المدير يرفض التصريح عن سبب تأخير الدرجات

الكاتب : ابوراشد | المشاهدات : 1,417 | الردود : 13 | ‏10 أغسطس 2009
  1. ابوراشد

    ابوراشد بـترولـي نشيط جدا

    303
    2
    18
    صبحكم الله بالخير جميعا

    اليوم اتصلت على 9171 اسأل عن درجتي المتأخره للأسف حالي حال الكثير من الزملاء
    طبعا ردت علي وحده من الخوات اللي هناك ( سلام ورد السلام ) قلت ابي استفسر عن درجتي ليش متأخره ؟

    قالت والله عندي تعليمات من المدير المضف اني ما اعطي اي معلومات حق اي موظف .

    قلت بس انا طالب معلومات حقي انا شخصيا مو حق احد ثاني ؟

    قالت لازم تخلي التيم ليدر مالك يراسلنا واحنا نبلغه .

    قلت التيم ليدر كل ماسأله يقول رفعنا الدرجات وللحين ماوصل الرد واللي ايده بالماي مو مثل اللي ايده بالنار , وانا ماني داق علشان اسولف انا داق اسأل عن ترقيتي .

    قالت اسمح لي ماقدر اعطيك اي معلومه .


    معقوله هذا التعتيم من الهيد اوفيس على درجاتنا ؟؟؟ ليكون طالب شي مو لي؟؟
    ليكون بس بيعطوني شي من مخباتهم ولا من حلالهم ؟؟ هذا حق لي ولكل موظف متأخر قريده

    شنو هالظلم ياجماعه والله حرام ,, يانقابه انصفونا الله ينصفكم
     
  2. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
    وانا مثلك يا اخي مصخة السافه بصراحه
     
  3. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
    وانا مثلك يا اخي مصخة السالفه بصراحه
     
  4. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
    ومره اتصلت على admin asesstant وسئلته عن الدرجه الي من 1/5 يقولي انت اشوه في غيرك من 1/2 وما وصلت بصراحه رد مقنع


    هذا وقت النقابه وينكم يا النقابه؟؟
     
  5. بن زريق

    بن زريق بـترولـي مميز

    804
    0
    0
    [الاضراب تكفون الاضراب]
     
  6. feed gas

    feed gas بـترولـي خـاص

    بشر الشركه بالسلامه دامك تنتخى بالنقابه..... اقول مالك الا تنطر وانت ساكت
     
  7. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    اخاف تسأل عن خزينة الدوله كله استفسار عن درجه ليش هالحواجز بصراحه يبيلهم من يحمر العين عليهم شدوا حزامكم يالنقابه ولاتحاتون وراكم رجال ماتهاب الصعاب بس انتم تحركوا بالأول
     
  8. feed gas

    feed gas بـترولـي خـاص

     
  9. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    لاوالله هذا المثل ينطق على المتخاذلين بس وإلا انا ابشر بسعدك بس سلمني القيادة
     
  10. ANACONDA

    ANACONDA بـترولـي مميز

    687
    0
    0
    هذا الشى مو غريب على تلك الادارة
    والطاسه ضايعه
    يا معود خلها على الله
    بس السؤال المهم فى ذلك
    اين موقف نقابتنا الكريمة من ذلك -- ولماذا كل هذا الصمت عن حقوق القطاع
    وهل انتخبوا للكراسى والبهرجه والتصوير ام لخدمة وارجاع حقوق موظفى القطاع ؟
    اللهم لا اعتراض ؟؟؟
     
  11. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    للأسف ان الاشخاص المسؤولين في هذا القسم لا يحملون اي قدر من المسؤوليه

    هذه درجات وحقوق ناس لا يجب التهاون فيها .. ليش يرفض الشخص يعطي معلومات للموظف ؟ ليكون طالب معلومات من وكالة الاستخبارات الامريكيه ؟
     
  12. زهرة التوليب

    زهرة التوليب بـترولـي خـاص

    انا ملاحظه الدرجات اللي تنكتب حق الموظفين في فتره الصيف كلها تتأخر
    احنا عندنا موظفين المفروض ترقيتهم تكون من شهر 4 و 5 لين الحين ما وصلت ولا شافوها !!!

    وعلى فكره وهذي معلومه صحيحه لما موظفين قسم شؤون الموظفين يطلعون اجازه في الصيف او برمضان الشغل يوقف
    ومحد يمسك مكان الثاني !!! انا بنفسي العام سائله موظفه عن تأخير الدرجات قالت لي مافي احد الكل بأجازه !!
    قلت لها زين وشغل الناس ؟ قالت مافي شي يضيع خو كله راح اييهم بأثر رجعي !!!

    بالله هذا رد ؟؟
     
  13. Neilz

    Neilz بـترولـي نشيط جدا

    242
    0
    0
    والله صح يا شباب انا كل ما سألت احد قالي بعد جم يوم وصارلي على هاحال يمكن اكثر من 3 اشهر ..


    المفرووض قريداتنا من 1/4 للحين ماو صلوا ...
     
  14. بوسلمان

    بوسلمان بـترولـي نشيط جدا

    261
    20
    18
    ذكر
    مشغل
    الكويت
    ماصااااااااااااااااااااااااااااااااااااااااااااارت


    حسبى الله ونعم الوكيل
     
جاري تحميل الصفحة...

مشاركة هذه الصفحة