تذكير الى اعضاء مجلس الادارة

الكاتب : Lag | المشاهدات : 741 | الردود : 5 | ‏3 سبتمبر 2009
  1. Lag

    Lag بـترولـي نشيط

    94
    0
    0
    مبارك عليكم الشهر
    وعيدكم مبارك

    دايما الادارة العليا تشتكي وتقول انهم مايعرفون من المدراء ورؤساء الفرق المتحيزين ويمشون واسطات عشان يتخذون فيهم الاجراءات

    انا الحين بعطيكم نصيحه وطريقه سهله تقرون من خلالها احد اساليب التنفيع وياليت نسمع عن عقوبات اتخذتوها

    العيد مابقا عليه شي ووايد من رؤساء الفرق ينفعون ربعهم عن طريق الاوفر تايم بالعيد طبعا ما اقصد الشفتات لانه هذا حقهم اقصد الصباحي , تلقا (((بعض الموظفين))) قاعد رمضان كله مايسوي شي وقاط الشغل وتزريق وشات وغيره وقبل العيد بكم يوم تشوف اعصار في مكتبه ,, مطلع كل الملفات ويحك راسه ويفتر بين المكاتب جنه مينون ومعرق وحالته حاله يعني شوفوني انا مقطع الشغل واكرف كرف وكل شوي يقول ما يمدي اخلص هذا ما الحق يعني سمعوني,, طبعا ما يحتاج يمثل على التيم ليدر لانهم متفقين على التنفيع بس ضروري يمثل جدام زملاءه عشان مايحرج المسؤوول
    وياليت عاد بالعيد يداوم يوم او يومين ,, لا يداوم 4 ايام وفول تايم زين مايزيد بعد ,,عاد لو ادققون في الشغل تلقونه ((مو ضروري وكان ممكن يخلص برمضان وممكن تأجيله وما يستاهل 8 ساعات ))

    انا اعرف انه في موظفين ماشالله الله يكثرهم مخلصين ويخلصون شغلهم بدون اوفر تايم وحتى اذا اضطر يداوم اوفر تايم يسجل بس عدد الساعات اللي داومها لانه يخاف من الله ومايحب يوكل عياله حرام ,, مو مثل اللي يداوم 3 ساعات بس نصهم يقرا الايميلات , ويسجل فول تايم
    والمشكله مو بس هذا ,, المشكله ان المسؤول مكلف موظف واحد بس او اثنين بدوام العيد ,, يعني التنفيع واصل حده ,,
    انا واحد من الناس حياتي كلها اداوم صباحي و كل عيد اكتشتف ان المسؤول يشغل موظف واحد او اثنين بالسر ويمكن مايروحون بس يسجلون الاوراق ,

    وانا ادري ان في تيم ليدريه مخلصين وحقانيين ويخافون الله وطبعا ما اقصدهم نهائي بالموضوع ,, ومافي داعي احد يدافع عنهم لانهم ما يحتاجون دفاع من احد

    وارجو ارجو ارجو انكم ادققون على الاسماء وتشوفون علاقاتها باشياء ثانيه ,, يعني بالعربي توصلون خيوط الجريمه ابعضها
     
  2. بن عامر

    بن عامر بـترولـي خـاص

    1,159
    0
    0
    k.o.c
    kuwait
    عندنا و عندك خير خلنا ساكتين بس .
     
  3. Export_Doc's

    Export_Doc's بـترولـي خـاص أعضاء الشرف

    2,561
    0
    0
  4. dehen_3ood

    dehen_3ood بـترولـي خـاص أعضاء الشرف

    من صـادها عشـى عياله !!
     
  5. صريع النقرور

    صريع النقرور بـترولـي نشيط جدا

    152
    0
    16
    مقيوله ((( رزق القطاوه على الخاملات )))
    عسى الله يعين بس
     
  6. WOLF

    WOLF بـترولـي نشيط جدا

    180
    0
    0
    ههههههههههه صريع النقرور عجبتني ساالفة يصير اعصار بمكتبه يطلع كل الملفات وتلقاه معرق :)))
     
جاري تحميل الصفحة...

مشاركة هذه الصفحة