حسبي الله ونعم الوكيل

الكاتب : criminal | المشاهدات : 1,413 | الردود : 9 | ‏20 أغسطس 2009
  1. criminal

    criminal بـترولـي جـديـد

    10
    0
    0
    مافي أكثر من هالمصخره..!!!؟؟دوام موظفين الوفره من الساعه 6:00 صباحا إلى الساعه 12:00 الظهر في شهر رمضان.....!!!!يعني غصبا عليك يا موظف إدفن نفسك بالحيا وإنسى أهلك و ربعك وحياتك الإجتماعيه بالمره...ماصدقنا نخلص من الدوام الصيفي القذر لمدة 3 أشهر من الساعه 5:00 الصبح إلى الساعه 1:00 الظهر,و الحين بشهر رمضان يبونا ننام الساعه 12 أو 1 أو إنك تواصل إلى الدوام بتعبك و همك !!؟
    كل هذا علشان حرارة الجو !!؟ ياأخي خفف عليهم العمل أو حاول تنظمه وفي أكثر من طريقه ترحم فيها الموظف و تقدره.....لكن شعار الشركه النجس يظل كما هو عليه دائما : "طز بالموظف و مو مهم حياته الإجتماعيه,المهم العمل"
    شفتوا ياموظفين الوفره لمن يكون شوركم مو بإيد ولد ديرتكم (اللبيب بالإشارة يفهم).

    وفي الختام لا يسعنا أن نقول غير حسبي الله ونعم الوكيل..يمهل ولا يهمل سبحانه.:(
    [/COLOR
    ]
     
  2. أبو العلاء المعري

    أبو العلاء المعري بـترولـي نشيط

    72
    0
    0


    سبحان الله الأخ يحاول خلط الأمور !!! ومستحيل إدارة الشركة تقدم على مثل هذه الخطوة الأصل في الدوام من 9 - 3 عصرا وقد صدر تعميم من مؤيد البسام مدير مجموعة العمليات المشتركة في 19/8/2009 ما يثبت أن الدوام من التاسعة صباحا إلى الثالثة عصرا للدوام الصباحي أما الشفتات فهو وضع آخر وعموما من تقديم ساعة أفضل من تأخير ساعة
    وافهم يافهيم .......................................................................
     
  3. Superman

    Superman بـترولـي جـديـد

    10
    0
    0
    الله ايكون في عونكم وايصبركم .... كلموا الاداره او رفعوا شكوى !!
     
  4. barry_q8

    barry_q8 بـترولـي نشيط

    84
    0
    0


    الزميل المحترم، هذا دوامك ورزقك ورزق عيالك ليش تذم بالشركه! أنا مستغرب يعني محد جبرك على الشركه، أنا عارف ان الواحد يقعد مبجر وخاصة برمضان إنه شي متعب لكن شتسوي اصبر واحتسب، وهذي شركه مو وزاره وأتوقع إنك مثلي سمعت قبل ما توظف إن دوام الشركات متعب يعني الواحد متوقع هالشي فنصيحتي لنفسي ولك إن الواحد يحسن الظن ويخلص بعمله عشان رب العالمين يبارك له وترى على فكره فعلا" أنا وصلني تعميم بالنسبه للدوام وهو من الساعه 9 صباحا الى 3 العصر وبالنسبة للشفتات ما تغير شي وسلامتك وما يحتاج وأنا أخوك تتكلم على شركتك اللي إنت فرد من عائلتها بالكلام السيء(الداوم القذر،الشعار النجس وغيره) الله يهدي الجميع ومبارك على الكل شهر رمضان المبارك;)
     
  5. sa3bola

    sa3bola بـترولـي جـديـد

    10
    0
    0
    لااااااا يبااااااااا صح كلاام الرياال هذ الشعاار طز بلموظف شغل خففووه شوي مو مشكله قلناا شغل بس خففوو عليه شهر بلسنه بس هذا شهر عبااده مو شهر تحفر حفره تطلع نفط نبيه على الأقل مثل دوام الوزاره بس مدة شهر مو اكثر
    بس شنسوي الظااهر بدااوم وزقاارتي بحلجي
    ههههههههههههههههههههههههههههههههههههههههههههههههههههههههههههههههه
     
