عيال الهيلق

مو بس يقولون عيال الهيلق .. لالا

الحين موديل يديد .. طالعين بسبّات ثانيه

قبل لي بغوا يسبون الشخص يقلبونه بهيم " عزكم الله "

بس بزمنا الحين اذا يبون يسبون شخص يعايرونه بأصله ..

مثال :

يا ولد المصريه .. إسكت إسكت لا أسفرك <-- الأخ شايف نفسه كبير في البلد ..اللي يبي يسفّر الناس !!

يا ولد السوريه .. <-- السوري الله خالقه .. مو بني آدم بعد ؟

روح وح يالبدوووووووووووون <-- مسكين شيسوي .. إذا أهو بني آدم وإنهظم حقه بسبب السياسه المتبعه ..!!

يالإيراني <-- هذي واد إتضحكني بصراحه .. إتحسسني بتفاهة الناس لمن كل واحد يشوف نفسه كبير وأهو أصغر من الحشره

يالعراقي <-- شنو ذنبه إن رئيسه صدام ؟

..

هالأمور إتصادفنا يوميا وبكل مكان ..

غرور .. تكبر .. على شنو ؟

آخرتك بتموت .. ويلفونك بكفن أبيض .. حالك حال المصري والسوري والبدون والخ ...

يعني ترى مو احسن منهم

الإنسان بعمله وأفعاله الطيبه

الشخص لو كان فقير بس كرامته وعزة نفسه ترزّه

ومهما بتكلم ماراح أخلص

وآنا اللي بتطيح إيدي من الكتابه .. والناس بتقرا .. وبس .. مجرد قراءه .. من دون تطبيق ..!!

وسلامي للجنسيه ..

ولا تنسون إن الكويت تكونت من خليط الدول المجاوره ..

" وجهة نظر .. ما منها ضرر "

 

فديتك على هالمقال

و سلملي على بنك الخليج خالفوا قوانين البنك المركزي و ضاربوا بفلوس الناس و خسروها و يت الحكومة و دفعت عنهم مليون مو وايد لا و ابشرك ضلوا ماسكين البنك و لا كأنه صار شي : )

 

القصد من الهيلق مو مثل ما ذكرت اخي الكريم

الهيلق/الهيلقي حاليًا تعني: الهمجي ، اللي ما يعرف السنع أو الذرابه

لكن ما عمرنا سمعنا ان شخص يتكلم عن الهيلق ويقول سحبوا جناسيهم!!

لأن بالاول والاخير هذا يعتمد على التربية

 

صح نسمع بهالشي لكن لا يعمم مو كل عيال بطونها على قولتك اخوي يطالعون غيرهم نظرة دونية .... ناطرة منك

ابداعات اكثر عندك عنصر تشويقي في الكتابة


تقبل مروري اخوي

 

من يخاف الله ، لا يسرق
لا يستكبر و لا يلمز الآخرين
لكن عندما تختلط المفاهيم و يقل الإحترام يحصل ما ذكرت يا 1980
و لا نعمم على الجميع فهناك عكس هؤلاء تماما و لو خليت خربت
شكرا لك على الموضوع 1980 ،

 

أول وتاَلي ملفوف بغماَش ((ياعبدالله)) حتيش تجمـع من المال حتيشّّّّ

الكبر لله الواحد الغفاَر

الله يرزقهم ويرزقناَ معاهم ... <-- يحلم ملياردير


قال رسول الله (ص) .. @
اًَللهم أحيني فقيرا و امتني فقيرا و احشرني فقيرا واحشرني في زمرة الفقراء

أخوي مايعيب الأ المعيوب ..
خلناَ ساكتين وصامين حلجونا أحسن

 

موضوع جميل أخوي لكن يبدو ان خانك التعبير ( حبتين )

الله يسلمك خليت كل الكويتيين ( مغرورين - ما يخافون الله - حراميه - ماكو ذمه ) !!! شدعوه !!


الهيلق هيلق بعد الله يسلمك ! واهي ما تنقال عن اشخاص معينين ! تنقال عن اللي سلوكهم مو زين ! وفي منهم وايد ! ليش ننكر يعني !


عفوا أخوي بس ودّي اعرف انت قاعد تتكلم بلسان منو ؟ لأنك قاعد تتكلم بصفة المظلوم لا مو المظلوم المقهور اللي ماله حق كللللللش !!!!

