بخصوص اعلان التوظيف حديثي التخرج

الكاتب : Bos3ayd | المشاهدات : 1,355 | الردود : 15 | ‏16 أغسطس 2009
  1. Bos3ayd

    Bos3ayd بـترولـي مميز

    523
    4
    18
    يعطيكم العافيه شباب وبنات :) حبيت اسأل الي قدّم على التوظيف بالkpc على وظائف حديثي التخرج ، في احد عنده اي معلومه عن التواريخ الي راح يدقون علينا فيها ؟ يعني بعد ما امتحننا انجليزي وقدرات و سوينا المقابله الشخصيه ، في احد دقوا عليه ؟ في احد عنده اي علم او معلومه بخصوص الموضوع ؟ انا بالنسبة لي اتوقع التعين يمكن يبلش بعد رمضان و العيد لكن حبيت اتأكد :)

    ويعطيكم الف عافيه مقدما.
     
  2. عاندني الحظ

    عاندني الحظ بـترولـي نشيط جدا

    207
    0
    16
    وانا اتوقع جذي..

    بس لا تتوقع ان بيقبلون وايد مثل السنه اللي فاتت
     
  3. عاندني الحظ

    عاندني الحظ بـترولـي نشيط جدا

    207
    0
    16
    يعني منتدى كله موظفي بترول ومحد يدري متى القبول ,,, ما يصير ,,, حشى عليكم تكتم مو طبيعي ولا امن دولة

    الحين انا بعرف متى بتطلع النتايج وبيقبلون احد والا حاطين الاعلان جذي وبس
     
  4. Chem.Eng

    Chem.Eng بـترولـي نشيط جدا

    182
    0
    0
    انا هم ودي اعرف
    على الاقل لو نعرف فتره زمنيه معينه

    وما اصدق سالفه محد يدري
     
  5. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
  6. [ عبدالعزيز ]

    [ عبدالعزيز ] بـترولـي نشيط

    السلام عليكم

    عاندني الحظ

    مو سالفه تكتم اعلامي والله لو اعرف متى يومي

    عرفت متى تطلع النتايج

    اخوي تاكد اذا لك نصيب بتاخذه شاء من شاء و ابى من ابى

    مالك الا الصبر والله يوفقك دنيا و اخره
     
  7. chemical-eng

    chemical-eng بـترولـي جـديـد

    20
    0
    0
    دام فاتحين الموضوع للتوقعات
    انا بعد اتوقع على بداية رمضان توصل رسايل القبول للمقبولين
    والى نهاية رمضان يكون الفحص الطبي ويستمر ربما بعد العيد باسبوع
    وبعدها باذن الله الدوام رسمي
    تقبلو توقعاتي فهي مجرد احلام واماني اتمنى ان تتحقق
    نسأل الله التوفيق للجميع
     
  8. Bos3ayd

    Bos3ayd بـترولـي مميز

    523
    4
    18
    صعبه يشتغلون في شهر رمضان اخوي ، اغلب كبار الموظفين والمسؤولين طالعين اجازات واتوقع الشغل كله راح يبلش من بعد العيد ، ويجيب الله مطر ، انشالله خير :)
     
  9. المنصور

    المنصور بـترولـي خـاص أعضاء الشرف

    اخواني

    احنا متفهمين وضعكم وايضا متفهمين عتبكم

    ولكن..

    فعلا ً محد يدري لأن اللجنة المختصه للتوظيف في مؤسسة البترول الكويتية

    هي لجنة مشكلة من جميع الشركات

    وموضوع التوظيف فيه سرية

    فـ محد بيكون عنده خبر عن اي شي ومسألة التوظيف تاخذ وقت

    ولو اي شخص من الدفعات اللي قبلكم يدخل المنتدى

    فـ راح يشرح لكم عن الفترة الطويله اللي مروا عليها

    وثقوا تمامًا ان اي شخص عنده معلومه اكيده.. ماراح يبخل عليكم فيها

    ونصيحه لكم اخواني "الصبر طيب"

    وتجنبوا الاشاعات
     
  10. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    بدل التوقعات والأحلام هذي ..
    انا ما أحبط بس أتمنى انهاَ تتحـقق (تكسرون الخاطر جذي) لوول
    من الإحـسسسن دق سيارتك سلف للشركة نفسهاَ واستفسر

    تمسكن حتى اتمكن (وأفهم)
     
  11. Chem.Eng

    Chem.Eng بـترولـي نشيط جدا

    182
    0
    0
    بالعكس احنا مو قاعدين نجذبكم انتو

    احنا نقصد ان مو معقوله مافي شخص بالمؤسسه مايدري متى
    والله كريم
    نطرنا بالشهور محنا عيزانين ننطر شهر زود
    بس قاعده تروح منا فرص
     
  12. Bos3ayd

    Bos3ayd بـترولـي مميز

    523
    4
    18
    تبي نصيحة اخ ؟ لا تنطر وتضيع اي عرض توظيف اييك ، حاول تتوظف بأي مكان و مثل مايقولك عصفور باليد ولا عشرة على الشجره ، يعني انت باجر ماتضمن نفسك انه راحت تنقبل ولالا بالشركة لا سمح الله ،تبي تقولي مالي خلق عباله واستقاله وتأمينات ، بقولك مردك راح تراجعهم اول وتالي ، واذا ماراكضت حق نفسك صدقني محد بيفيدك :) تحياتي وبالتوفيق للجميع انشالله :)
     
  13. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت

    كلام الاخ صحيح 100٪
     
  14. EviaN

    EviaN بـترولـي نشيط جدا

    السلام عليكم

    انا امس مريت يم مبنى مؤسسه البترول الى الان قاعدين يقابلون الناس :) الباص رايح راد

    انا اتوقع بعد العيد مباشره يبدون يدزون مسجات


    واتوقع اخر شي اخر شي شهر 11 :) نفس العام


    وبالتوفيج
     
  15. تكنولوجي انتاج

    تكنولوجي انتاج بـترولـي جـديـد

    14
    0
    0
    السلام عليكم ورحمه الله

    امس رحت وسألت بالموسسه

    سألت اول شي قلت لهم متى اخر يوم مقابلات شخصيه متى تخلص ؟

    قالي المقابلات خلصت ماباقي الا تنطر يدزون لك مسج القبول أو الرفض لاسمح الله

    قلت متى ؟ قال ماندري يوم يومين اسبوع شهر الله واعلم

    يقول فوق عند المسؤلين

    وفيه واحد من الشباب مقدم معانا ما خلص المقابله يقول شهر 10 فيه مقابلات

    اتوقع ماراح يبين القبول الا بعد ماتخلص جميع المقابلات الشخصيه

    ياليت تتأكدون من سالفه المقابلات اللي شهر 10 أكيد والا لا ؟
     
  16. OilAndGas

    OilAndGas بـترولـي جـديـد

    23
    0
    0
    الله اعلم بس اذكر مقابلتي قالولي هذا آخر اسبوع مقابلات بالفتره الي طافت

    ما اتوقع فيه مقابلات بس آخر خبر وصلي احتمال الدوام يبدي عقب العيد

    يغني يدزون مسجان خلاص رمضان


    بس ماتدرون يمكن اشاعه والكل حجي

    الله يسهل علينا يارب

    ومبارك عليكم الشهر
     
جاري تحميل الصفحة...

مشاركة هذه الصفحة