جدول الزيادة + شرح الجدول مصور

الكاتب : mohammed | المشاهدات : 3,010 | الردود : 15 | ‏19 نوفمبر 2007
  1. mohammed

    mohammed بـترولـي نشيط جدا

    496
    0
    0
    السلام عليكم ورحمة الله وبركاته
    اخواني اليوم راح انزل لكم جدول الزياده بالتفصيل
    وان شاء الله يكون هذا الجدول النهائي وهذا
    مثل ما وصلي
    والي خلاني اطر اني اشرحه لانا كثير يسؤلون اشلون طريقة الزياده
    فا راح يكون الشرح على قريد 10 المتوسط بين القريدات
    والخير واجد بس انتبهو معاي علشان تعرفون كم الزياده
    بسم الله نبدء
    صورة لجدول الزياده

    [​IMG]

    1 - هذي هي الدرجه الي يتم الحسبه عليها
    2 - متوسط المربوط لقريد 10 وهو 425 ( يعني الزياده راح اتكون على متوسط المربوط يعني انت لو في بدايه المربوط راح تجي الزياده على متوسط المربوط ماله شغل اذا انت في بدايه المربوط ولا نهايته الحسبه راح اتكون على متوسط المربوط )
    3 - الزياده على المبروط 19% معناته راح يتم الزياده على متوسط المبروط 19%
    4 - وهذا معناته الزياده الي تم حسبتها وهي 80.650 ( متوسط المربوط 425 * 19% = 80.650)
    5 - المكافئه للموظف الكويتي فقط وهي 120 دينار
    6 - المجموع 200.750

    ( الحين طلع معانا 200.750 دينار حلوه صح )


    اتهقون بس هذي الزياده .. خلونا انكمل تستاهلون يا عيال الديره وموظفين القطاع النفطي

    7 - هذي زياده على بدل طبيعة العمل وهي تتفاوت على حسب بدل خطر الي انت عليه يعني لو كنت
    تستلم بدل خطر
    25 راح يصير 50 دينار
    50 راح يصير 100 دينار
    75 راح يصير 125 دينار
    100 راح يصير 150 دينار

    اتهقون بس هذي الزياده .. خلونا انكمل تستاهلون يا عيال الديره وموظفين القطاع النفطي

    8 - بدل شفتيه
    35 راح اتصير 70 دينار


    جدول للدرجات
    [​IMG]
    اتمنا من الله انه يكون الشرح وافي
    واذا في اي زياده يفيد الموضوع شاركونا جزاكم الله خير
    واتمنا انا الزياده اتكون كامله ولا يكون فيها اي نقصان

    تقبلوا تحياتي
    ابو عبدالله
     
  2. نـقـابي

    نـقـابي اللـجنة الإعـلامية

    39
    0
    0
    نقابة
    دولة الكويت
    الله يعطيك العافية ابوعبدالله شرح وافي وكافي
     
  3. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الله يعطيك العافية وبيض الله وجهك يا ابوعبدالله
     
  4. mohammed

    mohammed بـترولـي نشيط جدا

    496
    0
    0
    ما شاء الله عليك يا النقابي متابع جيد

    والحمد الله انه الشرح كان وافي
     
  5. mohammed

    mohammed بـترولـي نشيط جدا

    496
    0
    0
    ووجهك ابيض يا ابو فاطمة
    مشكور على المرور
    والي يهمنا والله خدمتكم
     
  6. LaRambla

    LaRambla بـترولـي خـاص أعضاء الشرف

    2,041
    3
    38
    يعطيك العافية

    بس شكلك تعبت عالفاضي
     
  7. Eng.Vampire

    Eng.Vampire بـترولـي خـاص

    يعطيك العافية بس شكله ما راح يطبق
     
  8. mohammed

    mohammed بـترولـي نشيط جدا

    496
    0
    0
    والله اخوي LaRambla
    اذا شرحي راح على الفاضي انا اضن الاهم هو الموظف واني شرحت له الجدول والغايه فقط ارضاء الموظف
    لاكن اذا اقروه ولا ما اقروه والله ماني صاحب القرار
    ولو اني صاحب القرار كان ضاغط الزر من زمان
    :)


