نطالب بحقوقنا يانقابه؟؟؟؟؟

الكاتب : bo-saleh | المشاهدات : 1,193 | الردود : 15 | ‏21 أغسطس 2009
  1. bo-saleh

    bo-saleh بـترولـي مميز

    لماذا لايتم المطالبه بتعديل اوضاع اصحاب شهادات الدبلوم ؟؟؟؟؟؟


    لماذا لاتطالب النقابه بحقوقنا المنتهكه ؟؟؟؟؟





    لماذا لا يلفت النظر الى اصحاب شهادات الدبلوم بتاتا ؟؟؟؟؟؟؟؟؟؟؟



    لماذا لاتكون لنا جمعية تطالب بحقوقنا التي لم تحققها النقابه ؟؟؟؟؟؟




    لماذا صار الدبلوم مساوي لشهادة الثانويه والمتوسط ؟؟؟؟



    اذا هالشي صاير نقول حق الاجيال الجايه لاتدرسون الدبلوم ترا ماتنفع ونطالب الحكومه باغلاق الهيئه العامه للتعليم التطبيقي والتدريب وتحويل الدكاتره الى التقاعد احسن لهم ولنا



    على سبيل المثال


    المختبر بعد الغاء وصول اصحاب شهادة الدبلوم الى درجة 15 وهي مسمى كيميائي انتاج وصار الدبلوم يثبت على فني مختبر 1 الى ان يتقاعد بعد ان كانت بالامس تأتي بالخبره وعدد السنين واللحين صارت كوكتيل كيميائيين انتاج شهادات جامعيه ودبلوم وحتى ثانويه عامه ويمكن بعد متوسطه واللي خذاها الدرجه خذاها قبل القرار المجحف على قولة المثل الطيور طارت بارزاقها


    لماذا يأتي احد شهادته جامعيه على واحد خادم الشركه 25 سنه ومعروف عن كفاءته في تقاريره السنويه ويأتي واحد من دور عياله مايعرف شي يهش ونش على هالشايب الخبره



    بعض الاخوان يقولون ندرب الشباب الجامعيين وبعد مايمسكون صاروا يشيكون علينا انداوم في الوقت وصار يلحق اللي دربه وعلمه ويسجل عليه


    امر اخر بل طامه اخرى

    اليس ظلم ياخوان ان يكمل واحد جامعي دراساته العليا على حساب النفط ؟؟؟؟؟؟؟؟؟؟؟؟؟؟؟؟؟



    اليس هذا ظلم ياخوان ؟؟؟؟؟؟


    وغيرها الكثير الكثير






    اسأله حيرتني بعد ان تم ايقاف الاعترافات الجامعيه على اصحاب الدبلوم لانه كثر في القطاع النفطي

    مايبون اي واحد يكمل بس يبون ربعهم




    بالاخير نقول للاصحاب الشأن لاتستهينون بالدبلوم فوالله ان الدبلوم اكثر بكثير من اصحاب شهادات البكالوريوس والله ان اعتصموا سيصبح اعتصامهم اقوى بكثير من اعتصام الجامعيين نريد فقط ان تردوا الى قراراتكم القديمه التي كانت تنصف الموظف



    شاكر مروركم على الموضوع الحساس


    وكل عام وانتوا بخير ومبارك عليكم الشهر
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    ممكن نعرف في البداية عن اي نقابه تتحدث اخي الكريم؟
     
  3. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    فعلا كلامك يابوصالح صحيح ونجد الظلم واقع على اصحاب شهادات الدبلوم نطالب من النقابه اي ان كانت يعاني موظفين قسمهم من هذه المشاكل الوقوف معهم واعطاءهم حقوقهم اما ان يتم تعديل وضعهم الوظيفي او مسماهم واعطاءهم درجه تميرهم عن اصحاب شهادات الثانويه العامه او السماح لهم بأن يكملوا دراستهم عن طريق الشركه ويتم تعديل وضعهم بعد التخرج اما الوضع الحاصل الان فهو سيء للغايه الي اصبح الدبلوم يساوي الثانويه والي يبي يكمل دراسة لا وعلى حسابه امنعهم عندما او قفوا الجامعات الي يدرسون فيها تقول مستقصدين هذه الفئه والخافي اعظم من هذا القرار التعسفي والغرض منه جعل الكويت طبقتين
     
  4. bo-saleh

    bo-saleh بـترولـي مميز



    انا عن نفسي اتكلم عن نقابتي المقصره في حقي وهي نقابة شركة نفط الكويت اللي تأكل مني دينار كل شهر وماتنفعني شالفايده منها اذا ماطالبت بحقوق شهادات الدبلوم في شركة نفط الكويت ؟؟؟؟


    وكل واحد على نقابة شركته مثال البترول يطالب عن طريق نقابة البترول وهكذا ياخي الكريم مايحتاج اشرح....



