تســلم ايــدك ياللى كتبت هالمقال!!!!!!!!

الكاتب : ابوجمانه | المشاهدات : 939 | الردود : 15 | ‏25 أغسطس 2009
  1. ابوجمانه

    ابوجمانه بـترولـي نشيط جدا

    237
    0
    0
    صح لسانك والله عجبني لأنه كلامه صحيح





    ومضبوووووووووووووووووط 200 %00








    ** شهالديرة اللي .. ما فيها أدباء ولا فلاسفة ولا فنانين ولا شعراء ولا فقهاء ولا علماء ولا رياضيين و لا اقتصاديين ولا أوبرا و لا متاحف ولا آثار ولا معارض ....



    ** شهالديرة اللي .. فيها طيران عمره ما طار بالوقت .... و المضيفين يحتقرون الركاب ..... وما تطير طياراتها إلا حق دكا و دكار بومبي وسيلان !!!



    ** شهالديرة اللي .. محد فيها يحترم قانون المرور ، و السيارة تنساق مثل ما تنساق سيارات التصادم ... كل من يحد كل من .... وكل من يخز كل من .... وكل من يكره كل من ...... وكل من يقط زبالته بالشارع .... هذا ينظف طفايته بالشارع وذاك يقط كيس الماكدونلد بالشارع وذاك ينخم بالشارع ..... وذاك يطشر قطف زجارته بويه إللي وراه هم بالشارع .... وذاك ياخذ شور بالشارع ..!!! وسلم لي عالأدب !! وتقوله يالحبيب عيب ما يصير !!!! قال لك : كيفي كويتي !!!



    ** شهالديرة اللي .. اللي فريقها يوصل كأس العالم سنة 1982 و يطلع الأخير بكأس الخليج سنة 2007 !!!! ويفوز بكأس آسيا سنة 1980 ... وما يقدر يوصل نفس الدورة سنة 2007 !!!!!!!



    ** شهالديرة اللي
    .. إلي اللاعب فيها لما يسجل هدف ... ربعه اللاعبين يطبون على رئيس النادي و يبوسونه !!!!



    ** شهالديرة اللي .. إللي ينطق فيها الضابط بلبسه ... و الطبيب بعيادته ... والمدرس بمدرسته .....!!!!



    ** شهالديرة اللي .. كل شي فيها بالواسطة ..... سرير بمستشفى بواسطة ... تعيين بوظيفة بواسطة .... موعد طبيب بواسطة . و الليسن بواسطة ... وأتدخل أعيالك مدرسة خاصة وتدفع فيها دم قلبك بواسطة .... تلعب بالمنتخب !!! هم بواسطة !!!!!!!



    ** شهالديرة اللي ..
    أهم اهتمامات الشباب فيها إن يظبط بنات .... حتى لو غصب ... يفتح باب سيارتها غصب .... يرقمها غصب ... يتل حجابها غصب ....... شنو حرب !!!



    ** شهالديرة اللي .. إللي الريال يطلع مع زوجته وكل الشباب يخزونها بلا حيا ولا مستحى ....!!! والريال فقير مو عارف شسوي !!!!



    ** شهالديرة اللي .. كل شبابها معضلين !!!!!!!!



    ** شهالديرة اللي .. فيها الخدامات عندهم موبايل .... !! والسايق موبايل ..... والصبي موبايل ....!!! والياهل إللي عمره 3 أيام .... موبايل !!!!



    ** شهالديرة اللي .. فيها البنغالية أكثر من عدد الشعب !!!!



    ** شهالديرة اللي .. لما تسب واحد مو كويتي تقوله : يالمصري !!! يالسوري !!!! ياالزلما !!!!

    وهم تقوله : شفت خشمك !! طاويهك ...... طا حاجبك ..... يالحافي يالمنتف .... يامعوعو ...!!!! شالحجي الماسخ !!!!



    ** شهالديرة اللي .. الشعب صار له 20 سنة يتحلطم على نوعية أعضاء مجلس الأمة !!!! طيب منو انتخبهم ؟؟؟؟؟ سكان الأسكيمو !!!!!!



