تعداد الشعب الكويتي

الكاتب : 1980 | المشاهدات : 1,964 | الردود : 13 | ‏31 أغسطس 2009
  1. 1980

    1980 بـترولـي نشيط

    السلام عليكم ورحمة الله وبركاته :


    اخواني / اخواتي


    الكويت بتاريخ 31/8/2009 <<<< 2009

    وليس سنة 1989 صح

    يعني من الطبيعي ان الشعب يزداد بصورة ملحوظه ولكن نرى ان الشعب تعدى المليون نسمه

    وصل تعداده مليون و10 الاف كويتي

    يعني ببلد صغير مثل الكويت اكيد هالتعداد يشكل خطر بالنسبه

    1- الوظائــف .

    2- الرفاهيه .

    3- السكن .

    4-الازدحام المروري

    5- عدم الاهتمام بالمواطنين بسبب كثرة عددهم ؟

    والكثير من الاسباب تؤديها زيادة الشعب

    فنلاحظ بسنة 2001 كان التعداد للكويتيين 730 الف كويتي

    وزاد بصورة مطرده



    وهذا
    التعداد السكاني لدول الخليج العربيه

    الـكـويـت: 1,010,493 مليون وعشرة الاف واربعمائة وثلاثة وتسعين نسمة

    السعوديه : 34,356,353 اربعة وثلاثين مليون وثلاثمائة وستة وخمسين

    البحرين : 749,484 سبعمائة وتسعة واربعين الف واربع مائة واربع وثمانين نسمه

    قطـر : 850,420 ثمنمائة وخمسين الف واربعمائة وعشرون نسمه

    الامارات : 1,204,542 مليون ومئتان واربعه الاف وخمسمائة واثنان واربعون نسمه

    عمان : 4,853,843 اربعة مليون وثمنمائة وثلاثة وخمسين الف وثمنمائة وثلاثة واربعين نسمه



    واتمنى التعمق بالموضوع وبحث كل


    الايجـــــابيـــــــــــات والـــــــــســــلبــــيــــات : ؟؟
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    عليكم السلام و رحمة الله و بركاته

    أخي الكريم 1980 ،

    أخي الكريم 1980 تحية مني لك ،

    أعتقد و الله أعلم بأن :
    الطفرة في عدد السكان بسبب التجنيس و القوانين التي تسمح للزوجة بحق التجنس بعد بضعة سنين
    أما بخصوص القضايا الاخرى و أقصد بها إلتزامات الدولة تجاه هؤلاء أقول بأن المشكلة ليست في الموارد
    و لله الحمد و لكن المشكلة في طريقة الإدارة و توسعة مصارف الإنفاق و التخلي عن سياسات التنفيع ،
    و التركيز على توجيه الإنفاق في قنواتها الصحيحة
     
  3. 1980

    1980 بـترولـي نشيط

    التجنيس و القوانين التي تسمح للزوجة بحق التجنس بعد بضعة سنين


    -نعم هذا السبب اللي زاد عدد الشعب -- تخيل فلبينيه يتزوجها كويتي وبعد سنتين او ثلاثه تأخذ جنسيه تقول بابا انا هرمه كويتي :(



    والحمدلله اكيد ليس نقص بالموارد ولكن نقص في الادارات

    لأن اذا زاد عدد الشعب بالطفره هذي لازم ( مستشفيات جديده - توسعة طرق- مباني -مساكن للمواطنين ووو ووو و وو وو الـــخ ....

    وان يتخلوا عن التنفيع لأنه اولا واخيرا ما راح ينفع الدوله ولا الشعب


    وكل الشكر لك اخوي عبدالله على مرورك الكريم


    نورت الصفحه بمرورك


    لك جزيل الشكر


    ومع السلامه
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اخوي انا اشوف انه عددنا جدا قليل نسبة الى موارد الكويت و اعقتد انه المواطن الكويتي ما يعاني من نقص المادة بل مصدر معاناة امور اخرى مثل الصحة و التعليم و السكن ( مشكلة السكن معقده جدا ) .
     
  5. 1980

    1980 بـترولـي نشيط

    اخوي انا اشوف انه عددنا جدا قليل نسبة الى موارد الكويت و اعقتد انه المواطن الكويتي ما يعاني من نقص المادة بل مصدر معاناة امور اخرى مثل الصحة و التعليم و السكن ( مشكلة السكن معقده جدا ) .

    هلا والله

    شركه :)

    عدل كلامك الحمدلله النفط موجود

    يعني لو نقسم انتاج الكويت يوميا على عدد المواطنين
    يطلع لكل كـــــويــــتــــي برميلين يوميـــا


    والحمدلله يعني هالمليون لو نقارنهم بالشعب السعودي ولا المصري ولا المغربي ولا شئ




    بس اكيد في مشاكل مثل الصحة و التعليم و السكن ( مشكلة السكن معقده جدا )



    السكن يقولك الكويت فيها نفط وين نبني :)

    بس الحمدلله يعني كل امور الراحه والاستقرار متوفر


    واغلى شئ يملكه الأنسان هو ( وطــــن مــــعطــــاء )



    مثل ( وطـــــــــــــــــــــــــــــــــــــــــن الــــــــــــــــــــنــــــــــــــــــــهااااااااااار )
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني


    العفو شكرا
     
  7. reznama

    reznama بـترولـي مميز

    آنا من رأيي الشخصي .. تحديد النسل ..