  6. criminal

    criminal بـترولـي جـديـد

    10
    0
    0
    الأخوه اللي معترضين على كلامي و أسلوبي ياريت تتأكدون قبل لا تردون...التعميم يخص موظفين الإداره و بعض الأقسام لكن باقي الأقسام و خصوصا اللي داخل الحقل مثل الأنتاج من 6:00 الى 12:00 ....ولمن وقعت العقد يامن تتكلم وقعت عقد عمل لرزقي و رزق بيتي يعني بيتي في المقام الأول وماني محتاج أحد يتفلسف علي ويعلمني..خبرتي و خدمتي بالشركه كبيره وما بقالي شي على التقاعد عسى الله يتممه على خير,وخدمتي الكبيره خلتني أقول ان الشركه فيها قذاره و نجاسه...وياما شفنا وسكتنا علشان ما نقطع رزق أحد..
     
  7. barry_q8

    barry_q8 بـترولـي نشيط

    84
    0
    0
    الأخ criminal الظاهر الجدال معاك عقيم أنا أكتفي بردي هذا وأقول أنا من موظفي الخفجي والتعميم واصلنا عشان ما تقول إن التعميم فقط للإداره وبعض الأقسام، بعدين على قولت المثل صمت دهرا" فنطق كفرا" ، تقول خدمتك طويله لكن للأسف أول ما شاركت كعضو جديد هاجمت الشركه ، أتمنى ترتقي بمستوى الحوار وتترك عنك الألفاظ الغلط لأن كل إنسان محاسب عن ما يقول والموضوع مافيه فلسفه ولا بطيخ بس أنت شاد شوي تبي تسهر وتداوم على كيفك.
     
  8. criminal

    criminal بـترولـي جـديـد

    10
    0
    0
    أظن الرقي بالحوار يا أخ "باري"يتظمن كلمة بطيخ اللي تفضلت فيها و أيضا تسهر و تداوم على كيفك!!!
    وحضرتك من موظفين الخفجي وما عنك علم باللي يصير بالوفره و الأقسام الداخليه بوجه خاص....ماعندي وقت أضيعه بهالجدال معاك بس أضن أتضح الحين منو اللي ينطبق عليه "سكت دهرا و نطق كفرا" يابترولي نشيط.
    انطرح الموضوع بشكل عام وما مسيت أحد بشكل خاص فياريت الرد يكون موجه بشكل عام أيضا للحفاظ على الرقي في الحوار و الإبتعاد عن الخطأ المباشر.
    والله يعطيك العافيه.
     
  9. جابر

    جابر قــلــم بــتــرولــي أعضاء الشرف



    الله يكون فى عونكم على هالدوام ..

    نعم من حقكم تطلبون من النقابه تشوف لها صرفه ..واللى جابوا تسكين الدرجات مو عجزانين يغيروون أمر إدارى بحت مثل هذا ;)

    بس للعلم أخوى شرهتك على ربعك ..وأعتقد نائب الرئيس ومعاه ناس ..كلهم من الوفره ..ويقدروون يسوون شى .....أحد من المتضررين (مثلك) راح لهم ...جمع توقيعات الشباب وشرحلهم ..
    لأن هالدوام يمكن مايعجبنى أنا وأنت ..لكن يمكن الباقين يبووونه ..

    وسلامتك
     
  10. criminal

    criminal بـترولـي جـديـد

    10
    0
    0
    شاكرلك أخوي على المشاركه الطيبه,في كل سنه وقبل بداية الشهر الفضيل...الإداره تخيير الأقسام الداخليه بالنسبه لوقت الدوام في شهر رمضان(مثل استفتاء ويآخذون برأي الأغلبيه).
    والغالبيه العظمى بحد معرفتي تتفق على شي...لكن نتفاجئ أن مسئولين الأقسام الداخليه يبلغونا بالعكس يعني هالإستفتاء ماله معنى مجرد تحصيل حاصل.
    ومثل ما تفضلت لآزم نكلم النقابه عن هالوضع.:confused:

    وكل عام والجميع بخير :p
     
جاري تحميل الصفحة...

مشاركة هذه الصفحة