    ** شهالديرة اللي ..
    فيها مذيع الراديو يظغط المتصلين !!!! كله ظغاط ظغاط ظغاط !!! وبعدين .... لو تسأل المذيع وين آيسلندا قالت يم ..... تنزانيا !!!!!!



    ** شهالديرة اللي .. أشهر مذيع فيها من نوعية : مشعل شايع !!! ما يذكركم بلاري كنغ !!!!!



    ** شهالديرة اللي .. التعليم الحكومي فيها تحت الصفر !! ومدرسة الابتدائي تكتب للتلميذات على اللوحة : أنتي فتات ..... يعني : إنت فتاة !!!!!!!!!!



    ** شهالديرة اللي .. فيها الأوادم السنعة ضايعة .... وبشار الشطي يستقبله بالمطار 20 ألف آدمي !!!!!!!!!!





    ** شهالديره اللي ..
    ماتعرف بناتها من شبابها كلهم لابسين polo او نظارة ريبان شنو كلكم نفس الستايل !!!




    ** شهالديره اللي .. بس تطلع شغله الكل يبي يشتريها حتى لو يتسلف واللحين هابين بتلفون بلاك بيري ويدلعونه يسمونه بيبي .. بالله شالمصاخه ! ايقولون تلفون قز حطه عالطاوله واهو يضبط صج مخوخهم كله بالبنات والمصخره ... جنه ماعندهم اهل مالت عليكم !!!!



    ** شهالديرة اللي ..
    جرايدها تكتب بالبند العريض : أحمد داوود صورة مشرفة للشاب الكويتي !!!!!

    منو أحمد داوود ؟؟؟؟؟؟؟؟؟؟؟



    ** شهالديرة اللي .. الكتاب ينباع فيها بربع دينار ..... ومحد يشتري !!!!!!



    ** شهالديرة اللي .. كل ما تكلم واحد قال لك : يبيله !!!!! شنو يبيله ؟؟؟؟



    ** شهالديرة اللي .. كلها صراخ و نجره ولويه وسب و قذف وبوق و حرمنه ورشاوي وشراء أصوات ....... وبعدين يقولون : ديمقراطية !!!!!!!



    ** شهالديره اللي .. الاهل قامو يحشون في بعض بالمدارس جدام الغرب ولا في مستحى ولا في ادب



    ** شهالديرة اللي .. حطمت الأرقام القياسية بعدد المرضيات و التزرق من الدوام وبعدين يقولون :

    زيدوا معاشاتنا !!!!!



    ** شهالديرة اللي .. مافيها رياييل كلش !!جنهم ينعدون بالاصابع


    ** شهالديرة اللي .. كل من يمر بشارع الحب يتلفت !!





    ** شهالديرة اللي .. بسنة وحده كل بناتها صارو مفصخات الا من من رحم ربى!! هذا الي يقول الي عمره ماتبخر تبخر وحترق) ويعيبون على الغرب !! الغرب صارو استر منكم !!




    ** شهالديرة اللي .. الكل فيها صارو منافقين يضحكون بالويه او يطعنون بالظهر !!


    ** شهالديرة اللي .. ريايلها قامو يحشون اكثر من حريمها !!


    ** شهالديرة اللي .. لمايفوز واحد برنامج حفظ القرآن محد يستقبلة ولايدرون عنه . او لمى ايي واحد من ستار اكاديمي ولا 30 الف بنطرونه بالمطار !!


    ** شهالديرة اللي .. مايصلون الا شهر 12أو 6 علشان امتحانات اخر السنه .. وايد ناس قاعده تضحك اللحين :)


    ** شهالديرة اللي ..
    شبابها بالصيف كلهم يبون يسوون برونز !!


    ** شهالديرة اللي .. شبابها وبناتها كلهم قزيزه اوكل اسبوع بمطعم وكله يشكون ماعندنا فلوس !!


    ** شهالديرة اللي .. لازم الكل يوم السبت يروح الافنيوز او يقعدون ابلورنزينو يعني قزيزه !!





    ** شهالديرة اللي .. فيها كل هالبلاوي أو أكثر ويقولون .... الله لا تغير علينا ..!!!!!



    و هاذي الكويت صل على النبي

     
  2. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    صراحة مقال عجييب و يضحك و معظم اللي ذكر فيه صحيح ما عدى سالفة انه الديره ما فيها ريااييل و انهم ينعدون على الاصابع هالكلام خاطيء و لما يقول شنو هالديرة اللي كل بناتها تفصخوا بسنه واحده .... ما عدى ذلك المقال روعة .

