مهندس بالشركة أو ظابط بالحرس؟؟؟

الكاتب : مهندس عسكري | المشاهدات : 1,279 | الردود : 13 | ‏3 سبتمبر 2009
  1. مهندس عسكري

    مهندس عسكري بـترولـي نشيط

    65
    0
    0
    السلام عليكم
    أنا مهندس كهرباء متخرج من جامعة الكويت شهر 6 ومحتار بين هالأثنين

    1-النفط أو البترول
    دوام من 7 لى 3 والمعاش اول ماتوظف 1100 والأجازة 45 يوم بسنة(هذا ألى سمعته)

    2-الحرس
    ادش دوره من شهر 11 لى 5 وتخرج ملازم اول
    الدوام الرسمي من 7 لى 2 والمعاش اول ماتوظف 1250 والأجازه شهر منحة و3 أو 2 أسابيع اداريه و45 يوم اجازه وأغلب الظباط يبعون اجازاتهم ومع البونس السنوي يطلع حقه 3800 بسنة

    والله ياشباب محتار بينهم ودايم افكر بعد 10 سنوات شنو وضعي فيهم
    والى عنده خبر وين الكرف اكثر
    وشكرا
     
  2. العجمـي

    العجمـي بـترولـي خـاص

    1,857
    0
    0
    سـر
    kuwait
    السلام عليكم .. شوف طال عمرك اهم شي رغبتك انت واذا عن الحرس الوطني ترى اثنين من الربع فيها مرتاحين والدوام زين وكافي اسمه ضابط :)
    يعني الوظيفتين اللي قلت عنهم كل وحده احلى من الثانيه
    الله يوفقك ان شاء الله
     
  3. المنصور

    المنصور بـترولـي خـاص أعضاء الشرف

    صل صلاة الاستخارة

    وربك يفرجها عليك
     
  4. khaled85

    khaled85 بـترولـي نشيط

    91
    0
    0
    اموفق يارب ... لو كنت مكانك اختار القطاع النفطي افضل واحسن وهذا انت قلتها بعد 10 سنوات شنو وضعي ... فكر عدل وبهدوء واحسبها والعبها صح ... والله يوفقك ان شاء الله
     
  5. سياسي محنك

    سياسي محنك بـترولـي نشيط جدا

    عسى الله يوفقك ويوفق جميع المسلمين , انت شوف وين خاطرك وبيني وبينك كلها مستقبلها ممتاز اذا الله كتب لك , ومثل

    ماقال اخوي المنصور صل صلاة الاستخاره والله بيكتب لك الخيره ان شاء الله .

    تقبل تحياتي
     
  6. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    القطاَع النفـطي ..تاَخذ دبلات الي قلته ولواً 100 سنة ....

    :)
     
  7. مهندس عسكري

    مهندس عسكري بـترولـي نشيط

    65
    0
    0
    شكرا لمروركم
    ياشباب أنا ابى رايكم يعني لو أنت مكاني وين تروح وليش؟؟؟
     
  8. sa3bola

    sa3bola بـترولـي جـديـد

    10
    0
    0
    من امه اروح النفط من صجك ماايحتاج تفكير
    تراا مهندس بلنفط رااح يكون معاشك مو هيين بعدين
    وسفرات وتذاكر
    ومعاش التقاعد وااايد
    وسياره
    اخوي النفط احسن من صجك حرس خل يولوون زيييييييييييييين خلك نفطي وعيش حيااتك
     
  9. Eng.ee6aalii

    Eng.ee6aalii بـترولـي جـديـد

    26
    0
    0
    اانا اقووول لو انا مكاانك القطاع النفطي وايد احسن

    وبعديين انت كرفت اقلها 5 سنيين عشان اتدش عسكريه؟؟جان دشيتها من اول !!!

    وبعدين تره 1100 بدون بدلاااااااااااااااات
     
  10. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    اخوي مثل ماقالوا الاخوان انت درست وتعبت اخر شي تروح للعسكريه انا لو مكانك اروح للقطاع النفطي وهذا شي راجعلك اسال اي مهندس بالشركه شلون وضعه واسال اي ضابط وانت راح تعرف الفرق بنفسك ومثل ماقالوا الاخون صل صلاة الاستخاره وعسى الله يوفقك
     
  11. عبدالعزيز الرشيدي

    عبدالعزيز الرشيدي بـترولـي جـديـد

    3
    0
    0
    والله خل العسكريه تولي

    ضابط يا اخوي فيه ضابط فوقك !!

    يعني إنت ملازم اول مهندس عادي بالعسكريه يتقعد نقيب أو رائد بالثانويه
     
  12. مافي الجودات مخطي

    مافي الجودات مخطي بـترولـي جـديـد

    26
    0
    0
    صباح الخير جميعا

    انا اقول تبي الصراحه انت اللي تحكم ترى الراحه بين ربعك اهم شي انت سواءا بالحرس والا بالنفط ماراح تداوم بروحك .......

    والنفط فيها أماكن حلوه وفيها دوائر احزاب وعنصريه اذا منت معهم فأنت عدو لدود وربعهم يلمعونهم ويمسكونهم مناصب وانت تطالع

    فأنا اقول عليك بالأختيار
    الصح سواءا فالحرس او في النفط . وعسى الله يوفقك ....................
     
  13. WWW

    WWW بـترولـي جـديـد

    11
    0
    0
    السلام عليكم ورحمة الله وبركاته

    مره من المرات رحت مع اخوي قاعدة الصمود .. واخوي مقدم ركن طيار .. اخوي اساسا بالجيش مو بالحرس بس كان عنده شغله هناك .. المهم .. اول ماوصلنا البوابه انذهلت شلون الكل يحيه ودزو ويانا دوريه توصلنا المبنى الي احنا نبيه .. يوم نزلنا المبنى بنورح مكتب واحد من ربعه .. مرينا ممر وكل من مر وحتى لو ماله شغل طق التحيه .. وانا منذهل .. اقول طلع اخوي شي وانا بالبيت اضحك واسولف وياه .. ثمرة الكلام .. يوم دشينا المكتب كان فيه اثنين اكبر منه رتبه .. فوقف اخوي وطق لهم تحيه .. وهذي اهي العسكريه مهما كبرت رتبتك لازم في احد فوقك .. اخوي بغض النظر عن الرتب وغير الرتب .. انت شوف وضع الي بالقطاع النفطي .. والضباط .. شوف منو وضعه احسن .. دايما راح تلقى الي بالقطاع النفطي وضعه احسن .. الا اذا اهو دبس نفسه بنفسه .. انت تعبت ودرست وشهادتك ما شاء الله .. كثير من يتمناها .. والقرار قرارك انت
     
  14. brilliant

    brilliant المـراقب الـعـام

    8,477
    0
    0
    Engineer
    Kuwait
    طبعا اختار القطاع النفطي

    المستقبل المادي

    مابعد التقاعد

    احس بشهادتي كمهندس

    محد يكون فوقي الا شخص من نفس شهادتي

    العسكريه نفذ الاوامر ولا تناقش الا بعد التنفيذ

    الهندسه النفطيه ناقش وقرر واشرح وجو ديمقراطي

    القطاع العسكري والجو العسكري وفكرت العسكريه والي اخترعها ماحبها حتى لو كنت ظابط
     
جاري تحميل الصفحة...

مشاركة هذه الصفحة