"كلمة حق" .. بيان من نقابة المؤسسة حول احداث تعطيل الزيادة

الكاتب : فيصل الكندري | المشاهدات : 1,313 | الردود : 17 | ‏20 نوفمبر 2007
  1. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    بعد المسج اللى انتشر من نقابة المؤسسة امس على التلفونات بخصوص موقفهم من قرار تعطيل الكوادر والمنشور بالمنتدى النفطي على الرابط التالي ...

    http://www.q8ow.com/vb/showthread.php?t=2240


    هذا بيان النقابة الرسمى انشره لكم ... واتمنى لهم التوفيق .. قول وفعل :)


    [​IMG]
    [​IMG]
     
  2. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    وااااااااااااي فيصل توني بسيرتك
    لو طالبه يقروون الزياده بس

    عساك ع القوه ومااااقصرت

    بس أتمنى يتحركون فعليااااا
     
  3. زهرة التوليب

    زهرة التوليب بـترولـي خـاص

  4. brilliant

    brilliant المـراقب الـعـام

    8,477
    0
    0
    Engineer
    Kuwait
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخونا فيصل ممكن سؤال صريح ؟؟؟


    هل هناك تهديد للنقابات ؟؟؟


    لماذا هذه البيانات التي تميع القضية


    لا تزعل مني أخوي فيصل لكن الموظفين بيحترقون حسرة ونشوف النقابات دورهم دور الصمت ؟؟؟

    تصريحات مخالفة لمجابهة الحدث ؟؟؟


    كالذي أغشي عليه من الموت ؟؟؟


    نرجو منكم الصراحة
     
  6. مواطن

    مواطن بـترولـي مميز

    544
    0
    0
    تفائلوا بالخير تجدوه وقدر الله وما شاء فعل
     
  7. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    هلا اخوى الوسام ...

    اولا السيناريو اللى صار كان متوقع من بدت الفوضه بعد اعتماد الزيادات من مجلس الخدمة المدنيه .. ومع الاسف تبين ان الحكومة ضعيفه لدرجه ان كل من قام يصارخ عليها يبى فلوس !! والسالفه صج كانت بايخه وفوق هذا حاطين تقرير اخبارى عنا بال CNN والفضائيات العربيه (الله يكرمكم) وكل فحواها هالاضرابات اللى بتصير والفلوس اللى بيعطونا.

    النقابات محد مهددهم بشى (وتصريح مجلس الوزراء عادي بهذا الخصوص ودايما يطلع قبل اى اضراب متوقع حدوثه) والسالفة مو سالفة تخاذل او ضعف واحنا كلنا شفنا نقابة الخطوط شنو سوت بالمطار قبل 3 شهور وشفنا الاطباء اشلون (اصملوا) واثبتوا على موقفهم ووقعوا استقالاتهم ...

    اذا كان وقف الاضرابات ووقف التصعيد ، احتراما لرغبة الامير وتقدير له ، تسمونها (تخاذل) انا اعتبرها موقف رجال (الله يبيض وجيهم وين ما راحوا) .. والشعب اللى ما يقدر اميره ، ما فيه خير ... والمنصف وراعى الحق يعلم ويجزم ان قرار صاحب السمو كان قرار حكيم لما وقف الكوادر عقب المصخره اللى صارت والسبب كان ضعف الحكومه !! سموه ما الغى الكوادر .. كل اللى صار طلب تأجيل البت فيها عشان تشمل الكل بوقت واحد وطلب وقت محدد ليما اخر شهر 2 .. والمفروض اصلا (من ناحية الشرع) ان احنا نقول "لك السمع والطاعة طال عمرك"...

    الاخ سعد الشويب وسمو رئيس مجلس الوزراء رايتهم بيضه وما قصروا واعتمدوها مرتين .. مره بالمجلس الاعلى للبترول ومره بمجلس الخدمه المدنيه .. وقرار التأجيل صار من حضرة صاحب السمو الامير .. شنو المفروض يسوونه الناس ( من نقابات والا حكومة والا افراد شعب) غير السمع والطاعه ؟؟؟!!



    شيوخنا مبروكين والزياده ان شاء الله راح تقر ... باذن الله
     
  8. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    بيض الله وجه سعد شويب ما قصر
    ومشكور اخوي فيصل
     
  9. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    بس في شي اسمه حق وفي شي اسمه باطل أميرنا على عينا وراسنا وله السمع والطاعه بس الله ماأمر انه يصير اللي صار أمس شي كان جدا مو منطقي وقرار غير سليم وبالذات قرار القطاع النفطي بحكم توقيعه مسبقا من قبل مجلس الوزارء
     
  10. أبو طلال

    أبو طلال بـترولـي نشيط جدا

    430
    0
    0
    و أنا أيضا أقول أن إيقاف زيادة القطاع النفطي التي أشبعت نقاشا

    و تمحيصا ... و تم إقرارها على كافة المستويات هو ظلم كبير ...

    و يحق للمظلوم إتخاذ كافة الإجراءات المتاحة لرد الظلم عنه ...
     