    ليش النقابات متجاهله هالشي كأن اصحاب الدبلوم شهاداتهم عاديه ولم يتعبوا ثلاث سنين دراسه نظري وعملي اكثر من الجامعي الذي يأخذ في دراسته نظري فقط


    هل تعلمون ان في الدول الاخرى اللي عنده شهادة دبلوم يعادل كبار موظفين الدوله مثال( دولة قطر ) ولهم مميزات كمميزات الجامعي


    احنا يوم كنا في الكليه كان يقول لنا الدكتور ياشباب ترا مافيه فرق بينك وبين الجامعي وكان يقول فرق 20 دينار بالمعاش والله اني صادق انه هذا كلامه وكان يقول انكم انتوا الاكفأ في العمل لدراستكم النظريه والعمليه والحين الفرق في الدرجات والمعاش والكورسات والبونصات والسياره وكل شي


    واللي نشوفه الحين ظلم واقع على هذه الفئه بشكل عجيب كأن اصحاب الدبلوم اصبحوا عمال نظافه بل عمال النظافه اعطوهم حقوقهم بعد اعتصامهم ونحن لا



    الغريب انه هذه الفئه مغلوب على امرها وتعامل معاملة العامل المطراشي فقط في العمل والنقابه عمك اصمخ

    يانقابه ترا اللي وصلوكم للمجلس اصحاب شهادات الدبلوم واللي راح يسقطونكم اصحاب شهادات الدبلوم لانهم الاكثريه في القطاع النفطي



    ياشباب كل من شهادته دبلوم ارجوا رجاء منكم ان تضعوا تعليقكم هنا لعل نقابات شركاتكم تلتفت لنا وتعطينا جزء من حقنا والموضوع لاينزل تحت ياشباب خلوه دايم فوق لجل يشوفنا الوزير اللي متفاءل انا فيه بخير وينصفنا مع الجامعيين
     
  5. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    السلام عليكم

    اخوي bo-saleh

    احترامي الكامل لوجهة نظرك

    لكن شفيك طايح على اصحاب الشهادات الجامعيه ؟

    انصحك تضبط اعصابك :)

    طالب اخوي بحقوقكم انتم يا اصحاب شهادات الدبلوم مثل ماتبون بس شنو علاقة هالشي بانك تنتقد اصحاب الشهادات الجامعيه عمال على بطال ؟

    خريج البكالوريوس يقعد سنتين او ثلاث بعدين يقول لصاحب الخبره ابو 20 سنه ( في امان الله ) وتشوفه يترقى ومرتاح بعمله هذا حقه

    انته اخترت الراحه من الدراسه واخذت التعب والكراف بالشغل اما خريج البكالوريوس تعبله سنتين زياده بالدراسه وتالي ارتاح بالشغل

    يعني معادله واضحه اخوي ماله داعي هالانتقاد الظالم ومحد منعكم من اتمام دراستكم فرجاءا طالبوا بحقوقكم بعيد عن التجريح والثرثره :)


    على فكره .. في شي ضحكني ! انا اعتبره شخصيا طرفة

    من متى ربع الدبلوم يتعبون بالدراسه ؟ هذي اول مره اسمعها صراحه .. واذا فعلا تعبانين من الدراسه فا الله يعطيكم العافيه بس لا تيي تتطنز

    على تعب دراسة البكالوريوس اخوي .. لا تقعد تقولي نظري وعملي وهالحجي :)

    خريجين الدبلوم اول يوم دوام ( ابيض .. كما خلقني ربي ) حالهم حال البكالوريوس .. الفرق انه البكالوريوس يترقى بسرعه وهذا تحصيل تعبه العلمي

    اما الدبلوم فا يندق دق بالشغل ويحصل الخبره مع السنوات :) بالمقابل البكالوريوس يكون عنده ( خبره + تحصيل علمي )


    الكل عارف موضوع الخبره بأي قطاع مش بالنفط بس اهو موضوع وقت لا اكثر ولا اقل :)



    ياريت الطرح بالنقاش يكون بموضوعيه بعيد عن التعصب والحسد وهذا الميدان يحميدان اللي حاب يتفضل يكمل دراسته وهني الشباب يقرون كلامنا

