اغلاق Gucci الفنار بالشمع الاحمر (صوره)

الكاتب : كويتيه ماركه | المشاهدات : 3,627 | الردود : 19 | ‏2 سبتمبر 2009
  1. كويتيه ماركه

    كويتيه ماركه بـترولـي خـاص أعضاء الشرف

    مو اول مره يسكرون محل ماراكات

    مره لوي فيتون شانيل


    فندي
    الحين قوتشي

    رااحت عليكم يالي شريتو من GUCCI الي بالفنار يالله ماعليه خيرها بغيرها

    حسبي الله عليهم قطينا فلوسنا واخر شي طلع تقليد

    عادماصار لي شهر شاريه منهم ساااااعه

    حرااام عليهم ليش جذي ماعندهم ذرة مصدااقية ..

    لاقين افلوسنا بالشارع احنا:mad::mad:

    من بعد الي شفته قررت اني اخش فلوسي

    واذا سافرت اشتري الي بخاطري
    والله حراام عليهم ابي فلوووسي لوول

    شوفوا معاي الصوره
    [​IMG]



    ناطره تعليقاتكم حبيت انبهكم عشان مايصير فيكم مثلي سوري عالانفعال

    وانا مره شريت من لندن (..........)قالولي اخذي فاتورتها وتقدرين تبدلينها باي فرع بالعالم

    رحت وفيلا مودا مارضو

    دخلت على الموقع مال الماركه ولا اصلا ما عندهم فرع بالكويت
     
  2. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    شخباري الي يشترون ماركة بالكويت برة اصلية و ارخص بس غوتشي الفنار ما فيه ساعات


    يعطيج العافية ع الموضوع
     
  3. كويتيه ماركه

    كويتيه ماركه بـترولـي خـاص أعضاء الشرف

    امبله فيه على طرف يم الكاشير في صديقي :) يسلمو عالمرور :)
     
  4. reznama

    reznama بـترولـي مميز

    والفال حق بربريز اللي بالمارينا

    ذاك اليوم دشيت باخذ منهم جنطه وأشوه إني ما خذيتها ..

    لأني يوم فتشتها وإلا أشوف تحت الجنطه حاطين صمغ باتيكس ....!!!

    جان اقول حق اللي تشتغل بالمحل .. والا تقول .. لا لا عادي هذا ..

    طبعا اهي اشعليها .. تبي اتمشي البضاعه وبس

    بس فعلا اللي يبي يشتري ماركه .. ياخذها من بره .. و مو شرط يروح لندن .. لأن دبي قريبه يمنا ومافيها غش بالماركات وثقه ..

    تحياتي لج عالموضوع

    ..
     
  5. new life

    new life موقوف

    512
    0
    0
    شكرا على المووضوع الحلو والافاده
     
  6. كويتيه ماركه

    كويتيه ماركه بـترولـي خـاص أعضاء الشرف

    العفو صديقتي نورتي :)
     
  7. كويتيه ماركه

    كويتيه ماركه بـترولـي خـاص أعضاء الشرف

    مشكوره صديقتي انتي الاحلى :)
     
  8. Me2

    Me2 بـترولـي نشيط جدا

    189
    0
    0
    اممممم !!
    الاحمـــدي سيتي
    امبيه عاد قبل فتره كنت رايحتله وحاطه عيني على جنطة

    بس مادري ليش ترددت وماخذيتها .. اشووووه

    انزين لي متى هالغش يعني حرام عليهم يلعبون بالناس ..

    وبربري شلون عليهم لان ماصارلي وايد ماخذه منهم جنطه مامداني حتى اتهنى فيها


    يعطيج العافيه عالموضوع
     
  9. كويتيه ماركه

    كويتيه ماركه بـترولـي خـاص أعضاء الشرف

    العفو صديقتي نورتي
     
  10. WAFRAWEY_Q8

    WAFRAWEY_Q8 بـترولـي نشيط جدا

    317
    0
    0
    بالاصبخه والصحرا المشمسه
    kuwait
    والله يا جماعه حتى سمعت انه فيلا مودا الي بالمنطقه الحره صاحبه واهو معروف طبعا والي ما يعرفه يحاول يتعرف عليه هههههه عنده مصنع ابتايلند خاص حقه اهو يصنع جنط تقليد درجه اهولها وطبعا ما يكلفه شي والربع يكون مليون بالاميه علشان جذي يسوي تنزيلات 80 و70 بالاميه واهني هم اهو ربحان يا جماعه يعني شي قيمته اب700 دينار ووقت التنزيلات اتحصله اب 50 دينار كيف ازاي اشلون اهني راس ماله وربحان بعد اشوه اني ما اعرف بالماركات ولا راعي هالسوالف
    :D
    وشكرا
     
  11. speed-way

    speed-way بـترولـي نشيط جدا

    انا اقول بلا ماركات خشو فلوسكم حق السفرات وايد ابرك. وشكرا
     
  12. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    عاد انتي كويتيه ماركه شلون طافتج هذه الساعه المظروبه
     
  13. Q8 BO HAMMOD

    Q8 BO HAMMOD بـترولـي نشيط

    128
    0
    0
    يعني حتي النظاره والبوك( Gucci) بالكويت هم تقليد:((
     
  14. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    حصل معاي موقف قبل سنه ..

