بداية قوية لابراهيموفيتش مع برشلونة

الكاتب : كويتيه ماركه | المشاهدات : 881 | الردود : 18 | ‏2 سبتمبر 2009
  1. كويتيه ماركه

    كويتيه ماركه بـترولـي خـاص أعضاء الشرف

    بداية قوية لابراهيموفيتش مع برشلونة

    استهل برشلونة حملة الدفاع عن لقبه بقوة بعدما سحق ضيفه خيخون 3 ـ صفر امس الاول في ختام المرحلة الاولى من الدوري الاسباني لكرة القدم.



    وعلى الرغم من الفوز العريض، فان الفريق الكاتالوني لم يقدم عرضا مقنعا على غرار غريمه التقليدي ريال مدريد وصيف بطل الموسم الماضي الذي عانى الامرين للفوز على ديبورتيفو لا كورونيا 3-2 السبت في افتتاح المرحلة.
    وخاض الفريق الكاتالوني المباراة في غياب نجميه الارجنتيني ليونيل ميسي بسبب سفره الى الارجنتين استعدادا لمباراة منتخب بلاده المصيرية امام البرازيل في تصفيات اميركا الجنوبية المؤهلة الى نهائيات كأس العالم 2010 في جنوب افريقيا، واندريس انييستا والمكسيكي رافايل ماركيز لعدم تعافيهما من الاصابة.
    وسيطر برشلونة على مجريات المباراة امام ناظري مدرب انتر ميلان الايطالي البرتغالي جوزيه مورينيو الذي حضر المباراة للوقوف على نقاط القوة والضعف في صفوف الفريق الكاتالوني حيث سيلتقي الفريقان في 16 سبتمبر المقبل في الجولة الاولى من منافسات المجموعة السادسة ضمن الدور الاول (دور المجموعات) لمسابقة دوري ابطال اوروبا.


    ومنح بويان كركيتش التقدم لبرشلونة بارتماءة رأسية اثر تلقيه كرة رأسية من المالي سيدو كيتا (18)، وعزز الاخير تقدم اصحاب الارض بهدف ثان في الدقيقة 42 بضربة رأسية تحت سقف العارضة.
    وافتتح الدولي السويدي زلاتان ابراهيموفيتش رصيده التهديفي مع الفريق الكاتالوني منذ انتقاله الى صفوفه قادما من انتر ميلان، عندما اختتم المهرجان بهدف ثالث في الدقيقة 83 اثر تمريرة عرضية من البرازيلي دانيال الفيش.

    الــقــبــس ..



    http://www.alqabas.com.kw/Article.as...&date=02092009
     
  2. like.no.other

    like.no.other بـترولـي مميز

    594
    0
    0
    عزاه يا بو خليل خليت الانتر ورحت :)

    بس بيتحسف انه طلع لانه يبي ابطال اوروبا و تخيلو الانتر ياخذه شيصير فيه لوووووووووووول

    تسلمين على نقل الخبر وتحياتي
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    مشكورة على النقل الحلو
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بما اني مدريدي بأسبانيا و انترييي بأيطاليا ودي انتقد براهيموفتش بس ضميري ما يسمح اللاعب من احسن المهاجمين بالعالم و فيه فنيات غريبة يعني طويل و يعدي ..... سريع و جسمه قوي ... اما الاهداف اللي يسجلها بالكعب شي ثاني :D

    ابراهيمو ارتكب خطأ لا يغتفر لما قضى احلى ايامه مع اياكس و ضيع على نفسه الالقاب مثل باتستوتا دفن نفسه بفيورينتينا و اثنينهم تناسوا انه اللي يرفع فريق بروحه مرادونا و بس .
     