    علشان لمن نمرض ونروح المستوصفات .. لا يكون جدامي عايله كامله داشين على الدكتور ويزرعونا بره عشر ساعات علشان يعطي علاج حق واحد واحد فيهم .......!!

    يعني آنا معلــّمه ..

    الله يسلمكم عندي تلميذات .. ماشاءلله تبارك الرحمن .. والدهم متزوج (( 4 )) وبكل مرحله عندي بنتين .. بس بسنه رابعه عندهم إخت وحده .. أتوقع اللي بعمرها ولد وبمدرسه ثانيه :) :)

    أوكي الشرع حلل أربع .. بس مو إتييب عشرتعش بني آدم في البيت ..!!

    يعني والله تلميذتي تقولي .. أبله لمن أدخل بيتنا إزعااااااااااااااااااج .. أقولها ليش ؟

    تقولي أبله إحنا عددنا في البيت 28 بنت وولد ..................!!! @@

    وفعلا يوم فتحت ملفها وإلا نفس ماقالت البنت ..

    طيب ليش ؟

    (( كله أتخيل حياتهم .. بالجمعيه جم عربانه ساحبين ؟ .. بالسياره لمن يروحون المدارس أتوقع سيارتهم بو طابقين !! ))

    هههههههه

    يلا ما عليه .. الله يهنيهم

    بس عن جد .. يجب أن نفكر جيدا في تحديد النسل ..

    والسلام عليكم ورحمة الله وبركاته

    التوقيع : رزنامة 2009 ;)

    ..
     
  8. البندري

    البندري بـترولـي نشيط

    115
    0
    0


    الله يرزق أبوهم كل خير

    و يحفظهم له

    ما شاء الله
    :)
     
  9. عبدالله النفيسي

    عبدالله النفيسي بـترولـي نشيط

    ان شاء الله يصير 20 مليون مو مشكله


    ترى المشكله


    ضعف الحكومه اللي تضيع الشعب

    ولا الشعب خله يزيد

    ترى قبل لما كان عددنا على قولتك نص مليون

    كان الفلسطيني شايخ على الكويتي

    ويهينه لأنه اعلى منصب منه

    ويتفلسف عليه

    فا خل الشعب يزيد ويمسكون الادارات ويغطون عليها الكويتيين

    والكويت عمرها ما قصرت مع احد سواء اعيالها ولا غير اعيالها


    وبالتوفيق للجميع

    مع الشكر
     
  10. المعلمة المتميزة

    المعلمة المتميزة بـترولـي مميز

    945
    0
    0
  11. 1980

    1980 بـترولـي نشيط

    اكثر شي صدمني ان عدد المواطنين السعوديين زاد 18 مليون في غضون 20 عام !
    من 12 مليون الي 30 مليون !!
    اي بمقدار مضاعف جدا جدا ؟؟

    وهي من اعلى النسب المرتفعه في تعداد السكان حيث بلغ رقمهم في كشف الامم المتحده رقم 32

    فيما الكويت بلغت رقم 405 في تعداد السكان

    اي نسبه منخفضه جدا من حيث تعداد الشعب

    لان الشعب الكويتي زاد في نفس الفتره ( 20 سنه ) من 600 الف عام 90 الي مليون ومئة الف وفق تقديرات عام 2010
    اي زاد بمعدل الضعف مع انه نادر تحصل واحد متزوج اكثر من واحده
    فيما الشعب السعودي يتزوج بكثره اكثر من واحده وخصوصا في القرى

    اذا المبالغات التي قيلت حول الانفجار السكاني الكويتي هي تهويلات لا اكثر . وان المجتمع الكويتي بات اكثر وعيا واكثر تحضر في نظرته لزيادة النسل من مجتمعات خليجيه مجاوره !


    فأكيد تعداد الكويتيين قليل جدا

    اي كل 20 سنه يزداد العدد للضعف في ظل الامكانيات الموجوده والفوائض العاليه في الكويت
     
  12. 1980

    1980 بـترولـي نشيط




    لان الفلسطنيين كانوا تقريبا 500 الف قبل الغزو

    الكويتيين 600 الف في1990/COLOR]
     
  13. تايتنك

    تايتنك بـترولـي خـاص

    1,239
    0
    0
    لازم نسوي مثل الصين كل عائلة واحد او اثنيين
     
  14. سكيورتي بترول

    سكيورتي بترول بـترولـي جـديـد

    47
    0
    0
    الله يعطيك العافيه على الموضوع الجميل



    بوجه نضري التركيبه السكانيه هي سبب مشاكل الكويت كلهااااااااااااااااااااااا مرور بنيه تحتحيه المرافق العامه المولات الوزارات المدارس التعليم الصحه كل كل كل كل شي هم سببه الوافدين



    اما عن عدد الكويتيين


    لعملك الخاص



    اضعف دوله نمو سكاني بالعالم هي الكويت



    عدد الوفيات اكثر من المواليد


    واكثرها العزوبيه والطلاق وحوادث السيارت اللي تحصد اعداد المواطنين سنويا الله يحفضنا وياكم من كل شر




    وتقبلو تحياتي
     
جاري تحميل الصفحة...

مشاركة هذه الصفحة