    اخوي Eng.Vampire مرحبه
    والله علمي علمك يطبق ولا ما يطبق ما عندي خبر
    المهم انا الزياده اقرت ولا سمعنا انهم نقصوا اي زياده
    اذا عندك خبر او شي علمونا
    يجزاكم الله خير
     
  9. Eng.Vampire

    Eng.Vampire بـترولـي خـاص

    اخوي Eng.Vampire مرحبه
    والله علمي علمك يطبق ولا ما يطبق ما عندي خبر
    المهم انا الزياده اقرت ولا سمعنا انهم نقصوا اي زياده
    اذا عندك خبر او شي علمونا
    يجزاكم الله خير[/QUOTE]

    قواك الله بو عبدالله وان شاء الله يطبق القرار ......
     
  10. العرباوي

    العرباوي بـترولـي جـديـد

    10
    0
    0
    مشكوووور يا بوعبدالله
    والحمد الله :)
     
  11. rahy50

    rahy50 بـترولـي نشيط

    78
    0
    0
    سؤال فني ..
    ما هو "المربوط" ؟
    وشلون اعرف انا اي مربوط؟؟
    ومتى ينتقل الموظف من بداية المربوط الى متوسط الربوط ؟؟
     
  12. mohammed

    mohammed بـترولـي نشيط جدا

    496
    0
    0
    عرباوي حياك الله ولا سوينا غير الواجب
     
  13. mohammed

    mohammed بـترولـي نشيط جدا

    496
    0
    0
    حياك الله اخوي rahy50
    رد على الصفحه الاولى للموضوع انا ارفقت صوره لجدول الدرجات

    اول شي لازم تعرف انت اي درجة
    ولنفرض انت على درجة 10
    المربوط الاول 280
    المربوط الثاني 425
    المربوط الثالث 570

    الحين اول ما اتوظف على درجة 10
    راح اتكون على مربوط الاول الي هو 280
    وكل سنه على حسب تقريرك السنوي يزيد الراتب
    كل ما كانت تقاريرك السنويه زينة كل ما زاد الراتب الاساسي
    لنفرض كل سنه كانت الزياده على الراتب 20 دينار
    على ما توصل منتصف المربوط يبيلك 7 سنوات :)
    معناته لازم اتخلي التقارير السنويه ممتازه علشان يرتفع بشكل اقوى
    التنقل من مربوط الى مبروط مرتبط في طول فترة العمل
    ارجوا اني توفقت في الشرح


    واذا في احد عنده اضافه يقدر يتفضل
     
  14. rahy50

    rahy50 بـترولـي نشيط

    78
    0
    0
    شكرا للشرح بوعبدالله لكن عندي استفسار ..
    الحين انا مثلا قريد 11 المربوط الاول .. اذا خذيت المربوط الثاني بعدين ترقيت صرت قريد 12 ارجع المربوط الاول على قريدي اليديد ولا اظل على المربوط الثاني ؟

    وشكرا
     
  15. mohammed

    mohammed بـترولـي نشيط جدا

    496
    0
    0
    تظل على الراتب الاساسي
    يعني لنفرض فرض
    انك الراتب الاساسي
    325 على درجة 11
    وترقيت لدرجة 12
    راح اتروح على مربوط الاول الي هو 394
    راح يزيد الراتب الاسي من 325 الى 394
    يعني راح يزيد الراتب 70 دينار تقريبا

    اما اذا كنت على قريد 11 وكان الراتب الاساسي 400 دينار
    وترقيت الى درجة 12 من المفروض تنتقل الى الدرجه 12 على المربوط الاول
    لاكن انت الحين متعدي المربوط الاول في درجة 12 لانا راتبك الاساسي 400 دينار
    ومربوط الاول لدرجة 12 هو 394
    في هذي الحاله مراح يزيد راتببك الاساسي لاكن راح يزيد بدل الاجار والزوجيه وغيرها من هذي الامور
     
  16. LaRambla

    LaRambla بـترولـي خـاص أعضاء الشرف

    2,041
    3
    38
    الموضوع كان مثبت وشالوه


    هذا اكبر دليل على رفض الزيادة
     
جاري تحميل الصفحة...

مشاركة هذه الصفحة