  5. كويتيه ماركه

    كويتيه ماركه بـترولـي خـاص أعضاء الشرف

    العفو مشرفنا نورت :)
     
  6. كويتيه ماركه

    كويتيه ماركه بـترولـي خـاص أعضاء الشرف

    العفو صديقتي نورتي :)
     
  7. كويتيه ماركه

    كويتيه ماركه بـترولـي خـاص أعضاء الشرف

    اسعدني مرورك اخوي شركه
     
  8. بن عامر

    بن عامر بـترولـي خـاص

    1,159
    0
    0
    k.o.c
    kuwait
    أستغرب من الأخوان اللي للحين ما يدرون ليش إبرا راح لبرشلونة ؟

    الجواب : الأنتر حده الدوري الإيطالي و إبرا يبي يلعب في أفضل فريق في العالم و مع أفضل الاعبين في العالم : ميسي , أكزافي , إنييستا , دانييل الفيس , هنري , و غيرهم و غيرهم و يبي ياخذ أهم بطولة و هي دوري أبطال أوروبا و الشي هذا ممكن جدا مع برشلونة و مستحيل مع الأنتر بالنظر لتاريخة في آخر السنوات حدة دور الثمانية .

    آسف عـالإطالة .
     
  9. like.no.other

    like.no.other بـترولـي مميز

    594
    0
    0
    اخوي الانتر فريق قوي حاليا وحاله حال باقي الفرق المنافسه لدوري الابطال ومحد مستغرب اصلا ليش ابرا راح الكل يدري ان ابرا راح عشان دوري الابطال لانه شاف الانتر ما يقدر ياخذه

    لكن ان شاء الله هالسنه غير و بتشوفون الانتر شراح يسوي في البطوله و ما راح يخلي هالبطوله تروح منه حاليا عنده فريق قوي متكامل والكامل وجهه وعندنا خط هجوم ناري و نص قوي ودفاع صلب و احسن حارس في العالم موجود هم عندنا بس الله يستر من الاصابات و بتشوفون الانتر

    وبرشلونه متى عرف ابطال اوروبا ؟؟؟؟

    اول بطوله له 92 و الانتر ماخذ الابطال قبله تقريبا ب30 سنه مرتين و برشلونه ما كان يعرف التشامبيونز و حدهم ريال مدريد وينطقون بنتيجه 11-3

    بس كل نادي يمر بفتره و الانتر مر بهالفتره و لكن القادم ان شاء الله راح يبين و برشلونه بيجيه يوم بيروحون منه كل هالنجوم و يمكن يمر باوقات صعبه عليه

    على العموم ادري طولت عليك بس نرفزني كلامك لما قلت حده الدوري:D طلعنا بره الموضوع :D

    تحياتي
     
  10. بن عامر

    بن عامر بـترولـي خـاص

    1,159
    0
    0
    k.o.c
    kuwait

    دوري أبطال أوروبا قرب و الميدان يا حميدان بس صدقني الأنتر محتاج صانع لعب صريح ورا الهجوم مثل [ أكزافي , دييغو , كاكا , لامبارد ] لو عندهم صانع لعب ممتاز أقولك الأنتر راح ينافس و شنايدر مو الاعب اللي يعتمد عليه و أظن تشاركني الرأي .
     
  11. like.no.other

    like.no.other بـترولـي مميز

    594
    0
    0
    صح ان شنايدر مو ذاك اللاعب الي يعتمد عليه لكن عندنا ستانكوفيتش الي يقدر يساعد شنايدر خلف المهاجمين و لو تلاحظ انه عندهم قوه تسديد وتركيز هم الاثنين و قدامهم ايتو وميليتو و والبدلاء سوازو و ارناتوفيتش بالوتيلي الموهبه الي يقدر يلعب وراهم و في مانسيني و كواريزما الي هم عندهم سرعه و مهاره و تسديد وصنع لعب و وراهم بالارتكاز فييرا كمبياسو و زانيتي و مونتاري و بالدفاع لوسيو و كوردوبا وماتيرازي و كييفو و سامويل ومايكون و سانتون و الحارس ما يحتاج جوليو سيزر و بديله الاخطبوط تولدو و على خط الملعب الداهيه مورينهو :d

