فرق بين الكويت وقطر ؟

الكاتب : عبدالعزيز الحجرف | المشاهدات : 2,473 | الردود : 12 | ‏27 أغسطس 2009
  1. ذبحونا بقطر .. زادو المعاشات غيروا الشوارع بنوا عمارات سوو مطار



    احنا شكو !


    ليكون على بالكم بنقارن الكويت بقطر!!



    غلطانين حدكم يا كويتيين ..

    حنا فينا مرض (( مطالع غيررررنا ))

    شوفوا قطر قبل سنة 1996 شنو كانت ؟؟؟؟

    كأنها منطقه وليست دوله

    وانا لا اعني التهجم عليها

    ولكن دوله خليجيه والنعم بأهلها

    بس لدرجة توصل ان في كويتيين وهم ليسوا كويتيين الا بالبطاقه المدنيه يقولون ( نبي نتنازل عن الكويتيه ونأخذ جناسي قطريه )

    من راقب الناس مات هما



    يبه الكويت مدخولها القومي يفوق قطر بدبلات! .. ومخزونها النفطي يفوقها بأشواط .. وإحتياطيها المالي يطوفها بسنين ..


    وعندنا غاز .. في الشمال




    على شنو كل فتره قطر زادت احنا شكو!!



    الله يزيدهم ..



    يبه احنا دوله .. عرفنا النعمه من عمر

    يوم القطرريين كانت بيوتهم دور واحد و وانيتات وشعور طويله ايام الثمانينات

    كانوا الكويتيين يوصلون لحدود كـنــدا
    دولة مؤسسات


    وبعدين الرواتب متقاربه جدا

    لأن القطري اللي معاه شهاده ثانويه يتوظف بالقطاع النفطي معاشه 12 الف ريال يعني الف دينار كويتي

    والسكيورتي معاه شهاده ثانويه بالكويت معاشه الف دينار >>> ماكو فرق

    والمعلم في قطر يأخذ 11 الف ريال طبعا الاعزب والمدرس الكويتي الاعزب يأخذ 850 نفسه واعلى منه بعد

    ومعاشاتهم بالقطاع النفطي من مساعدي مهندس ومهندسين من 20 الف يعني الف و500 وانت طالع والكويتيين مثلهم

    والمهندس بقطر يأخذ 25 الف قطري يعني 2100 كويتي والمهندس الكويتي يأخذ 2500 دينار كويتي


    شايفين خير يعني ماله داعي "التبصبص"

    بس ناس ( مشفوحه ) مو مصدقه على الله

    واذا راده على الشعب ترى شعبنا مليون نسمه وهم 760 الف نسمه يعني فرق 240 الف

    وشوفوا الادارات ومدراء الادارت هناك كلهم فلسطن واردنيين

    >>>>مثل ايام الكويت بداية الثمانينات

    يعني للحين بدوا بمرحلة الكويت تعدتها بأشوااااااااااااااااااااااااااااااااااااط وسنـــــــــــــــيـــــــــــن

    والله يديم عز الــكـــويــــت

    وترى النـعـمـــه زوالـــــه

    ولكم كل تقدير واحترام


    ملاحظــه : الجنسيه القطريه ( ظابط مخفر يسحبهــا على قضيه عاديه ) وانتوا قيسوها على باقي القضايا والمشاكل)

    ومثل ما شفنا سنة 2005 شلون انطردوا اهل البلد الاصلي ومنهم ظباط كبار في امن الدوله القطري ورجال ومناصب كبيره

    وتم تجنيس اللاعبين


    000000
     
  2. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    جان زين الناس تقنع ، عموما انا افتخر اني بنت هالديرة الطيبة


    مشكور بو سعود على الموضوع
     
  3. هلا فيج اختي انوار

    القناعه كنز لا يفنى


    بس هالناس ما يترس عينها الا ( التراب )

    وكلنا نفتخر اننا كويتيين

    وان مهما صار وراح يصير

    لسانا ما ينربط وما يتهدد مصيرنا بين يوم وليله بسحب الجنـسيـه

    الحمدلله حنا بديرة الخير والديموقرراطيه
     
  4. Gags

    Gags بـترولـي جـديـد

    48
    0
    0
    اخي العزيز
    كلنا نفتخر انا كويتيين والكويت لو تلف الدنيا كلها ماراح تحصل مثلها الله يحفظها ويكفينا شر هالعالم بس لو تسمحلي ودي اعقب على كلامك اللي انا ظللته بالاحمر "المفروض وماله داعي انه ينكتب" لان عمري ماشفت احد يمدح قطر ولأنك انت اللي كاتب مايصير انت بنفس الوقت تنتقد يعني تنتظر الناس تنتقد او تأيد صح ولا انا غلطان؟
     
  5. العجمـي

    العجمـي بـترولـي خـاص

    1,857
    0
    0
    سـر
    kuwait
    والله من رايي الموضوع ماله داعي..
    والحمدلله اهل الكويت بنعمه ..
     
