تذاكر بأسعار مخفضه

الكاتب : net1 | المشاهدات : 2,101 | الردود : 13 | ‏11 أغسطس 2009
  1. net1

    net1 بـترولـي نشيط جدا

    229
    0
    16
    بسم الله الرحمن الرحيم

    طبعا الكل شاف هل الايميل الى وصلني انا يوم الاحد الساعه3.11 pm

    طبعا العرض كان على الاماكن التاليه

    المدينة الترفيهية
    المركز العلمي+قاعة الاستكشافات
    الاكوابارك

    سعر التذكره بعد التخفيض دينار فقط



    طبعا للحين كل شي تمام والعرض وايد حلوو بس المشكله كالتالي :

    1- ليش العرض ليوم واحد ؟؟؟
    2- مدام العرض ليوم واحد اكيد راح تشوف زحمه قاتله
    3- انا رحت لهم يقولك كل موظف له5 تذاكر بس من واحد من هل الاماكن المذكوره (( انزين اذا الموظف عائلته اكثر من 5 شنو يسوي واذا يبي اكثر من مكان ؟؟ ))
    4- الموظف قالي انه الساعه10 خلصوو تذاكر المدينه الترفيهية


    ** وطبعا مافي نظام ولا ترتيب ولا في عدد موظفين كافي علشان يغطون الزحمه الى اساسا اهم تسسبو فيها لانه العرض ليوم واحد فقط شنو ( يوريكا احنا ولا الوزان )

    ** انا رحت ولا تدخل تكتب اسمك على ورقه وتنطر دوور على ما الموظف الى اهناك ينادي اسمك وتاخذ التذاكر(شنو مساعدات ولا تذاكر) الموظف الى اهناك قالي روح لانه اقل شي راح تقعد ساعه او يمكن اكثر وقالي بعد علشان ترتاح روح وتعال انت طالع من الدوام احسن بس هاااا خلال هل الوقت هذا اذا نادوو اسمك وانت مو موجود تروح التذاكر حق واحد ثاني !!!!!!!
    المهم انا رحت ومريتهم الساعه 2 ونص ولا القسم كله مافي احد ولا موظف موجود !!!! وين الى قالي انا وباجي الموظفين تعالوو الساعه 3 احسن لكم وانتوو طالعين من الدوام !!!!


    ** لي مته هذا التخبط الظاهر حتى هل السوالف يبي لها واسطه وحب خشوم وكلم فلان وعلان واذا تعرف احد شغلك ماشي ولا تتعب نفسك


    الحين الشركه بالموت تسوى عرض نفس العالم ولما تسوييه يصير جذي




    اخذوهااا مني ترا في موظف KOC عادي وفي موظف KOC+


    اترك لكم التعليق
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    صحيح كلامك و نطالب بقرعه لموطفين الكي او سي كما طبقوها في الكي بي سي
     
  3. net1

    net1 بـترولـي نشيط جدا

    229
    0
    16
    ليش قرعه ياخوي خلاص خل العرض مدته اسبوع على الاقل علشان انت ترتاح وتغطى اكبر شريحه ممكنه من الموظفين مو تخليه يوم واحد والى ياخذ ياخذ والى مايحوشه راحت عليه


    وللعلم باجي الشركات عروضها طووووووووووووووووول السنه
     
  4. Export_Doc's

    Export_Doc's بـترولـي خـاص أعضاء الشرف

    2,561
    0
    0
    لا يا خوي يوزعون الكيكه و الفضله للموظفين عشان يقولون في عرض
     
  5. داريوش

    داريوش بـترولـي جـديـد

    13
    0
    0
    صح السانك :)

    بس ترى انت غلطان ...... ليش اتروحلهم بالأساس ؟؟؟

    أدفع 10 دنانير على التذكرة ولا منتهم !!!

