مطعم الشركه

الله يزيد النعمة على هالوجبات !!

للأمانه ها !! ساعات الوجبات تصير زينه وساعات لك عليها
السلطه ناشفه وتقعد تقلب فيها خوفك فيها شعره ولا شي
اللحم عرد غصب تعلجه .. ليش هالعذاب يا ربي
الدياي فيه زفره !!
قزرها بفك وكاكاو

بالحقول في مطابخ والمفروض الطباخ كل يوم دام الطباخين والستاف إللي معاه ما يحدرون الديره
والـ HSE موجود ويراقب ويشوف ويعاين النظافه والصلاحية

بس الأكل مو شي
والواحد ياخذها من آخرها وما طلب غدا !!
إللي بالأحمدي يقدرون يطلبون من بره

زين وللي مقلوعين بقلعة وادرين شسوون ؟؟؟


يا مال العافية يا هامرررر على هالموضوع
وبانتظار جديدك !!

 

السلام عليكم

اخوي همر جميع العقود او اغلبها يكون فيها شروط جزائيه وغرامات مشكلتنا ما نتعمق بالشي اللي نحاول تغييره


اتوقع لو تتطلعون على العقد بطريقه او بأخرى راح تلقون شروط جزائيه على ماذكرت الاخت دهن عود وهذا حاصل في شركتنا وكم مره يعمل عليه غرامات ويعدل بعدها اذا ذاق الخصم


وفالكم طيب

 

فعلا المطعم مو شي والهندي المزعج لما يتصل الوووووووو ((( قود مورنينق متئم وذ يو وت دويو ونت تودي )) طباع هالجمله لازم تقرونها باللهجه الهنديه صج تضحك بس ما تعدل من اكلهم شي عموما عندي اقتراح بسيط المفروض كل قسم عندهم مطبخ خاص فيهم والشركه الله يغنيها ما نبي منها شي وانا اعتقد ان الموظفين راح يمشون راتب الطباخ .... اصلا الطباخ راح يحصل مميزات ولا بالاحلام عند الموظفين وسلامتكم والسموحه على الاطاله .

 

وأكل المدراء بالـ Main Office وكراتين السناك حق الباجي !!

 

أخي هامر


شاكرك على هذا الطرح الجميل


بصراحة مطعم الشركة وخاصة الحقول حدث ولا حرج وصلت انه نلقى دود وشعر بالسلطة لا وتجيك الوجبة بارده ابي اعرف في رقابة عليهم أم لا

ولااا يوصلك الغداء الساعة 10.30 الضحي ودي اعرف متى بلش طبخ <------- واتغدى بعد صلاة الظهر (( الله يخلي الميكرويف ))



نتمنى ان توصل هذه المشكلة الى المسؤولين ويكونون على بينة بالامر

 

عندي أقتراح بخصوص وجبه الغداء
تكون عيش ودياي أو عيش سمك يعني طبخ كويتي 100%
مو مدخن دياي إذا مضبطينك يابوك ربيان مقلي أو هامور
يبى كل الكويتين وجبه الغداء................. مجابيس...................!
لازم نحافظ على العادات الكويتية
من حبنا لها بنوفر لها
لوووووووووووووووووووووووووووووووووووووووووووووووووول

 

هلا وغلا اخوي Hummer اكيد عندك خبر ان الجميع يطبخ بس مو بشكل رسمي والمسئولين الكبار عندهم خبر وبعدين جماعة Hse يقدرون يدبرون حل يعني شنو فيها اذا كل سنتر مقابله مطبخ صغير يعني برا السنتر وعلى قولة الفنان سعد الفرج كأنه مو لك ...

 

ترا ياجماعة تقدرون تطبخون في السنتر ومافي شي مو سيفتي ... لأن الجوله (الطباخ) هوت بليت يعني عالكهربا مو على الغاز وهذه تعتبر سيفتي ولا جان ماحطوها بالسناتر لا وأربع عيون وفرن بعد .....

أنا اقول لو إدارة الشركة تلغي المطبخ نهائياً وتسمح بالطبخ بالسناتر وغيره جان وايد أحسن .. على الأقل توفر الميزانية مالت المطبخ والي أكثرها رايحه على عمال المقاول ......
إذا كلش كلش يخلون المطبخ بس حق الإدارة يعني يصير مثل مطعم الحبارة أو الأتحاد ويخلون السناتر وغيرهم ياخذون راحتهم بالطبخ

عاد يقولون اكوا موظفيين بالسناتر عليهم طبخ غير نمونه

 

ههههههههههههههههههههههههههههههههههه

المطبخ والهندي والأكل الله يعين

كله كوم والزبيدي يجيبونه مع بطاط شيبس علي الأقل مع عيش ودقوس

والله المطعم حظ عمال المقاول خاصة بالسناتر والليبريه بالسنتر

 

الله يزيد النعمه

 

و الله معاك حق الله يزيد النعمه أكلهم ناشف حق إلي مسوي رجيم اضاهر طابخينه على الطاقه الشمسيه

 

السلام عليكم
موضوعكم بصراحه عجبني وثاني شي الاكل يوصلك يابس ومو مال اكل مال تحذفه بالزباله بصراحه والله الوجبه ناكل نصها ونخلي الباقي لن كلش ماتصلح للاكل ونرجو المطعم يكنسلونه ويبون لن مطعم مسكة وجبات صح مو يتصل ويقول بس وجبه ألي فيه مره ثلاث وجبات والله مايسير التسيب والفوضه احنى نتعب وشغل واخرته الاكل البور يكون اي شي فارجو ايد وحده عشان نغير المـــــــــــــــــــــــــــــــطعم ......... وين المطاعم ألي قبل وقسم بالله الاكل يوصل حار وفرش

وشكرا.........

 

اخوانى
سالفت المطعم سالفه عريضه وطويله

لو تقولون وتسولفون من الحين الى باجر ماكو فايده

يعنى احنا اتفقنا قبل مده على انه محد يطلب من المطعم عناد عليهم بس ماكو فايده بعض الناس مايطيعونا

اذا تبون نسوى حمله على المطعم يلا اللى موافق على الشغله يكتب بالموضوع او نبتدى بالارقام من الواحد

علشان نعرف جم الموافقه

يلا خلونا نغير شى بيدنا

 

ترا المطعم نفسه نفسه ماتغير من أول ماحطوه الشركة بالثمانينات كل ألي يتغير فيه أسم الشركة ألي يرشي عليها العقد ... لما يرسي عليها العقد تحول كل موظفين الشركة ألي قبلها بأسمها ... علشان جذي تشوفون الأكل مايتغير ...
على العموم انا من الناس ألي ماحب أكل المطعم ومؤيد للتغيير وأعتبروني أول صوت

 

وانا معـــــــــــــــاكم

 

السلام عليكم
الصراحه مطعم الشركه صج الله يزيد النعمة .... ياخي العلب مالت الاكل حدها وسخه ... واحنا ماندري اشلون الهنود يطبخووون .... واهما خو عادي عندهم الهنود كلشي ياكلون .... والمفروض في رقابة على المطعم والطباخين ... وانشاءالله تكون رقابة فعلية مو بس اسم رقابة