    مشكور اخوي على المقال لاني استمعت بقرائته من الاول لي الاخر :)
     
  3. WAFRAWEY_Q8

    WAFRAWEY_Q8 بـترولـي نشيط جدا

    317
    0
    0
    بالاصبخه والصحرا المشمسه
    kuwait
    مشكووووووووووووور اخوي علي هالمقال الحلو ويعطيك العافيه
    صح كلامك ابعض الامور ومثل ما قال اخوي شركه ماعدا الى مافيها رياييل
    ولكل زمان دوله ورجال هذا واقعنا وهذا زمنا وهذيل رجالنا لول
    عسا الله يستر علي اعيالنا واعيال المؤمنين من المعتقدات الغريبه والغربيه علي اعيالنا
    المشكله الناس الى اتشوفهم الحين بعد جم سنه اهم بيكونون دفه المجتمع وقاده القرار بالمجلس
    واهم لا وعي تربوي ولا وعي فكري اكبر هم الاستايل والموضه والقز
    مشكوووووووووووووووور اخوي علي الموضوع الشيق
     
  4. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بعد اذن اخوي صاحب الموضوع ابي وفراوي بكلمة راس ..

    وفراوييي امسح شوي من رسايلك عشان اقدر اراسلك على الخاص لانه ما يصير احد يراسلك لانك تعديت الخمسين رسالة .
     
  5. يادنيا

    يادنيا بـترولـي مميز

    موضوع عجبني ورائع و واقعي
     
  6. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    كلام حلو ...

    والشين والزين موجود بكل ديرة ...

    عيل اش هالديرة اللي التعليم فيها مجاني من الروضه لي الجامعه !

    اش هالديرة اللي فيها مستوصفات بكل منطقة ! واب بلاش ! ومستشفياتها مفتوحة للكل !

    اش هالديرة اللي ننام وبيوتنا مشرّعه !

    اش هالدّيرة اللي تلفونات البيت اب بلاش !

    اش هالدّيرة اللي نتكلم فيها على راحتنا وما نخاف من شي .. لين اللي يسوى واللي ما يسوى قام ياخذ راحته !

    اش هالديرة اللي حكامها يعرفون عوايل الكويت ويزورونهم بكل مناسبة ( رمضان - عيد - عزا - عروس ) !!

    اش هالديرة اللي بس نشوف عيوبها ونتحلطم ! ولا نفكر نغير ! ناطرين كل شي يتغير بروحه !!

    اش هالدّيرة اللي الطلبه يمشونلهم فلوس !

    اش هالدّيرة اللي تدفع حق كل مولود !

    اش هالدّيرة اللي ما نبي ندفع فواتير كهربتنا !

    اش هالدّيرة اللي نسوّي كل شي فيها .. ومو عاجبنا شي فيها !!

    اش هالدّيرة اللي نعيّب عليها أكثر مما نسوّيلها !!

    بعد عمري يا الكويت



    تحياتي لناقل الموضوع ...

    وتحياتي لكاتب المقال الأصلي ...



    العيب مو بالدّيرة ... :)

    العيب اب بعض النّاس ..

    ولا الدّيرة .. ماكو مثلها ... وما يعرف شنو هالدّيرة .. إلا اللي عاش فيها بالغزو :)

    عمري يا كويت ...
     
  7. Q8_KJO

    Q8_KJO بـترولـي نشيط جدا

    410
    0
    0
    والله هالديره تعبت من أمثال كاتب هالمقال.....