  11. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت


    ما كان في توقيع (مسبق) من مجلس الوزراء على الزياده ولعلمك مجلس الوزراء ما "يناقش" الزياده .. انما يعتمد قرارت مجلس الخدمة المدنيه والمجلس الاخرى مثل المجلس الاعلى للبترول وغيره ... بالعربى "يبصم وبس"

    ورئيس مجلس الوزراء اهو نفسه رئيس المجلس الاعلى للبترول وهو نفسه رئيس مجلس الخدمة المدنيه وكان موافق عليه لولا الاحداث اللى صارت ... وتدخل صاحب السمو

    تهقى نقابات الاوقاف مادرى الشئون والا الموانى والا الطيران المدنى والا الاسكان والا التطبيقى راح يسكتون اذا اعتمدوا للنفط والاطباء والكويتيه الزياده قبلهم ؟؟

    اذا ما تدرى اقولك .. الاسكان كادرهم جاهز قبل سنه !! والموانى كادرهم من شهر 4 اللى فات جاهز ... والكويتيه من شهر 6 ناطرين الاعتماد ... والاطباء يبون معاشات 6000 دينار والا راح نستقيل ... والطيران المدنى سواها واضرب لولا ان الجيش تدخل والا صج ما نترقع وقتها .. وتقول ليش ما اعتمدنا للنفط مالنا شغل بالباجين !!!

    تهقى لو بيعتمد زياده النفط بس ويسحب على الباجين بيسكتون ؟؟؟ اصلا حجتهم تصير اقوى والفوضى راح تصير دبلات والكل راح يطول لسانه وتوقف مصالح البلد ... فمن الحكمه انه يوقف الكل ويحل المشكله مره وحده.

    الواحد يفكر بعقل .. وسموه وعد بالزياده للكل .. يفعلها واحنا نستاهل .. ننطر ليما شهر 2 وعشان عين تكرم الف عين
     
  12. فوّاح

    فوّاح بـترولـي نشيط

    53
    0
    0
    كلام سلييييييييم ، بس على الاقل احترام رئيس مجلس الوزراء بحكم اهو نفسه رئيس مجلس الخدمة المدنية ، يعني اقصد خل يمشون الكوادر اللي وافقوا عليهم والباجي بامر من الامير تتأجل ، وفي احد يقدر يقول لا حق طويل العمر،

    والله مثل ما قلت المفروض على الكل تقديم استقالاتهم ، وكما ذكرت اذا خليت خربت هذا يعني اكيد على الاقل في واحد يحس ويرد اعتبار الاف الموظفين بس لحد الحين صج السالفة خربانة
     
  13. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    الله يهداك تقول حق الامير احترم رئيس الوزراء !!! الامير ما تدخل الا لما صارت الفوضى اللى ما قدر يضبطها رئيس الوزراء

    سالفة الاستقاله مالها داعي لان الامر ما كان متوقع وما كان بيد احد ... واحنا ندرى ان الكل سوى اللى عليه وزياده ورايتهم بيضه ..

    وبعدين على شنو استقيل ؟!! الامير يقولى اجل الموضوع وانت تبينى استقيل !! خلك منطقى ...
     
  14. فوّاح

    فوّاح بـترولـي نشيط

    53
    0
    0
    الاحترام مو شرط يكون حاضر سعادة الباشا
    الاحترام يكون بالاراء بالافكار بالقرارات بالفكر بالعمر بالاخلاق
    وحاشا لله ، الله يخليك لا تسوي بلبلة ترى ما كان قصدي بالاحترام الشخصي يعني (محترم ولا غير محترم) او قلة ادب ، لا تفسر الموضوع على كيفك
    قصدي باتخاذ القرارات وبحكم ان بمرسوم اميري تم تعين رئيس مجلس الوزراء ليدير الوزارات ومجلس الامة ويشوف متطلبات الشعب وغيرها كثير ،
     
  15. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
  16. زهرة التوليب

    زهرة التوليب بـترولـي خـاص

    القهر مو جذي

    القهر ليش اعتمدوها بالاساس دام انها مو بالخاطر ؟؟

    ليش يعشمونا بشي ماراح يصير ؟؟

    وبعدين اغلب قطاعات الحكومه رواتبهم صارت احسن من رواتبنا
    واحنا اللي دواماتنا تغث وساعات العمل شطولها
    والمعاشات صارت داون
    لأن الكل زاد واحنا قاعدين نتفرج
    وغير جذي ال50 دينار حاشت القطاع الحكومي مرتين الا احنا ؟؟؟
    وما تكلما مع ان المفروض حالنا حالهم

    لكن الشكوى لله
     
  17. فوّاح

    فوّاح بـترولـي نشيط

    53
    0
    0
    اذا الشيوخ ابخص ما لا داعي هالمشاركات وفاتحين منتديات وهذره وسوالف وهذا قال وهذا سوى ومعورين قلوبنا ، واقعد ببيتكم احسن

    واكرر مو قصدي الامير "طال عمره"
     
  18. Instrument

    Instrument بـترولـي نشيط جدا

    339
    0
    16
    Instrument
    K.O.C


    الشكوى لله يا زهره
     
جاري تحميل الصفحة...

مشاركة هذه الصفحة