  6. Gags

    Gags بـترولـي جـديـد

    48
    0
    0
    اللهم لك الحمد والشكر والله لايغير علينا
     
  7. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    هذاك اول يوم كانت الكويت يسمونها عروس الخليج كان الواحد يتباهى بأنه كويتي لكن كلمة الحق تنقال بعض دول الخليج تغيرت واصبحت تنافس بقوه
     
  8. Gags

    Gags بـترولـي جـديـد

    48
    0
    0
    وستظل الكويت عروس الخليج والعالم رغم الظروف القاسيه االماضيه والحاليه

    يااااااااحلوج رغم علاتج نحبج ونفتخر ونتباهى فيج وماراح نلقى احلى منج بهالعالم
     
  9. FOX70

    FOX70 بـترولـي مميز

    والله مسكينة الكويت
    ما يموت فيها الفقير
    بس مع هذا مذمومه والكل يطمع فيها
    والله حافظها انشالله
    الله يعزك يا كويت
    ويعز حكامها وشعبها
     
  10. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
  11. Q8 BO HAMMOD

    Q8 BO HAMMOD بـترولـي نشيط

    128
    0
    0
    السلام عليكم جميعا...
    الله يحفظ ديرتنا الكويت من كل مكره.. ويديم النعمه اللي احنا فيها..اللهم امين..
    وبعدين اخي العزيز احنا كلنا خليجين واخوان..لكن الشرهه علي حكومتنا..
    بنت محطه كهرباء في الاردن اللي اوقفت ضد الكويت ايام الغزو الغاشم..وبنت محطه ثانيه في بيروت..وثالثه في ولايه امريكيه..وبدال لا تبني محطه جديده في ديرتنا اللي اهيه اولا ..اتطالب قطر بنصيب من الكهرباء الفائضه عندها..وبالاخر ارفضت قطر..
    هذا القهر بعينه احنا علي قوه ميزانيتنا كدوله والنفط الفائض ما نقدر نعمر ديرتنا.خيرنا براااااااا للاسف..شي يقهر..
    وبعدين انت اتقول عندنا غاز بالشمال..هذا للاسف كلام اعلام فقط..الغاز بالكويت هو غاز مصاحب وليس غاز حر..
    واخيرا.. الله يهدي حكومتنا ..وانشالله اتسنع ..ومتي ما صارت حكومتنا قويه وما فيها بوق وحسد..راح اتسنع ديرتنا..واخيرا اقول ارفع راسك انت كويتي.............
     
  12. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا يا ولد الحجرف على الروح الوطنية العالية

    انا معاك قلبا و قالبا بأن الكويت ليس لها مثيل بالنسبة لنا

    و الكل يحب وطنه و لا عيب في ذلك

    نحترم قطر و شعبها الطيب و كل شعوب منظومتنا نحن دول الخليج العربي

    و قد أعجبني هذا البيت أسوقه هنا :

    وطني لو شغلت بالخلد عنه . . . نازعتني اليه بالخلد نفسي
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    رد على كاتب الموضوع ... نعم شفت ناس يقارنون بين الكويت و الدول الخليجية و يمدحونها لكن عدد قليل بالنسبة للكويتين اللي يحمدون ربهم و يشكرونه على انهم كويتين .... من الناحية الماديه الكويت مو مقصرة مع عيالها و من ناحية ثانية عندنا ديموقراطية لدرجه ان كل يوم و ثاني وزير صاعد المنصة يدافع عن نفسه .

    خلاصة الكلام الغالبية العظمى من الكويتين يحمدون ربهم على نعمة المواطنة و اللي يتمنى يكون مواطن لدولة ثانية حالات فردية لا تذكر : )
     
جاري تحميل الصفحة...

مشاركة هذه الصفحة