صندوق الزمالة

صج كلامك اخوي

وانا والحمدالله شلعت أول ما دريت بالقمنده
وللي انقص من راتبي يالله دفعة بلا والحمدالله
ناس صارها دهر .. ماتت وتحللت وهم للحين يماطلون ويسوفون بأنهم يردون افليساتهم لهم
وتعال أقبض من دبش
عاد قمت وعلمت كل رفيجاتي بالسالفه عشان ينفذون بيلدهم

 

اخوي اسمحلي انا اعرضك بالراي اهم ماحطو هالصندوق الا في من وراه منفعه للموظف ولا جان لغوه من زمان وانت لاتحسبها

جذي احسبها بعد ماتتقاعد جم بيطلعلك ولا احد يقص عليك ترى اهم يعطون بالدور وعلى فكره دورك مايطول اكثر من 3سنين

جنك حاهم بالبنك وبعدين تاخذهم مع الخدمه الافضل وشوف جم يصير ولا انت اشرايك

 

ليس دافعا

ولكن الكلام هذا تجريح وشكوك حول ذمة شخص

إلا إذا عندك دليل نورنا

واخير أرجو أن تقرأ رابط الموضوع بتمعن


http://www.q8ow.com/vb/showthread.php?t=156




ودمت بود

 

أنا أتفق مع أخوي همر بالراي

 

اخواني صندوق الزماله صح يعطي مساعدات بس مو بالقدر ألي تعتقدونه يعني إذا واحد مثلا احترق بيته يدفعون له بالكثير 500 دينار اما العلاج بالخارج وألي تقولون عنه .... هذيل يتوسط لهم رئيس النقابة ويروحون على حساب الشركة مو على حساب صندوق الزماله كما تعتقدون
بعدين الدور صح ياخذ وقت طويل يصل إلى 5 سنوات بس هذا مو من النقابة وسبب هذا أنتقال موظفين شركة نفط الكويت إلى البترول الوطنية منذ سنوات بعيده وهذا الشي أهو ألي سبب الربكه حق النقابة ...
صح كان في وقت لما واحد يطلع تقاعد يجيب حق النقابة أوراق على أساس أنه مطلوب ويجدمونه على غيره بس لما أستلمت القائمة العمالية النقابة وقفت هالشي ... وأصبح الأستثناء بس لما يتوفى الموظف وهو ماستلم فلوس الصندوق تصرف فوراً حق ورثته بس
وسامحونا على الأطاله

 

خوش فكره ويكون بعد مع السلاري يبين جم رصيدك مو يستقطعون والسلام

 

أنا أظن وجوده وعدمه واحد وضع لمصالح وأهداف الله يعلمها

 

كان هذا أقتراحي لهم قبل 12 سنة تقريباً قلت لهم ليش ماتحطون كل شهر أسامي ألي لهم الحق في صندوق الزمالة حسب الدور وكل واحد يكون عارف دوره بالضبط وبعدين كل شهر تزال أسامي ألي أستلمو وجذي يبين الدور ومايصير في تلاعب .... بس ماوافقوا على كلامي وطبعاً انا مونقابي كان مجرد كلام بيني وبينهم

 

يالشايب من 12 سنة

إتصلت قبل شوي بالنقابة وسألت السيد علي زيد الموظف المسئول عن صندوق الزمالة
قال الأسامي موجودة بالدور وتقدر تمر علي النقابة وتشوفهم وأنا رايح له أتأكد

 

طيب يا أخوان اللي يبي يتقاعد شهر 12 هالسنه متى انشاء الله بيجيه الدور

والله اني خايف يجيني الدور بعد 30 سنه والا انا مفنقش ومستانسين فيها هالسرابيت عقبي.

 

السلام عليكم
والله يا اخواني انا مشترك في صندوق الزمالة ... مع ان قالولي ان يتاخرون في صرف الفلوس للمتقاعدين .... بس هذا على حسب كلامهم ان هذا التاخير سببه كان قلة عدد الموظفين المشاركين في صندوق الزمالة
ويعطيكم العافية

 

كلام جميل وان شاءالله تقدر توفر لنا نسخة من اللسته علشان نحطها للأخوان هنا في موضوع مستقل ان شاءالله

 

المفروض هاللسته تكون بشكل دوري واذا مو بالمنتدى خلي يوزعونها عالاقسام او يحطون صفحه بجريدة الشركه

مواحسن

 

ما شفنا المعتدلة سوت شي بهالموضوع
لكن سمعنا إن الفلوس طارت لأسباب مجهولة واكتموا الموضوع (والله أعلم)

 

انا ادري إن في كشف بالنقابة بالدور بس .... ليش مايتم تعليقه على مدخل نقابة نفط الكويت ويكون كالتالي

توضع أسامي المستحقيين حسب الدور
توضع أسامي الي أستلم مستحقاتهم خلال هالشهر
توضع أسامي ألي طلعوا تقاعد (جدد) وتتم غضافتهم مع الكشف

بعدين في شي وهو ... إذا لا قدر الله وتوفى أحد اعضاء صندوق الزماله وهو متقاعد يقدم دوره وياخذون الورثه المبلغ على طول .... هم هذا لازم يكون واضح

بعدين كل مازادو عدد اعضاء الصندوق كل مازاد المردود للكل