أو والله العظيم ما شفت شي بديرة الخير الكويت يخلي فئة تتكلم جذي غير البدون ! وشخصيا ومع احترامي الكبير لهذه الطبقة .. أرى انهم يستاهلون .. تدري ليش ؟ لأن أغلبهم .. خاشين جناسيهم الأصلية .. يا أخي هذي من مشكلته !؟

وأكيد إن البدون مو فقع يعني ...

مادري شبقول الموضوع وايد كبير وتوه أذن المغرب ! بروح أفطر وأصلي وتقبل الله طاعتكم !!!


عموما ...


لننتقد بعقلانية ...

ولنبتعد عن الحسد ...

ولنخدم البلد ...

مو أي بلد ...

الكويت


تاج راس الجميع

 

يبسط رقي بالقايله حرر مووووت .. وخأش جنسيته ؟
يتوظف معاشه 150 دينار وصبح وعصر .. وخأش جنسيته ؟
متعب نفسه وحالته حاله .. وخأش جنسيته ؟

!!

 

إي خاش جنسيته

أكيد إن مو نبت شيطاني ! ولا فقع !!

من وين يو عيل ؟

لا ولا تدري ؟ يمكن نسوا يطلعون جناسي ! راحت عليهم نومه !

القصة المستهلكه !!!!

أخوي في بنغاليه يحطون بسطات ويبيعون يكرم السامع دلاقات ! أو قحافي ومادري شنو ! أخاف عقب عشرين سنه يقولون بدون !!

أو في عمانيين اش كثرهم ما شاء الله ايون يبيعون حلوه ! وسعوديين يبيعون فقع بالشتا ! لا يكون كويتيين وآنه مادري !

لازم حل جذري لمشكلة تفجّرت بعد الغزو بشكل غريب الا وهي قضية البدون !

ليش ما كنا نسمع مشاكلهم قبل الغزو بهذه الطريقة !! سؤال تبادر إلى ذهني ...

وبالنهاية يا أخوي آنه ما همني شي ..

المهم مصلحة الكويت ... وراحة المواطنين ... ويا ريت نسوي شي حق الكويت أحسن من الكلام اللي لا يودّي ولا اييب ..

احنا بنعمه وخير .. سواء كمواطنين .. حتى المقيمين .. عايشين بأمان .. ورفاهيه يحمدون ربهم عليها ... بس ابن آدم طماع .. وما يترس عينه الا التراب ..

كلمة للكويت : دائما أرددها

ترابج احنا نبوسه

لو يحصل ما ندوسه

يالله عساج محروسه

يا ديرتي يا كويت

 

الشرهه على نواب المناطق الخارجيه على قولتهم المفروض منهم يقفون في حلق كل واحد متنفذ ولا يسمحوا لاي شخص يمس ناخبينهم بكلام سافر وجارح ويضعون قوانيين تجرم وتعاقب من يميز او يجعل الكويت طبقات

 

و الله اخوي انا اخالفك الرأي بأنه معظم البدون خاشين جناسيهم هالكلام مو صحيح لانه الكثير منهم عنده اثباتات تؤكد وجوده بالكويت قبل قانون الجنسية و الاذية اللي قاعدين يتعرضون لها لسنوات طويلة تخلي اي انسان يطلع جنسيته اذا كان عنده جنسية ثانية ....

بيانو هالفئه مظلومة بما يكفي من الحكومة ما يصير نكمل عليهم ....

 

صح كلامك مو كلهم .. معظمهم .. يعني 99%

 

الاسئله :

1- ليش الهوامير يبوقون ويترسون ارصدتهم بالمليارات واذا طالبنا بأسقاط فوائد القروض قالوا ( اذونا اعيال الهيلق ) ؟

لآن جهنم تقول هل من مزيد ؟


2-ليش هالنظره الدونيه لأهل المناطق الخارجيه ( يقولون عننا ويدعون انهم كويتيون ) ؟

لأن أصحابها يمتازون فيها


3- ليش الواحد فينا اذا خذا اسطبل ولا جاخور غنم ريحته خايسه ( يقولون اي هم انتوا تبوقون )؟

كل إناء بالذي فيه ينضح


تشكرات 1980 على الموضوع

 

والله يا جماعه هذى سوالفنا الناس وصلوا
شوفوا البحرين والامارات وقطر الله يغنيهم راحوا فوق وانتوا هذا كلامكم
تدرون ليش القلوب مو نظيفه
الله يصفى القلوب
للحين عندنا ناس هذا منوا ولده وهذا منو ولده ويسب فلان وعلان وهو لو تسال عن ابوه والا جده محد يعرفه
وعندتا امثله مثل الصرعاوى والجويهل وغيرهم
يا جماعه صفوا القلوب بس والله يرزقكم