ليش يعني :(

الكاتب : بنت حمايل | المشاهدات : 705 | الردود : 12 | ‏12 أغسطس 2009
  1. بنت حمايل

    بنت حمايل بـترولـي نشيط

    :mad::mad:

    السلام عليكم يا جماعة

    الموضوع يقهر ترى والله


    ليش يعني نطالب ونطالب وما كو احد يسمعنا

    احنا الحين لما نطالب باسقاط القروض
    او بتعمير الكويت
    او ببناء مستشفيات جديدة
    او تخضير الديرة
    محد يسمعنا

    ولما العراق يطالب باسقاط ديونة نسمع له ونفكر وندرس الموضوع
    ولما يفتحون بارض المعارض معرض تعمير العراق ( يعني يطرون فلوس ) لتعمير هالديرة اللي عمرها ماراح تتعمر

    نشارك ونعطي


    منو الاولى بالموضوع احنا او اهما
    للأسف ان بعض النواب والشيوخ بعد يمسحون من ذاكرتهم الغزو ومنظر الاسرى والشهداء والتعذيب

    ولما تكلمهم يقولولك السياسة تبي جذي

    وين هالسياسة اللي ما فادتنا بالغزو

    ما نقول الا الله يرحمك يا بابا جابر - ما كنت ترضى باللي يصير
    ومهما يصير دمعتك غالية علينا وبتكون غالية علينا
    وبنحارب اللي نزلوا دمعة من عيونك الحلوة

    الله لا يسامحهم ولا يسامح اللي يساعدهم


    هذيلة لو شنو من ايام قاسم لا والله من ايام الرسول عليه الصلاة واليلام منبوذين ومغضوب عليهم

    الحين نروح نساعدهم

    صج دنيا اي والله دنيا


    ما نقول الا الله كريم
    وحسبيا الله ونعم الوكيل
     
  2. الصايغ

    الصايغ بـترولـي خـاص

    مشكورة علي الموضوع الي اكيد الكل يفكر فيه
    وهذا اهو مطلب كل فرد منا والورقه هذي نسلمها لايادي اعضااء مجلس الامه للمناقشتها بقاعه الشيخ عبدالله السالم
    ومشكورة للمرة الثانيه وتقبلي مروري
     
  3. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
    قد اسمعت اذ ناديت حيا ولكن لا حيات لمن تنادي
     
  4. F-KeY

    F-KeY بـترولـي نشيط

    119
    0
    0
    حسبنا الله ونعم الوكيل
     
  5. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    تهقين لأن ما في خوف منا :)
     
  6. بنت حمايل

    بنت حمايل بـترولـي نشيط

    مشكورين على الردود الحلوة

    بس جد الواحد منبطة جبده من هالاشياء

    ولزوم قولة _________________ بـــــــــــــــــــس ____________________________

    لازم نقول بس
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    احتمال هناك ضغوط خارجية لأسقاط الديون عن العراق : )
     
  8. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    ضغوط خارجيه ولا ضغوط داخليه مافي شي راح يمر إلا عن طريق بوابة مجلس الامه فاذا مر هذا الموضوع فحاسبوا نواب الامه المتخاذلين
     
  9. بنت حمايل

    بنت حمايل بـترولـي نشيط

    اللي بيطلع مظاهرة على هالموضوع يقولي
    انا وياه
     
  10. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    ههههههه ، العراق ما يبين بعينها شي لو مهما تعطيها الكويت ، جان بين بعينهم ايام صدامو المقبور ساعدناهم و كافئونا

    بأنهم دشوا اراضينا عنوة و الباجي تعرفونه ، المعنى ابناء الديرة اولى من غيرهم ...


    اسم الله على جبدج اختي من البط
     
  11. المعلمة المتميزة

    المعلمة المتميزة بـترولـي مميز

    945
    0
    0
    مشكوره على الطرح .... ما علينا الا بالصبر
    تقبلي مروري
     
  12. بنت حمايل

    بنت حمايل بـترولـي نشيط

    هلا انوار شكرا لمرورج يا قلبي
    يا بنت الدسمة
     
  13. reznama

    reznama بـترولـي مميز

    يا بعد قلبي ليش تحرقين أعصابج ...........!!!

    ما دريتي إن العراق صار " العراااااااااااق الشقيق " ؟؟؟؟

    ما دريتي إن الكويتيين خنت حيلي طيبين وايد ؟

    وينسون بسرعه ... ويقولون يلااا .. المسامح كريم ..!!

    بعدج يا بنت الحمايل ما دريتي عن كل هالأشياء اللي تحرق القلب مو بس اتبط الجبد على قولتج ..

    يلا شنسوي بعد .. لازم نسامح " العراق الشقيق " ..

    لااااااااا ويحرقون قلبي يوم يقولون شقيق ولازم نتعاطف معاهم

    وعيالنا خنت حيلي ما راحوا من جيس أهلهم بسبة " العراق الشقيق " .. لا حشى ..

    والحشى عن ألف يمين ....

    لي متى بنسامح وبنصير طيبين ؟؟

    قاسم .. ومن بعده صدام ........... وما يندرا منو ياي عقبهم ......... و بنظل نقول .. " المسامح كريم " ؟؟؟؟؟؟؟؟؟؟؟؟؟

    ..
     
جاري تحميل الصفحة...

مشاركة هذه الصفحة