والله عيب والله فشلتنا هالقناه بالخليج انا انصح الناس يسكرون هالقناه ونتم بدون قناه رياضيه احسن لان القناه هذي قاعد تنزل مستوى الكويت عبر الاقمار الصناعيه ولا اكوا قناه تحط برنامج يختص بكره القدم في استوديو كره اليد؟ ابي افهم اهم من صجهم يعني ولا يتغشمرون كل اللي شافو برنامج ذاكره الاهداف اعتقد انه لاعت جبده من شكل البرنامج اللي يتكلم عن كره القدم ولقائات مع لاعبين كره قدم قداما والاستوديو مال بطوله كره اليد اللي تقام في مصر والله عيب يالقناه الثالثه شنو هالاهمال وين المسؤولين
اي والله شخباري القناة الثالثة ، الله يعافي الجزيرة الرياضية ............ يبه تلفزيون الكويت بشكل عام يفشل انا اصلا مقفلة قنوات الكويت عقب ما كان اهوه الرائد في المنطقة صار مستواه نفس مستوى تلفزيون السودان يسلمو صديقتي ع الموضوع
والله ما ينلامووون لا ميزانيه ولا شي حدهم الدوري شوفوا القنوات الثانيه الجزيره وابوظبي الرياضيه تدفع ملاييييين حق نقل المباريات وغير هذا شوفوا التصوير مالهم حق الدوري تصوير خيالي من كل صوب كاميرا مو تصويرنا مسكين بس واحد الي يصور الي يلبس غتره وعقال الي عند المعلق واقف جان تذكرونه من عرفت الكره وهو يصور قوووه الله ما نقول غير هذي الكويت صل على النبي
صندوووق الوزارة فاضي يصفر من شنووو .......................؟ ماني قايل اختي وين تبين مستوي القناة تكون بمستويات القنواة الاخري والكل عاايش بالوزارة هذي نايم ابي شي واحد بس تجاوبيني عليه جم وزير مر علي الوزارة هذي خلال السنتين او الثلاث سنوات الاخيرة وزير غير ثابت وزارة وقنواة غير ثابته تدرين شلون نصيحه لا تنقهرين من شي وتسلمين
اي والله فشلونه وحتى قناة الثانيه بعد اردى واردى برامج انجليزيه من سنه السبعينات والله فشله شنو هذا الحمدلله في الراي والوطن ساترين علينا
راح نشوف ان شاء الله في رمضان المسلسلات على القناه الثالثه للاسف ما راح تتطور هالقناه الف شكر لج يا كويتيه
القناة الثالثة تذكرني بمستوى التلفزيون السعودي قبل 10 سنين اللي الديكور مسوينة عند نجار لا و بوطقة بعد ... القناة الثالثة عندها نقص في كل شي .... الاموال الكوادر الفنية المذيعين الشي الحلو بالموضوع انه محد يشوف هالقناة الا الوالد عشان يتابع مباريات العربي و القادسية و الاخت كويتية ماركة : )