    اخوكم bo-saleh باين عليه فاته قطار التعليم فالدور عليكم يالشباب تتعلمون من اخطاء من سبقوكم وهالشي مو عيب :)


    واسف على الطواله والسلام ختام
     
  6. bo-saleh

    bo-saleh بـترولـي مميز


    في النهايه


    ياخوي العقرب انا اطالب بفئه مهضوم حقها يعني حط نفسك ابمكانهم لو ان الجامعي يعامل معاملة الثانوي والمتوسط اليس هذا ظلم يالعقرب ؟:؟؟؟؟؟
     
  7. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    السلام عليكم

    اخوي bo-saleh

    انا اسف اذا كتبت او رديت بطريقه غير لائقه والاعتذار لا ينقص من قدر المرء شيء :)

    ثانيا .. الله يوفقك دنيا واخره سواء على صعيد الوظيفي او العلمي ومنها للأعلى امين :)

    ثالثا .. ماكو شي اسمه " في ناس خبره اهما اللي امشين القطاع النفطي " الكل يعمل والشغل مو اقف على احد فينا

    رابعا .. اخوي موضوع الميداني هذا معروف للكل وانا نص ربعي هناك .. يعني على قولة المصريين " داحنا دافنينو سوا " :)

    أي ميداني ؟ ياخذونكم ساعه ولا ساعتين يفترون فيكم بالبر ويورونكم الوحدات هذا شنو وهذي شنو سميتها خبره الله يهداك ؟

    الثنويه قبل كانو يودونا حق مصانع بيبسي وسارا كيك وشفنا خط الانتاج .. جذي صرت انا خبره :)

    انا كلامي عن السواد الاعظم والكلام واضح من غير ما اطعن بدراسة الدبلوم .. الشباب طالعين من هناك مايدرون وين الله قاطهم والكل عارف المستوى التعليمي

    اللي يتخرجون منه طلبة الدبلوم وحتى النظري يتعلمون شغلات اساسيه بسيطه ..... هذا خالصين منه :)

    انا ماكتبت تعليقي هذا الا عشان جمله وحده انت قلتها ولا الكلام الباجي لك كامل الحق انك تكتبه .. والجمله اهي ..

    شنو مشكلة الجامعي بالموضوع ؟ شنو مايعرف يهش ولا ينش ؟ يعني ابو 25 سنه من وين ياب الخبره من السما ؟ هذا الجامعي جم سنه ويحصل الخبره وشي طبيعي يدربون

    الشباب الجامعيين لان هالشي يعتبر امانه ولازم يؤدونها.

    والسلام ختام
     
  8. bo-saleh

    bo-saleh بـترولـي مميز




    تعليقك احترمه لكن اقولك انه مستوى الدبلوم ليس بالمستوى المتدني على قولتك ففيه دكاتره بجامعة الكويت يعطون اشياء اساسيات على قولتك بسيطه وكلن على امانته في التدريس يالعقرب


    وبخصوص الميداني والله ماخذونا لسارا كيك على قولتك او كي دي دي لا خذونا للبتروكيماويات والنفط والبترول وعلى قولتك ماياخذونا بوساعه وساعتين ياخذونا الصيف كله ثلاث شهور وصايره معي

    وعلى العموم هذا رايك وانا مو مؤيد رايك بالمره لانه فيه نوع من استنقاص اصحاب الدبلوم في المستوى التعليمي لانك اتهمت اصحاب الدبلوم بانهم مايدرون وين الله قاطهم وهذا كلامك وتتهم مستواهم التعليمي بالتدني وهذا راي راجع لك فقط ويخصك انت
     
  9. AD-01

    AD-01 بـترولـي خـاص

    1,040
    2
    38
    ممكن سؤال اخوي بوصالح

    شنو الحقوق المنقوصه من اهل الدبلوم ؟؟

    النقابه طالبت برفع تقييم الجامعيين بعد ما تم اعادة تقييم المسميات الوظيفية في الشركه (غير الجامعيين) واظن ما تختلف معاي ان هذا حق للجامعيين ويستاهلون والله يرزقهم

    الحين تقول احنا الدبلوم ما قيمونا واظلمونا ؟؟ عيل من حقه الاب قريد اللى قاعد يصير بالشركه من دهر ؟؟
     
    آخر تعديل: ‏23 أغسطس 2009
  10. Failakawe

    Failakawe بـترولـي نشيط

    96
    0
    0
    الحقوق المنقوصة لاصحاب الدبلوم وايد ... يعني مثلا الدبلوم الاداري معقوله معاشه 700 دينار ؟؟؟