    عموما آنا الشركة مطلقها بالثلاث ما آخذ منهم إلا الراتب خل خدماتهم حقهم وحق ربعهم

    عيل عيال الأجانب يدرسون في أحسن المدارس الخاصة وعلى حساب الشركة وعيال الديرة في مدارس الحكومة الفاشلة الي كل يوم مدرس منتقل وييبون واحد على آخر السنة يقول آنا مالي شغل بالي طاف آنا أمشي على المنهج !!!!

    الواحد يحط عياله بمدارس خاصة أرخص من المدرسين الخصوصيين الي ييبهم حق عياله
     
  6. زعتر وبابونج

    زعتر وبابونج بـترولـي جـديـد

    15
    0
    0
    أنا قريت العرض وما لقيتهم كاتبين انه ليوم واحد بس سؤال ممكن ؟؟ انتوا شلون تقروون الايميل ؟؟؟ :confused:



    كاتبين انه ابتداء من يوم الاثنين من الساعه 7 الى 3 يعني أول يوم راح يبتدون التوزيع يوم الاثنين وباقي الايام الين ما تخلص التذاكر
     
  7. Q8-Dream

    Q8-Dream بـترولـي نشيط

    117
    0
    0
    أخوي طبعا الكل عارف ان الشركة شركة معارف وعلاقات فلازم يصير عندك نوع من العلاقات والمعارف مع الاوادم لانة بدون هالشغلتين امورك صعب انها تمشي وما راح توصل للي تبية بصعوبة تامة .. وغير هذا الله يعينك :)
     
  8. Lag

    Lag بـترولـي نشيط

    94
    0
    0
    في نقطة مهمة يا اخوان
    انا رحت ونطرت وخذيت تذاكر بس اكتشفت طااااااااااااااااامة كبرى
    لما يعطونك التذاكر ما يعطونك على حسب عدد عائلتك ,, يعطونك على حسب طلبك
    والهنود طاااحوله كل واحد خذا 20 تذكرة واكيد راح يبيعها برا
    النقطه الثانيه واحد من الربع شفتات وكان دوامه نايت ومايدري ويقولي عيالي يحبووون الاي ماكس
    شنو ذنبه هذا ؟
    والله كسر خاطري وقلتله اخذ تذاكري بس رفض
    وتحياتي لقيادات هالشركة ,, خوش اداره
     
  9. بن عامر

    بن عامر بـترولـي خـاص

    1,159
    0
    0
    k.o.c
    kuwait
    ليش مستغربين مو أول ولا آخر مهزلة تصير بعدين خلاص تعودنا .
     
  10. LPG

    LPG بـترولـي نشيط

    149
    0
    0

    معقوله يعطونك على كيفك؟ ما يطلبون بطاقاتك المدنية ؟

    هقوتي انك بديت تتخيل:) تحمدوا ربكم ان الشركه تعطيكم تذاكر حنا ما شفنا شي من ربعنا ليلحين واذا عيال خويك يبون الاي ماكس خله يدفع يا مال الغنيمة من فلوس النفط ويونس عياله
     
  11. EviaN

    EviaN بـترولـي نشيط جدا

    يمعود مدينه ترفيهيه واكوابارك ومادري شنو :× روح جمعيتكم مسوين خصم اكيد


    انا قلت الحين شاليهات ومنتجعات :×

    والله روح ود عيالك طفل المستقبل احسن :×
     
  12. net1

    net1 بـترولـي نشيط جدا

    229
    0
    16
    كلامك عدل 100%
     
  13. speed-way

    speed-way بـترولـي نشيط جدا

    يبا كل واحد قاعد يطبش على كيفة لا ترتيب لا نظام بس كل واحد وربعه الله يعينا و يعينكم
     
  14. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    ما ادري ليش هالعروض ما نسمع فيها احنا اخوانكم بالفير :) طالبكم اذا نزل شي تدزون لي على الخاص جود احصل لي تذكرة و لا شالية بهلتون المنقف :D
     
جاري تحميل الصفحة...

مشاركة هذه الصفحة