السلام عليكم... أدري أن الكل ملتهي بالزيادة والمماطلات و و و.... كلنا نعلم أن الموظف له 42 يوم كإجازة - أغلب الأحوال - .. المشكلة أن الموظف مطالب باستنفدها كاملة خلال السنة ذاتها.. هاه!!!!!؟؟؟ طيب واللي مايبي شيسوي السالفة غصب . عموما المهزلة تتلخص في ما يلي: . أن الموظف -تيم ليدر واعلى- يحق له بيع جزء من رصيد اجازته أكرر .... يحق له بيع جزء من رصيد اجازاته الله ... حلال عليكم ... وحرام علينا.. ليش قلبوا نفط الكويت إلى حرس وطني ؟! المسؤول الكبير اكيد راح يبع من رصيده ... ولا تبيه عقب ما قزرها سفرات (ديوتي ، كورسات ، حضور مؤتمرات، تمثيل الشركة ... إلخ) ونص هالسفرات هذي ما خذ أم العيال والعيال معه ، وتبيه ياخذ الاجازة ختاماً : أنا أؤيد أن يكون بيع الرصيد لكل الموظفين (وليس حكرا على اللي مقزرينها سفرات على حساب الشركة) تحية خاصة للنقابة - والعاملين فيها-
كلامك عدل والله المشكله انه الشركه بحاجه كبيره للموظفين ومع هذا الشركه تغصبهم على الاجازه يبون الفكه يمكن
وهذا الكلام قلناه من قبل وفي ناس افادونا انه لا يمكن بيع الاجازات الا بموافقة رئيس مجلس الاداره وبحاجه ماسه للموظف ولكن نرى انه بعض التيم ليدر وما فوق يجوز لهم بيع ارصدتهم فلما هذا النصب والاستخفاف بعقول الموظفين ؟؟؟
صح ألسانك يا بو خالد - الله يخليلك خالد- بس لا تخليه جالس فى ممرات الشركة على العموم صح ألسانك وبدنك بس قالوها الشياب السمك الكبير يأكل السمك الصغير لا حول ولا قوة إلا بالله العلى العظيم
تعبنـــا وحنــا نتكلــم بــــــس للأســف ويـــن اللــي يسمــع ؟ اذن مــــن طيـــــــن واذن مـــــن عيـيـيــــــــن
عفوا" اخوي حتى التيم ليدر والمنجر مايبيع رصيده الا بموافقة نائب العضو المنتدب ,,, يمكن الي تكلم عنهم انت موافق لهم نائب العضو المنتدب ,,, بدون موافقته ماراح يبيعون
شنو تبي النقابه تسو يلك وهم نائمين بالعسل مع ادارة الشركه أحلفلك بالله هل طلع يوما من الايام بيان من النقابه يعارض الشركه ومع العامل كل يوم وانتم في اردى دام هذا مجلسكم كل يوم استقالات لماذا؟
للاسف الشي هذا حاصل بكل الشركات النفطية ال Knpc فتحو المجال قبل فترة عشان جم واحد واصل و عنده رصيد باعو لما رحنا نبيع طلعت لنا الشروط التعجيزية لازك يكون عندك 90 يوم ما تقدر تبيع الا شهر و الله فوضه لكن ما اقول الا الله كريم وياعمال القطاع لاتوصلون احد للنقابه الا اذا كان كفو لا حاسبوه على كل صغيره و كبيرة
