الخفجي او شركة نفط الكويت الاحمدي ؟

الكاتب : Bos3ayd | المشاهدات : 2,602 | الردود : 11 | ‏26 أغسطس 2009
  1. Bos3ayd

    Bos3ayd بـترولـي مميز

    523
    4
    18
    يعطيكم العافيه يا جماعه ، بغيت وجهة نظركم في موضوع الا وهو ، انا موظف جديد بالخفجي دائرة الانتاج في قسم السيرفر ، الشغل مو ذاك التعب لكن ولله الطريق و الحدود مشكلة ، حصلت لي وظيفة في ال كي او سي لكن شي طبيعي انه الراتب اقل ب 400-500 دينار على الاقل ، انا بصراحه اشوف انه الفرق كبير من الناحيه الماديه ، لكن بنفس الوقت افكر لي جدام ، يعني الداوم بالاحمدي ياخذ معاي 10 دقايق اذا مو اقل بالسياره اما الخفجي ياخذ الطريق ساعه اذا مو اكثر اذا حاشتنا زحما على الجوازات.

    شرايكم بوضع الشركتين كمستقبل ، انا عزابي حاليا لكن افكر اتزوج قريب واخاف الوضع بالخفجي يتأزم مع الوقت ، الي عنده خبره ياليت ينورنا :) ويعطيكم الف عافيه مقدما .
     
  2. demos

    demos بـترولـي جـديـد

    22
    0
    0
    مهندس
    الكويت
    اولا ما هو قريدك وكم سنة خبرة؟
     
  3. جابر

    جابر قــلــم بــتــرولــي أعضاء الشرف

    أفتى قلبك وإن أفتوك

    إذا الأحوال ظلّت على ماهى عليه بالخفجى ..وما فيه شى أكيد إنها راح تتغيّر للأحسن .:mad:.

    رأى الشخصى

    ..إذا إنت جامعى ..الكويت مستقبلها أحسن و 400 دينار الفرقيه ..منها 80 دينار راح تروح بنزين سيارتك .:eek:.ووجودك داخل الكويت وبحماية الأتحاد والقوانين الكويتيه أفضل مكسب ...ونظام الترقيات أفضل بكثير وأسرع ..

    لكن إذا أنت شهادتك ثانويه ..أعتقد الخفجى أفضل ..والراتب والمميزات أفضل على المستوى البعيد ...

    نقطه لاتنسى : دوامك الفعلى بالخفجى تقريبا 12 ساعه يوميا ( 8 ساعات عمل + (3-4) ساعات طريق))

    بالتوفيق
     
  4. Bos3ayd

    Bos3ayd بـترولـي مميز

    523
    4
    18
    قريد 9 اخوي :) دبلوم
     
  5. Bos3ayd

    Bos3ayd بـترولـي مميز

    523
    4
    18
    ولله ياخوي حيرتني ، انا انشالله بنطر لين اشوف العقد الرسمي مال ال كي او سي واقرر ، الله يكتب فيه الخير وشاكر لك مرورك :)
     
  6. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    والله انا برايي الكي او سي افضلك
     
  7. skyline

    skyline بـترولـي جـديـد

    37
    0
    0
    السلام عليكم
    الله يوفقك اخوي وما شاء الله انت انقبلت في احسن شركتين بالقطاع النفطي
    والله موقفك صعب لان الشركتين اوكي
    من ناحية الطريق دربك بالخفجي واحد ما يتغير بس بالكي او سي تدوير ولا تنسى الروضتين طريقك ساعتين رايح وساعتين راجع
    وبالنسبة للراتب تقول 400 مو شوية
    ولا تنسى ان نفط الكويت داخل الكويت يعني القانون المطبق هو القانون الكويتي وهذا افضل من عمليات الخفجي

    والقرار راجع لك بالنهاية شي يحير

    الله يوفقك
     
  8. مشغل خفجاوي

    مشغل خفجاوي بـترولـي جـديـد

    16
    0
    0
    اسمع يابوسعيد

    خلك بالخفجي ولا تفكر مجرد تفكير بلكي او سي
    ياخي شغلات واجد تفرق معاك واجد غير ال 500 دينار مع انه فرق موبسيط وهذا وانت عزوبي بكره ان شاء الله لاتزوجت بصير الفرق مو اقل من 700 وهلمبغ بروحه معاش
    لاتنسى ياحبيبي القرض السكني ترا ماكو بلكويت
    لاتنسى ياحبيبي البونص السنوي + الي من الكويت
    لاتنسى ياحبيبي الترحيل ( تذاكر سفر من الخفجي)+ الي من الكويت
    لاتنسى ياحبيبي العلاج بلمستشفيات الخاصه
    لاتنسى ياحبيبي الزياده السنويه الي مسحيل تحصلها بلكويت
    لاتنسى ياحبيبي الدورات الخارجيه ترا ماكو مقارنه بين الي بلخفجي والي بلكويت
    والاهم يابوسعيد في شي اسمه حقوق نهاية الخدمه الي بلبيت النازل فيها مليون ومليون ونص اذا مو اكثر . ترا هشغله جدا جدا مهمه هذا اذا ماحاشك باكيج وبدون الادخار الي بنهاية خدمك يندبلك المبلغ ترا ماكو بلكويت
    بوسعيد
    من الآ’خر
    مثل ماقلتلك بلبدايه لاتفكر مجرد تفكير بلكي اوسي
    والله اني ناصحلك وانت حر
    ياخي اذا عندك واسطه العمليه شوفلك مكان انتقله بلخفجي من هلأماكن الي اهلها مايعرفون الدوام شلون صاير
    وعيـــــــــــــــــــــــــــــــــــــش
     
  9. skyline

    skyline بـترولـي جـديـد

    37
    0
    0
    ]مساكم الله بالخير
    يا بوسعيد مثل ما قال لك مشغل خفجاوي الله ينور عليه ذكر لك مزايا نسيتها انا
    ولك الإختيار بس فكر عدل قبل ما تتخذ اي اجراء
    والله الموفق
     
  10. Bos3ayd

    Bos3ayd بـترولـي مميز

    523
    4
    18
    الله يعطيكم العافيه على الردود وسامحونا اذا كلفت عليكم :) اخص بالشكر اخوي مشغل خفجاوي ماقصرت و بيض الله وجهك :)

    تحياتي لكم
     
  11. speed-way

    speed-way بـترولـي نشيط جدا

    انا اقول يا خوي اذا تقدر خلك بالخفجي واذا تبي تتنازل عن الامتيازات مثل ماقال اخوي مشغل خفجاوي خلك بالكويت وتقبل مروري
     
  12. مشغل خفجاوي

    مشغل خفجاوي بـترولـي جـديـد

    16
    0
    0
    هلا بوسعيد

    وجهك ابيض
    والساعه المباركه
    والله يوفقك
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,295
  2. SonMubarak989
    الردود:
    2
    المشاهدات:
    7,171
  3. SonMubarak989
    الردود:
    3
    المشاهدات:
    11,943
  4. SonMubarak989
    الردود:
    37
    المشاهدات:
    4,358
  5. المحرر النفطي
    الردود:
    0
    المشاهدات:
    474

مشاركة هذه الصفحة