    يعني انت شوف الاسامي و احكم انا ادري ان في فرق اقوى لكن الانتر حاليا مو سهل و هين و لا انا غلطان ؟؟ :)
     
  12. بن عامر

    بن عامر بـترولـي خـاص

    1,159
    0
    0
    k.o.c
    kuwait
    الأنتر عنده لاعبين ما عليهم كلام بس لازال لايملك نوعية الاعبين اللي ممكن يجيبون دوري أبطال أوروبا بأستثناء [ مايكون , إيتو , سيزار ]

    و أتمنى يتأهل الأنتر و البرشا من المجموعة و يتقابلون بالنهائي إنشاء الله .

    يعجبني حماسك للأنتر بالتوفيق .
     
  13. LaRambla

    LaRambla بـترولـي خـاص أعضاء الشرف

    2,041
    3
    38

    اي اذكر صح قبل 30 سنة

    يوم ماكان في تسلل وتبديل مافي والكرة لا طلعت ربع ساعه على ما يجيبونها ويشاركون 4 فرق بالابطال

    عجيبه البطولات ذيك الحزه


    على العموم ابراهيموفيتش لاعب زين بس للاسف اللي راح بداله يسوى 10 منه
     
  14. like.no.other

    like.no.other بـترولـي مميز

    594
    0
    0
    هذا ابرا يشيل فريق كامل وهو لاعب مهاجم

    شوف شسوى مع الانتر ما يسويه ايتو لو كان مكانه بالموسم الي طاف والي قبله

    ابرا سوى بلاوي مع الانتر وانا اعترف انه لو لا ابرا ما اخذنا دوري الموسم الي طاف والي قبله بعد

    ايتو لاعب ممتاز واشوف في مشجع جديد للانتر بعد ما جاهم ايتو :D بس الله اعلم شراح يصير اذا اعتزل ايتو :D الظاهر هالمشجع يبطل يطالع كره لووووووووووووول
     
  15. like.no.other

    like.no.other بـترولـي مميز

    594
    0
    0

    صج نسيت اقولك عن بطولات ذيك الحزه

    لو البطولات ذيك الحزه كانت سهله ليش ما شفنا برشلونه وقتها يسوي شي

    على العموووم لكل مكان وزمان دوله ورجال :D

    يعني لكل زمن فيه افرقه تبرز وافرقه يطيح مستواها يعني ممكن نشوف برشلونه بعد جم سنه يطيح مستواه حيل و ممكن نشوف افرقه جديده تبرز ولا تستغرب الحين الفلوس تسوي كل شي كاهو تشيلسي طلع بفتره قياسيه والحين جاي الدور على مانشستر سيتي وكاهو ميلان بالعشرين سنه الي طافت محد يقايش وياه والحين فريق سهل وطايح مستواه حيل :D اللهم لا شماته فيهم
     
  16. القعقاع

    القعقاع بـترولـي نشيط جدا

    345
    0
    0
    ابرا يفكر لقدااام ولانه يفكر لقدااام اختار برشلونه نادي الانجازات...

    واعتقد ان برشلونه لايقارن مع الانتر مع احتراماتي:)
     
  17. LaRambla

    LaRambla بـترولـي خـاص أعضاء الشرف

    2,041
    3
    38
    خلاص اجل بو عزوز

    دام فيه مشجع جديد للانتر شرايك تبادل وياه وتشجع البرشا

    ودي اشوفك مره تحتفل بالتشامبيونز
     
  18. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    يبه ابرا انتقل لبرشلونه من باب التنويع والتغيير .. طبعا التنويع والتغيير للافضل

    لوول !
     
  19. speed-way

    speed-way بـترولـي نشيط جدا

    مافي احد يرفض البرشا الكبيــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر
     
جاري تحميل الصفحة...

مشاركة هذه الصفحة