هل تتوقعون تاجيل المدارس

الكاتب : السراب الرحال | المشاهدات : 616 | الردود : 7 | ‏26 أغسطس 2009
  1. السراب الرحال

    السراب الرحال بـترولـي نشيط جدا

    373
    0
    0
    :يا جماعه تتوقعون تاجيل المدارس مثل سلطنة عمان اجلوها 4 شهور يعنى هم يخافون على عيالهم :mad:
    وعيالنا مانخاف عليهم شنو ابطال للدرجه انه نخلطهم مع المرضى ولو تلاحظون عيال المدارس الابتدائى والمتوسط كلهم متان يعنى انفلونزا الخنازير تربع فيهم :D
    وام اعلنوا ان مافى لقاح الا بعد شهر اكتوبر يعنى من شهر 9 الى شهر 10 كم تتوقعون الاصابات والوفيات لا سمح الله بين الاطفال
    وانا اشوف الكل يقول ما نبى نودى عيالنا للمدارس
    نبى نسوى استفسار بين الشباب والشابات ما ننساهم طبعا
    شنو مصير عيالنا مع المدارس والمرض وتعرفون الشهور اللى جايه شهور الخريف والشتاء يعنى الانفلونزا تتنتشر
    والله يستر علينا وعلى عيالنا وعلى المسلمين فى كل مكان
    شاكر لكم
     
  2. ابو طلال

    ابو طلال بـترولـي نشيط

    50
    0
    0
    الكل بيغيب حتى يصل اللقاح
     
  3. AD-01

    AD-01 بـترولـي خـاص

    1,040
    2
    38
    تتوقع اذا تم تأجيل الدراسه (نفس عمان) راح تنحل المشكله ؟

    اقصد هل عيالنا راح يقعدون في البيت وما راح يخالطون احد ؟؟

    في امريكا وكندا طلبت الجهات الرسمية من اولياء الامور تطعيم الاطفال ضذ انفلونزا الخنازير في اول يوم دراسه واذا حاشت احد من الاطفال اي نوع من الانفلونزا فواجب عليه يقعد في البيت وما يخالط احد لمدة اسبوع (لين يطيب)

    في المكسيك ( مصدر مرض انفلونزا الخنازير) حطوا حظر تجول لمده 10 ايام وعطوا عطله لجميع الجهات الحكومية وبهالطريقه تم القضاء على الوباء بالمره !!

    مجلس الامه الموقر يطالب بتأجيل الدراسه وبدون اى خطه حكومية بس نبي عطله والعذر خايفين على عيالنا .. احنا ما انقول (خلها على البركه) بس بدال ما انأخر الدراسه بدون داعي و(نتخلف) سنة بالتعليم عن خلق الله بالدول اللي حوالينا .. حط عطله مدتها 10 ايام تبدي من يوم معلوم والزم الناس ماتطلع من بيوتها وهذي تكفي انها تقضي على اي انتشار للمرض (اذا فعلا ننشد المصلحه العامة)
     
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    على الاقل يأجلون الدراسه لين يكون عندهم لقاح او خطه لمكافحة المرض
     
  5. reznama

    reznama بـترولـي مميز

    وبما إن ألحين موسم شراء للعيد

    يعني الناس صاروا في زحام شديد في المجمعات

    وأعتقد المرض ينتشر بشكل أكبر

    بس الشكوه لله .. وين اللي يقدر يقعد في البيت 10 أيام .... !!

    أهم ما عليهم تجارتهم وإشلون يربحون من ورا هالناس حتى لو كان مريض

    ..

    والشغله الثانيه اللي خايفه منها .. بما إني معلمه ..

    خايفه من المعلمات الوافدات إذا إرجعوا إشلون بنسلــّم عليهم ؟؟؟

    وإذا ما سلــّمنا أخاف يقولون شالنفسيه ... وإذا سلمنا و لزق فينا المرض هم مشكله عويصه ..!!

    فا أتمنى فعلا يأجلون الدراسه عالأقل شهرين

    يعني ما اعتقد هالشهرين راح يقللون نسبة الذكاء والعبقره الزايده بعيالنا الله يحفظهم ..

    " وهذي وجهة نظري بالموضوع "

    وتحياتي لكم

    ..
     
  6. المعلمة المتميزة

    المعلمة المتميزة بـترولـي مميز

    945
    0
    0
    أتوقع اي شي ..... قوانينا ..... دائما تتغير
    تقبل مروري
     
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    ان شاء الله يأجلونها و عيالنا خو يبونها من الله
     
  8. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    قللواً من روحات المستشفياَت ..
    والنشله والكحه الآدوية بالصيدليات
     
جاري تحميل الصفحة...

مشاركة هذه الصفحة