    ديرتنا ولله الحمد أحسن من وايد أماكن على مستوى الخليج والعرب بس مشكلتها فينا احنا اللي تعودنا على الدلع الزايد لي درجة اننا قمنا نتطاول عليها !!!!... وعمرها ما راح تقدم طالما أمثال كاتب هالمقال موجودين فيها

    شكو الكويت بالمذكور في هالمقال!!!! .... كل الدول فيها أشد من المكتوب .. بس الفرق بيننا وبينهم انه احنا نتكلم و محد يمنعنا واهناك اذا أحد تكلم قصوا لسانه!!!... وهذي يزاتها الديره

    أقول للكاتب: الديره اللي مو عاجبتك ممكن تهدها وتجرب غيرها !!!.... يمكن ترتاح (و أقص ايدي اذا ارتحت)

    كل ديره فيها أشياء غلط .... والغلط سببه الناس..... انك تهد الناس (أمثالك) اللي تسببوا بهالأخطاء و تتكلم عن (الكويت) كديره بهالطريقه هذي فعلا قمة الجهل... تحس الطريقه فعلا فيها (أرف)... صج شي ينرفز لما واحد يكتب مقال عن الكويت ويقول في (شهالديره)!!!... الديره مالها ذنب اذا حوت ناس من أمثالك ..... الديره إهيه (الكويت) (أيها الجاهل) :)

    طبعا الموضوع منقوول ..... بس العتب على طريقة النقل لأنه العنوان المكتوب (تسلم ايدك ياللي كتبت هالمقال)... المقال تعيس جدا وشكله أصلا مو كويتي اللي كاتبه عشان جذي بكل سهول يكتب كلمة (شهالديره) بطريقه مافيها أدب

    أخيرا للكاتب أقول: ولك هاي الأرض أرضنا.... ولكم عوفونا أنته وربعك واللي يسمع لك (يمكن اذا ما فهم الكلام المكتوب فوق (كلام أهل الديره) ... يفهم كلام أهله)
     
  8. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    صح لسانك عبدالله و اوافقك الراي 100 %

    تحياتي لأبو جمانة ع النقل
     
  9. Q8_KJO

    Q8_KJO بـترولـي نشيط جدا

    410
    0
    0
    يسلموو أنوار .... بس قمة التناقض لما تقولين صح لسانك و أوافقك 100% ... وتقولين (تحياتج) لنقل موضوع عنوانه (تســلم ايــدك ياللى كتبت هالمقال)

    سوري كلامج مو مفهوم
     
  10. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    مو تناقض ... احترام مني القي التحية لأخونا العضو ..............
     
  11. Q8_KJO

    Q8_KJO بـترولـي نشيط جدا

    410
    0
    0
  12. المحترف33

    المحترف33 بـترولـي مميز

    676
    0
    0
    مقال تافه ومايستحي واذا موعاجبه

    الشعب الكويتي يذلف بره ~~الله واكبر كيف اختلطت الامور

    انا هذا الايميل واصلني من فتره ويصور الكويت والشعب

    في صوره سياْه ~~~~~~~ وهذا اكبر خطاْ:mad:
     
  13. المعلمة المتميزة

    المعلمة المتميزة بـترولـي مميز

    945
    0
    0
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    بهالرد عطيت مثال شلون ننتقد اللي يختلف معانا من غير غلط او تجريح :)
     
  15. aL- raSy

    aL- raSy إدارة المنتدى

    2,714
    0
    36
    اولا كلامك صحيح و كلام الكاتب بالمقال اللي رديت عليه صحيح ايضا و الفرق بينكم ان كل واحد ينظر من زاويه بمعنى ( وجهان لعمله واحده ) اما موضوع ( ما يعرف شنو هالديره إلا اللي عاش فيها بالغزو ) ابي استفسر : طيب واللي ما عاش فيها بالغزو ما يعرف هالديره بنظرك ؟ :)
     
  16. بن زريق

    بن زريق بـترولـي مميز

    804
    0
    0
    الكاتب كتب من ناحيه السلبيه.....لكن لو نتكلم عن الديره من ناحيه ايجابيه(((ياليت تشركونى وتظهروا محاسن ديرتنا الحلوه الغاليه)))
     

مشاركة هذه الصفحة