياقتهم لك عليها شوي .

    2- تكلفة مادية على الشركة .

    اللي اشوفه انه وجودها افضل .


    2-
     
  5. mech.eng.koc

    mech.eng.koc بـترولـي نشيط

    74
    0
    0
    ماتوقع يبون راحة الموظف لان لو السبب الرئيسي الراحة جان ماوفروا سيارات كابرس وباجيرو حق القريدات الفوق مثل السينير يعني هذيل شلون يرتاحون اذا يداومون يوميا بالشمال والغرب
    واذا على حدود السرعة هم الي عندهم كابرس وباجيرو قاعد يشخطون والطريج متروس كاميرات الي بيدوس راح يتخالف وغير هذا مسؤلين السلامة هم قاعد يوقفون المسرعين ماتوقع الموضوع عشان سرعة ولا راحة لان اذا بيطبقون هالشي جان طبقوه عالكل
    وبعدين تكفة احنا جم موظف مسافط الترانسبورت ماتنترس يعني لو توزع هالسيايير على المناطق النفطية بتضيع ماراح تحس بالزحمة شالمشكلة لي زادوا المسافط عند المباني الي داخل ونسفط عند مكان شغلنا

    وبخصوص الالتزام بالعمل اوكي مو بهالطريقة احنا مو يهال بالابتدائي الي بيحكرونا ماتطلع الا بالجمس كل واحد عارف مصلحته واذا ماداوم الكل بيحس فيه لان شغل الشركة يعتمد عالموظف بشكل اساسي اذا غاب يوم راح يحسون فيه

    ومن وجهة نظر ثانية اذا عالالتزام بالعمل كا الي قاعد يداومون بالمبنى الرئيسي بالاحمدي يعني هذيل عندهم التزام والي يداومون بالمناطق النفطية ماعندهم التزام


    ماحس هذي مبررات كافية انهم يحطون جمسات

    اوكي نحط جمسات حق الزوار ولا المتدربين ولا الي مايدلون بس مو كل الموظفين صعبة

    ويعطيكم العافية عالردود:)
     
  6. AD-01

    AD-01 بـترولـي خـاص

    1,040
    2
    38
    ايام الثمانينات كان الترانسبورت (هليكوبتر) يوصل لين سنتر 15 وعقب ما قصف العراق السنتر بصاروخ سنه 1983 توقف.

    وعقب جابوا باصات وتطوروا شوي صاروا جمسات :)


    يقولون ان الموضوع امني خصوصا بعد احداث 86 .. حط راسك وانسدح بالجمس ابركلك :)
     
  7. nawaf52

    nawaf52 بـترولـي نشيط

    127
    0
    0

    ولو أني ما أئيد إقتراحك لأني لاحق على ايام الباصات وعذابها والحين يا الله من فضلك الجمس حط راسك ونام وخل السايق يوديك وجيبك ، وبعدين انت مهندس كلها كم سنه تصير سنير ولا تيم ليدر وبتغير كلامك .
     
  8. mech.eng.koc

    mech.eng.koc بـترولـي نشيط

    74
    0
    0


    شنو الاحداث؟؟ شصار حزتها!
     
  9. Q8GAS

    Q8GAS بـترولـي مميز

    514
    0
    16
    والله أعتقد الجمسات أفضل للأنتظام في الدوام

    لو سيارتك تداوم فيها لصارت الامور سبهلله :)
     
  10. المشاكس

    المشاكس بـترولـي خـاص أعضاء الشرف

    998
    1
    0
    السلام عليكم ......

    معلومه للكل ..... موضوع السيارات هذا موجود من أول ما تأسست الشركة وهو توصيل الموظفين من الأحمدي إلى مواقع العمل والعكس .... يعني الشغله مو شغلة تنفيع

    ثاني شي ........ لو شالوا السيارات راح يكون هناك اعتراض من بعض الموظفين وطبعاً راح يكون هناك أحتجاج من النقابة لأن هذا قانون وحق مكتسب للموظف ...... هل تعتقدون إن الشركة ماودها توفر على نفسها هالملايين الي تدفعها حق المقاول ؟؟؟؟؟؟؟

    ثالثاً ...... ألحين وعند دخول الموظفين للدوام شوف الزحمه عند نقاط التفتيش ..... شلون لو كان الموظفين يدخلون بسياراتهم ؟؟؟؟؟؟

    جربنا هالشي من قبل وكنا في بعض الأيام مانوصل الدوام إلا 745 تقريباً بسبب زحمة التفتيش

    ألحين لما تبدّل الشفت يوصل أغلب الموظفين مع بعض ..... بس لما يدخلون بسياراتهم منو راح يبدّل الشفت أول واحد وشلون راح يسلمون الشفت ألي طالع الموظف إذا كان بروحه ؟؟؟؟؟؟؟؟؟؟؟؟؟؟؟؟؟؟؟؟؟ خاصه وانت ماتدري متى راح يكمل الشفت !!!!!


    انا اقول هاذي أحسن طريقة للكل ...... ماني عارف ليش التذمر من نطرت التكسي وأعتقد التكسي يمشي بمجرد أكتمال الموظفين يعني الموظفين بيدهم ينطرون وبيدهم ماينطرون ..... هذا غير المواقف مظلله بعد


    لو قايلين ليش مايخلون الموظفين يقدرون يمرون مرور حق الأحمدي على طريق الموقع خاصه ألي بيوتهم بالديره وغيره أقول هذا المطلب الصحيح لأن راح يقصّر المسافه عليهم
     
  11. mech.eng.koc

    mech.eng.koc بـترولـي نشيط

    74
    0
    0

    اذا على موضوع التفتيش سهلة يا اخي يحطون اكثر من مسار حق التفتيش عشان يخلصون بسرعة نفس تفتيش الحدود


    وعلى طاري الشفت ماشوف في مشكلة وقت الشفت الاول يمشي بسيارته والثاني ايي يبدل بسيارته شلزمة الجمس حاله حال شفتات الوزارات والمؤسسات


    وبعدين ياجماعة انا ماقلت يعممون الدخول للكل بس موظفين الشركة يعطون تصاريح دخول حق سياييرهم بس مو الكل


    وبخصوص الالتزام بالدوام لاتخافون عليهم بالعكس ترى الي يداومون بالمناطق النفطية متلزمين اكثر من الاحمدي لان فيها بدل طريج يبي ينحسب له فل تريب


    والله ياجماعة الواحد ماياخذ راحته بالجمس تنطر الجمس بالروحة وبالردة وعسى ماتاخرت دقيقتين عالجمس الا ماشي عنك وانطر الجمس الي ساعة 8 مهما يكون الجمسات فيها مميزات بس يظل سيارتك وروحتك وردتك فيها راحة اكثر
     
جاري تحميل الصفحة...

مشاركة هذه الصفحة