    واصلتني هدية بسيطة عبارة عن ميدالية مالة مفاتيح من أحد الماركات من شخص عزيز .. المهم مكتوب عليها أشكره made in china أوكي ؟ بحكم الميانة سألت هذا الشخص قلتله من وين ماخذ الهدية وبجم .. قاللي من المكان الفلاني من الوكيل نفسه !

    اتصلت على المحل وقلت اتأكد بنفسي .. وسألتهم قلتلهم كذا كذا والميدالية مكتوب عليها مصنوعه بالصين !! قالولي اي عادي يكون في مصنع بالصين ويوردون حق المعارض بكل العالم والسبب رخص العمالة هناك .. طوفتها بمزاجي .. وهم رحت اتأكد من الانترنت .. سويت بحث عن كل منتجات هذي الماركة ولقيت الايميل مال الشركة الأم .. و راسلتهم وبلغتهم عن هالموضوع ..

    قالولي لا يمكن !!! احنا أصلا ما عندنا عمالة أو مصنع في الصين ! طبعا اللي هني بالكويت ولا همهم طناش ! ومصرين على ان شغلهم أصلي !!! آنه سويت اللي علي وبعدين مادري اش صار عاد !! وقلت حق رفيجي ! قام يدقق قبل لا يشتري أي شي ..

    وآنه عن نفسي ما أحب الماركات ..

    بسيط بطبيعتي ..

    وشكرا على الموضوع وآسف على الإطالة ...
     
  15. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    المفروض انك تكمل و تروح حماية المستهلك عشان يرفعون عليهم قضية ...
     
  16. aalbahar

    aalbahar بـترولـي جـديـد

    5
    0
    0
    Reservoir Engineer
    Kuwait
    السلام عليكم ....

    تأكدوا بالاول ليش وزارة التجاره شمعوا المحل ؟؟؟ كل واحد قاعد يطلع سالفه .. الي يقول يبيعون تقليد .. الخ.

    حسب الي عرفته انا تشمع لانهم ماكان عندهم الرخصه الاصلية. كان عندهم المصوره (Copy) . والاصليه كانت في Head Office in Showikh . والمحل تسكر يوم واحد فقط.

    بسكم اشاعات يا ناس ... حتى LV , Bvlgari قالوا عنهم نفس القصة وانهم كانوا يبيعون تقليد ... والصج لا كانوا يبيعون تقليد ولا شيء.


    بس حبيت اوضح ... وشكرا :)
     
  17. كرهنا الماركات وسبب الغش التجاري
     
  18. gohamad

    gohamad بـترولـي جـديـد

    29
    0
    0
    حسبي الله عليهم !
     
  19. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    شكـــراً للتوضيـــح
    "aalbahar"
    عن سبب تشميع المحل

    * أما بخصوص الماركات وسالفة أصلي وتقليد درجة أولى... فالشركات شغاله عدل وبعض الناس مساكين مصدقين سالفة تصنيع الماركات وشراؤها من الوكيل على أنها أصلية... والله يا جماعة أغلبهم حرامية والله يشهد على كلامي

    واللي ذكر من " WAFRAWEY_Q8" صحيح وللأسف في فيلا مودا عندنا في الكويت واللي صاحبها شخصية الكل يعرفها شغّال على العالم بالبضائع الصينية ومساكين هالشباب يشرُّون ويدفعون دم قلبهم بهالمبالغ الكبيرة عشان بس يقز ويكشخ جدام ربعه !!!... عموماً أنا بختم كلامي وهذا الواقع أن كل ما تراه الآن هو صنع "الصيــــن" والدول المجاورة في شرق آسيا

    وشغل قبل ذاك لما كنت تشوف على المنتج مكتوب صنع في بريطانيا ولا فرنسا وألمانيا وفنلد أو أمريكا... ده كان زمان

    كلـــه شغل الصيـــن وما أدراك ما الصيـــن !!!@@!!!
     
  20. JASEEM

    JASEEM بـترولـي نشيط

    103
    0
    0
    هالخبر قديم و الي في الفنار اصلا مفتوح و يوم سكروه من زمان ماكان عشان تقليد شوية خلكم دقيقين
     
جاري تحميل الصفحة...

مشاركة هذه الصفحة