مواقف لا تنسى ابدا

الكاتب : كندريه | المشاهدات : 548 | الردود : 9 | ‏24 أغسطس 2009
  1. كندريه

    كندريه بـترولـي نشيط جدا

    315
    0
    0
    باحثه اجتماعيه
    السلام عليكم ورحمة الله وبركاته

    كل واحد فينا اول ما ساق السياره حصله حادث الله يسلمكم من الحوادث وتكونون دايما بصحه وعافيه آمين يا رب

    والحين ابي كل واحد يذكر اول حادث حصله ولا يمكن ينساه

    اولا ابدا بنفسي انا اول ما سقت رحت السوق وانا راجع دعمت سياره وكان صاحب السياره داخل السوق وخفت حيل قلت انحاش ما دام صاحب السياره موموجود وانا رايحه اشوف واحد يناديني وياشر لي علشان ارجع والمصيبه انه طلع صاحب السياره ورجعت وقالي وين رايحه اهني قلب ويهي الوان وتاسفت ولما شافني خايفه ضحك علي وقال لما الواحد يدعم يوقف مكانه مو ينحاش بس الحمد لله ما صار شي بالسيارتين



    :eek:


    والحين يا دوركم
     
  2. dehen_3ood

    dehen_3ood بـترولـي خـاص أعضاء الشرف

    وعليكم السلام ورحمة الله وبركاته

    أول حادث صار لي بعد ما سقت بشهرين وكنت توني شارية سيارة من الامارات ولوحتها (دبي للتصدير)
    دعمني واحد على جنب وعدم لي جنب اليمين كله !!
    وللحين عندي بقايا من الدعامية والليت الأمامي (ذكرى)

    بس الحمدالله عدى هالحادث على خير من غير اصابات خطيره

    وتشائمت من السيارة وبعتها !!
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    حوادثي و لله الحمد بسيطة و قليلة جدا .. أذكر أول ما طلعت ليسن رايحة الجمعية لقيت مسفط بعد

    معاناة المهم بدال ما اطق بريك مادري شلون دست بنزين و صعدت العمود الي جدامي و خفت الصراحة

    و اشوه السيارة وقفت بروحها بس ارتفعت حيل لأن نصها الأمامي كان ع العمود و يوا ناس طلعوني من

    السيارة و يوا ناس بينقذون سيارتي ما قدروا الا لما قصوا العمود بالنص و تحولت السالفة تحقيق لأن صار

    اتلاف ممتلكات عامة و ابوي تولى الموضوع بيييه هالسالفة صارلها 11 سنة لووووووووووول .....


    مشكورة ع الموضوع و لا تطولين الغيبة مرة ثانية :):)
     
  4. المعلمة المتميزة

    المعلمة المتميزة بـترولـي مميز

    945
    0
    0
  5. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    أول حادث .. هممممم قبل لا أطلع ليسن ..

    كان عندي فلكس بس حق الشاليه طبعا .. يعني اسوق فيها بالشاليهات أيام العز مو الحين ! اللي من بره أكثر من أهل الشاليهات !

    المهم ...

    كنت ويا ولد خالتي .. فا كنت قاعد ارجع قري وهاد السكان ( يعني حركه ) وقاعد اقوله شفيها السيارة ترجع بروحها !! وقاعد اضحك ..

    المهم ما وعيت الا ذاك العامود اللي لازق بالدريشة اللي يمي !! طبعا اللي صار دشيت بعامود والفلكس مداقرها كبار ! راح المدقر الوراني كله ... واضطريت عشان اطلع احكّ العامود مرة ثانية .. وقلت حق ابوي واحد دعمنا وانحاش !!

    طبعا هالحجي لما كان عمري 16 سنه ...

    وأول حادث بعد الليسن .. كنت توني بطلع من اللفة وبنفس الوقت قاعد ادور شريط .. فا دشيت باللي جدامي مسكين .. ولا سايق أو وياه وحده .. طبعا نطرت لين يه معزبه .. ورحنا المخفر وصار صلح .. وبس! وتبت اتعبث بشي وآنه أسوق !

    والله يحفظكم من كل شر

    وشكرا على الموضوع
     
  6. الصايغ

    الصايغ بـترولـي خـاص

    انا اول حادث صار لي من طلعت من الوكاله وماخذ سيارة من عندهم اهي سيارة سبورت (بورش) صادفني واحد بس قال للبيع رديت عليه قلت له لا والله مافي اا ساعات الا وانا مدعوم من سيارة ثانيه علي جنب والحمدالله عدت علي خير
    يعني السبب عين ماصلت علي النبي
     
  7. كندريه

    كندريه بـترولـي نشيط جدا

    315
    0
    0
    باحثه اجتماعيه
    الله يسلمكم من كل شر وشاكره مروركم
     
  8. reznama

    reznama بـترولـي مميز

    أول حادث سويته كنت رايحه البنك المركزي .. عند إختي ..

    وإمضيعه مادري وين الباركن .. وكنت برجع قري ..

    وإلا أشوف هندي وراي

    خفت لا ادعمه بدل لا ادوس إبريك .. قمت ودست عالبنزين !!!!

    ما وعيت إلا السياره إصعدت على شي وردّت إنزلت ..

    وإلا أثاري آنا صاعده فوق كشافات البنك المركزي " كل كشاف قيمته 400 دينار "

    وتعاطف معاي مدير إختي .. وقال ما تدفعون شي ..

    والسلام ختام :)

    ..
     
  9. new life

    new life موقوف

    512
    0
    0
    ههههههههههههههههههههههههههههههه انا دعمت دعمه يمكن بالتاريخ محد دعمها ههههههههه كنت رايحه الجمعيه وانا بصفط جان اصعد الرصيف واصعدت سيارتي على السياره الي يمي هههههههه امبيييييييييه ولويه صارت بس حمدلله ماتعورت بس حسيت راعي السياره من داخله وده اطقني بس اهوه كان عادي و باله طويل هههههه وانا الغلطانه وانا الي ازف بعد بس يومها والله صارت لويه هههههههه كل ما اذكر اضحك اقول بيني وبين نفسي اوله لي هالدرجه انا غشيمه
     
  10. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    الحمـداللـه 17 سنـة قيـادة سليمـة خـاليـة مـن الحـوادث :)

    وعسـا اللـه يكفيـنا وياكـم شـر الحـوادث

    وكـل الشكـر لصـاحبـة الموضوع
     
جاري تحميل الصفحة...

مشاركة هذه الصفحة