المنطقة الخامسة في ميناء الأحمدي

الكاتب : ابوراشد | المشاهدات : 1,279 | الردود : 9 | ‏13 أغسطس 2009
  1. ابوراشد

    ابوراشد بـترولـي نشيط جدا

    303
    2
    18
    مساء الخير على الجميع

    الكل عارف مشاكل موظفين العمليات في مصفاة الأحمدي , بس عندنا المنطقة الخامسه تقول خارج نطاق التغطيه

    اجازتهم ماشاءالله عليهم بالهبل , قدم ويرزقك الله مره مرتين ثلاث اربع مظبطين روحهم

    الترقيات على ودنوه مو مثل باقي المناطق يتصيدون باليوم واليومين الطبيات علشان يأخرون ترقيتك

    البونص سألت الشباب اللي هناك طلع تقريبا 90 % ماخذين بونص

    كانت الطبيات عندهم واجد وقبل فتره خفت الطبيات بشكل ملحوظ والسبب ان ادارتهم مو مقصره معاهم بالاجازات ولا مقصره معاهم بشي

    نص الموظفين ماخذين كتب شكر , يعني اي شغله يسوونها ياخذون كتب شكر

    مو مثل ربعنا ان سويت شي محد قالك مشكور وان اخطيت بشي بسيط تولجوك بالانذارات .

    والتيم ليدر مالهم ماشاءالله عليه مكتبه مفتوح لهم مو مثل ربعنا لازم تاخذ موعد ولازم تبلغ رئيس القسم قبل تروح.

    لا وفوق هذا جديد على الميناء مو قديم , يعني بلانا من ربعنا القدامى .

    عندنا قانون اذا تبي تبدل قروبك مال الاجازات لازم خلال اول شهر من السنه


    ولازم تبدل الاجازه كامله ومايصير تبدل مع قريد غير قريدك حتى لو انه فيلد ابريتر .

    عندهم تقدر تبدل اجازه كامله وتقدر تبدل نص اجازتك بس

    وفي اي وقت تقدر تبدل اجازتك مع اي شخص.

    الهدايا عد وخربط والكوبونات عد وخربط

    انا قبل على بالي كل الامور هذي ممنوعه ولازم موافقه من المدير او من اللي فوقه , طلعت كل الامور هذي بأيد التيم ليدر لكن ربعنا للأسف خاشينها حق ربعهم الخاصين . بس في المنطقة الخامسه رزقهم الله بتيم ليدر شقردي مبدي ربعه على نفسه .

    لا وفوق هذا انجازاته الفنيه على مستوى المصفاة مشهود لها وموجوده على موقع العمليات .

    والله انه الربع يسولفون لي وانا مو مصدق , اقولهم معقوله في تيم لدير في مصفاة الأحمدي جذي ؟ بس طلع الرجال بالاساس جاي من ميناء عبدالله , وميناء عبدالله اهله اوادوم متعودين على الخير مو مثل ربعنا ذابحهم الحسد والبخل .



    زبدة الكلام , اذا تيم ليدر واحد قدر يسوي كل هالشغلات ومن خلال طيبته وتعامله الطيب قدر يقلل الطبيات ومراضي الكل والكل يبيه , ليش باقي التيم ليدريه مايسوون مثله ؟؟ ليش الواحد يكلمك من راس خشمه ويتصيد عليك الزله ؟؟

    نداء الى الاخ الغالي مناور المطيري مدير العمليات , خل التيم ليدريه ياخذون دورات تدريبيه في فن الاداره عند التيم ليدر مال المنطقه الخامسه .
     
  2. 4649

    4649 بـترولـي نشيط جدا

    180
    0
    16
    ياليت الكل يصير مثل ابو فهد

    مو الواحد تقول وزير مايطالع الناس


    وانا صراحه ماستغرب هالشي عليه من ايام ماكان في ميناء عبدالله
     
  3. poratl

    poratl بـترولـي نشيط

    96
    0
    0
    الحمد لله منطقتنا من المناطق المحظوظه بوجود الشباب الطيبين امثال عبد الهادى وفالح ومن قبلهم سالم حمود
    وخالد وابو رجا(الله يذكره بالخير) بس من الصعب جدا انك ترضى جميع الناس والاذواق للاسف الشباب مالحقو على ايام عادل الشرهان وخالد العثمان وتمام نجم وشاهين وغيرهم ايام الجد والشده عموما الله يوفق الجميع
     
  4. ابو محمد11

    ابو محمد11 بـترولـي جـديـد

    4
    0
    0
    والله والنعم بو فهد

    يستاهل انسان خلوق وعملي وعرف شلون يراضي الجميع ويخليهم يحبونه
     
  5. المشموس

    المشموس بـترولـي نشيط

    53
    1
    8
    الطيب يستاهل الشكر

    ونتمنى ان يحذوا باقي التيم ليدرز في المصفاة حذو تيم ليدر المنطقه الخامسه
     
  6. بوعدول

    بوعدول بـترولـي جـديـد

    25
    0
    0
    كل هالانجازات والناس مو عاجبها والله يا بو فهد يا ليتك ترجع ميناء عبدالله علشان يعرفون هالناس اللي مو عاجبها شيء قدرك .
     
  7. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
  8. المشموس

    المشموس بـترولـي نشيط

    53
    1
    8
    هذا التيم ليدر للأمانه من الكفائات التي نتمنى ان نراها تمسك مناصب أعلى ان شاءالله

    وياليت الكل يحذو حذوه
     
  9. abosara

    abosara بـترولـي جـديـد

    1
    0
    0
    ياااجماعة انا بالمنطقة الخامسة وعند ابو فهد
    والكلام هذا مو صحيح انتوا مضيعين يمكن منطقة ثانية قصدكم اكيييد مضيعين لاني خدمة 28 سنةبالمنطقة الخامسة
    والوضع ما تغير كثير بالعكس الوضع سئ ...عصرنا الذهبي مع ابو محمد خالد الهاجري الله يذكره بالخير وصعب يجي احد يغطي مكان الذيب ابو محمد
     
  10. قلق

    قلق بـترولـي جـديـد

    36
    0
    0
    الكل فيه خير ابو محمد او ابو فهد المنطقه الخامسه محسوده عليهم علي حسب علمي
     
جاري تحميل الصفحة...

مشاركة هذه الصفحة