سؤال ضروري حق قسم العمليات البحريه

الكاتب : نوخذه | المشاهدات : 1,832 | الردود : 12 | ‏4 سبتمبر 2009
  1. نوخذه

    نوخذه بـترولـي جـديـد

    9
    0
    0
    سلام عليكم كل عام وانتو بخير وهذي اول مشاركه لي بالمنتدى واتمنى المساعده
    شباب انشالله ماطول عليكم بموضوعي,اداوم بمنطقة الشعيبه بمسمى قائد قاطره حاصل على الدبلوم سنتين ونص (خريج اتصالات وملاحه)
    اداوم صارلي سنتين ...

    1-بغيت اعرف اقدر اقدم على وظيفه الskipper
    2-هل تحسب الخدمه.
    3-وشنو القريد الي راح احصل عليه.
    4-شنو العلاواة الموجوده وقيمتها.
    5-كم العلاوه الزوجيه + الابناء.
    6- المميزات التي يحضها بها الskipper

    ودمتم بكل الود جميعا
     
  2. نوخذه

    نوخذه بـترولـي جـديـد

    9
    0
    0
    33 مشاهد ولا رد شدعوه كلكم خير وبركه
    اي ملاح عنده معلومات لا يبخل على اخوه
     
  3. majroo__7

    majroo__7 بـترولـي نشيط

    64
    0
    0
    تستاهل كل خير يا خوي

    بس سؤالك كأنه برلماني
    تمنى من الإخوان يجاوبون

    تحياتي
     
  4. نوخذه

    نوخذه بـترولـي جـديـد

    9
    0
    0
    تستاهل الطيب بن عمي
    انا طفشت من الانقاذ البحري ومعاشي حاله حال الرقيب
    كل منا يدور الاحسن عشان جذي ابي اعرف الفرق :) بس هم اعتبره برلماني
     
  5. skipper

    skipper بـترولـي مميز

    590
    5
    18
    هلا وغلا
    بالغالي بالنسبه للبحريه
    وبالنسبه حق وضعك راح تتعين على اعلان الخبره
    وراح يفيدك الاعلان بالقريد مو المسمى
    لانك راح تتعين على مسمى skipperll
    وبعدها تترقى على الشاغر للمسمى skipper l
    اتوقع راح تتعين على قريييد 9 او 10
    ماني متاكد
    بالنسبه للخدمه راح تنحسب بالتامينات
    ولكن بالشركه تعتبر موظف جديد
    وبالنسبه للعلاوات
    يقدر يفيدك فيها مشرفنا المنصور اكثر
     
  6. نوخذه

    نوخذه بـترولـي جـديـد

    9
    0
    0
    بارك الله فيك سكيبر وكثر الله من امثالك مشكور على هالمعلومات
    مشرفنا العزيز يا ريت تنور موضوعي بطلتك وتفيدني بالتفاصيل
    وودي اعرف متى اقدر اقدم عالوظيفه هل لها وقت معين..

    وتقبل الله طاعتكم
     
  7. skipper

    skipper بـترولـي مميز

    590
    5
    18
    العفوووووو
    بس كل اللي اقدر افيدك فيييه
    التقديم على حسب الاعلان
    واقولك ان في فرق كبييييير بين الوظيفه الحكوميه
    والقطاع النفطي
    وهالشي راح تحس فيه مو من البدايه ولكن بالمستقبل ان شاء الله
     
  8. نوخذه

    نوخذه بـترولـي جـديـد

    9
    0
    0
    انشالله اذا ربك قاسم لنا نصيب يا سكيبر
    مشكور عالمرور
     
  9. المنصور

    المنصور بـترولـي خـاص أعضاء الشرف

    عليكم السلام ورحمة الله وبركاته


    نعم تقدر تقدم لما ينزل الاعلان


    تحسب لك اذا قدمت على اعلان ذوي الخبرة وليس حديثي التخرج


    احتمال 9 او 10


    علاوة الشفت = 70

    علاوة 42 ساعة = على حسب الراتب

    بدل طبيعة العمل = 150

    منحة الاعمال البحرية = 62.5


    مافي علاوة زوجية ولكن الراتب مكون من عدة علاوات اساسية (أي لجميع الموظفين) وتنقسم الى قسمين للأعزب وللمتزوج

    علاوة الاطفال كما هي متعارف عليها 50 لسبعة اطفال


    مافي مميزات خاصة للوظيفة هاذي
     
  10. نوخذه

    نوخذه بـترولـي جـديـد

    9
    0
    0
    يعطيك العافيه يالمنصور
    بس بغيت اعرف شلون على حسب الراتب؟الرواتب تختلف بهلقسم ؟
    وتقريبا جم ينزل معاش للمتزوج ومعاه طفلين ويكون عنده خبره يعني على كلامك قريد 9 او 10؟؟
    شاكرلك
    وتقبل الله طاعتكم
     
  11. المنصور

    المنصور بـترولـي خـاص أعضاء الشرف

    يعني حسبة العلاوة غير ثابته وتختلف من شخص الى شخص آخر بحسب

    الدرجة الوظيفية + المتزوج/الاعزب + عدد الاطفال

    هذا سلم الرواتب وعليك الحسبة

    (التعيين على أول المربوط)


    [​IMG]
     
  12. نوخذه

    نوخذه بـترولـي جـديـد

    9
    0
    0
    المنصور مشكور والله يعطيك العافيه صراحه وايد فدتني يزاك الله خير

    بس اخر سؤال بالنسبه للأعلان اقدر امر الادراه واسئل متى ينزل اعلان الخبره ..


    وسلامتك
     
  13. المنصور

    المنصور بـترولـي خـاص أعضاء الشرف

    كيفك ..

    بس ماله داعي تتعنى

    إن شاء الله شهر 10 تحرى إعلان التوظيف القادم

    في الجرايد

    وفي موقع مؤسسة البترول الكويتية

    وفي منتدى التوظيف
     
جاري تحميل الصفحة...

مشاركة هذه الصفحة