    يعني موظف بشركة نفط ويداوم 8 ساعات باليوم ومعاشه 700 ولا 720 بالله وين الانصاف ؟؟؟ والمتزوج يستلم 820 دينار ؟؟؟ هذا وبعد مافي بدل ايجار ولا شي يعني وين تكفي الواحد بالهزمن يعني تعطي حق العزوبي الجامعي 1100 دينار وتعطي المتزوج الدبلوم 800 دينار ؟؟ انتوا ماتشوفون ان هذا ظلم ؟؟؟ غير جذي يوصل حق قريد معين ويقولونله خلاص وقف هني وانسى طموحك وحياتك .. ولمه يدرس وييب شهاده يقولونله انطر شاغر وبعدين يلاقي الناس اليدد توظفوا واهو ليلحين ينطر الشاغر اللي ماراح اييله الا بعد جم سنة .. واخر قرار يقولون لازم تكون طبقت 5 سنين عشان تطالب بتعديل وظعك .. لا وازيدكم من الشعر بيت لازم توقع على تعهد انك اذا تخرجت من الجامعة ماتلزم الشركة انها تعدل وضعك

    انا صراحة اشوف اصحاب الدبلوم وايد مظلومين وان شاء الله النقابة تلتفت لهم شويه
     
  11. AD-01

    AD-01 بـترولـي خـاص

    1,040
    2
    38
    هذا شي عادي شنو المشكله ؟

    الاداري الدبلوم هذا معاشه وهذي درجته

    والثانويه العامه اقل منه

    والفني يتعب اكثر يتعين على درجه اعلى

    والجامعي هم غير بالراتب والدرجه

    شنو المطلوب ؟؟ اذا راتب الاداري الدبلوم 720 ترا الجامعي 930 والثانوية 570

    نفس الكلام على الدرجات .. الدبلوم له حد والثانويه اقل منه والجامعي مفتوح له الدرب

    واذا على الشروط مالت تعديل الوضع هذي عليك وعلى غيرك يا تنطر 5 سنوات من تعيينك يا تسجل مع اي اعلان حديث التخرج

    مقصد كلامي لازم يكون في تناسب بين الشهاده وبين الدرجه والراتب واكثر ناس ماخذين حقوقهم بزياده اهل الدبلوم
     
  12. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    اخوي كلامك عين العقل بس وين اللي يفهم :) يبونها مفتوحه للكل عمال علا بطال
     
  13. Kosha

    Kosha بـترولـي جـديـد

    22
    0
    0
    عفــــــــوااا للمداخلـــة بس بذكــــر لكم شغله على كلام الأخ ترا الفرق بين الجامعي و الدبلوم مو 10 سنين ترا أقصاها سنتين و الدراسه دراسه ولا ليش في هيئة تطبيقي عندنا.

    ثانيا: الخبرة تبين مع الأيام شي طبيعي الواحد إذا مسك شغله و تعلم عليها بتكون هذي خبره لا تقول لي ميداني دبلوم غير و جامعي غير.

    ثالثا: على قولتك الجامعي مفتوح له المجال بس على فكره الجامعي هني صاير مو officer صاير senior على أساس أنا جامعي بس أشرف و أنت يالله يا دبلوم أكرف (يسوون شغلهم و شغل غيرهم لا تقول لي خبره) خلني ساكته بس
     
  14. bo-saleh

    bo-saleh بـترولـي مميز



    كلامك صحيح ياخي الفيلكاوي


    وازيدك من الشعر بيت ترا الدبلوم قام يشيل شغل الجامعي في بعض الاقسام والظلم مبين من استغلال الجامعي لمنصبه على الدبلوم خلونا ساكتين ياجماعه لاتخلونا نكشف المستور
     
  15. bo-saleh

    bo-saleh بـترولـي مميز



    كلامج صحيح ياختي الله يجزاج خير
     
  16. bo-saleh

    bo-saleh بـترولـي مميز

    من حقنا ياخوان نطالب بحقوقنا كشهادة اكاديميه حالنا حال الجامعي البكالوريوس


    لكن فيه بعض الاخوان مو عاجبهم كلامنا وينقصون من قدر خريج الدبلوم كانه ولا شي وماخذ حقه زياده ومومال مطالب مال شغل وبس


    اقول لهالناس المريضه عقليا عيب ترا هذا حسد على اخوانكم لاتحسدون موماخذين من جيبكم شي وانشاء الله مايعتازوكم بشي
     
جاري تحميل الصفحة...

مشاركة هذه الصفحة