## للمبتدئين : نبذة مختصرة لسوق الكويت للأوراق المالية ##

الكاتب : Winchester | المشاهدات : 845 | الردود : 7 | ‏9 أغسطس 2009
  1. Winchester

    Winchester المـراقب الـعـام

    السلام عليكم ورحمة الله وبركاته


    راح أشرح من خلال هذا الموضوع نبذة سريعة عن السوق الكويتي للأوراق المالية

    يتكون سوق الكويت للأوراق المالية من قطاعات مختلفة وهي :

    قطاع البنوك

    قطاع الأستثمار

    قطاع التأمين

    قطاع العقارات

    قطاع الصناعة

    قطاع الخدمات

    قطاع الأغذية

    قطاع الشركات الغير كويتية

    قطاع صناديق الأستثمار

    ساعات العمل الرسمية للسوق الكويتي ؟

    [​IMG]


    ما هي الوحدات بالسوق الكويتي ؟

    الوحدة أو الوحدات هي اقل كمية يمكن شرائها أو بيعها في السوق الرسمي .

    وهذا الجدول يبين أسعار الأسهم ومقياس حركة السهم باليوم الواحد وأقل كمية يمكن شرائها أو بيعها بالسوق الرسمي .

    [​IMG]


    اولا: اذا كان سعر السهم اقل من 50 فلس، فالوحدة لازم تكون من 80000 سهم وفوق. واكثر شي يرتفع او ينزل في اليوم 2.5 فلس.

    ثانيا: اذا كان سعرالسهم اكثر من 50 فلس واقل من 100 فلس. فالوحدة لازم تكون 40000 سهم. واقل من هالكلام يعتبر كسر. ويرتفع باليوم الحد الاعلى 5 فلوس وينزل الاحد الادني 5 فلوس.

    ثالث: اذا كان سعرالسهم بين 102 فلس و250 فلس. فالوحدة لازم تكون 20000 سهم. والارتفاع الاعلى 10 فلوس والنزلة كثرهم.

    رابعا: اذا كان سعر السهم بين 255 فلس و500 فلس، الوحدة 10000 سهم. والارتفاع الاعلى للسهم 25 فلس، والنزلة كثرهم.

    خامسا: اذا كان سعر السهم بين 510 والدينار، الوحدة هي 5000 سهم، والارتفاع الاعلى 50 فلس والنزلة كثرهم.

    سادسا: اذا كان سعر السهم بين 1020 فلس و2500. الوحدة 2500 سهم. والارتفاع الاعلى 100 فلس، والنزلة كثرهم.

    سابعا: اذا كان سعر السهم بين 2520 لي 5 دنانير، الوحدة 1000 سهم. والارتفاع الاعلى 100 فلس، والنزلة كثرهم.

    ثامنا: فوق ال5 دنانير. الوحدة 500 سهم، ويكون الارتفاع الحد الاعلى 250 فلس والنزلة كثرهم.

    ملاحظة : لايوجد ولاسهم في الكويت الحين فوق 2500، بس قبل في اسهم وصلت لى 5 دنانير واكثر.

    العمولـــــــــــــة ؟

    دينار وربع عن كل ألف دينار من قيمة الصفقة ولغاية خمسين ألف ، دينار واحد عن كل ألف دينار يزيد عن ذلك من قيمة الصفقة. فمثلا صفقة قيمتها 100000 دينار تكون عمولتها 62.5 عن الخمسين ألف دينار الأولى و 50 دينارا عن الخمسين ألف دينار الثانية أي مجموع عمولتها 112.5 دينارا.

    [​IMG]


    أن شاء الله اكون قدرت أوضح الموضوع لأبسط درجة ليستفيد منه الجميع
     
  2. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    عاد كنت ابي اعرف قيمة العموله من سنتين

    ميغسي بوكو :p
     
  3. Winchester

    Winchester المـراقب الـعـام

    حياك الله اخوي

    بالتوفيق
     
  4. WaRiO

    WaRiO بـترولـي مميز

    مشكووور على الموضوع الشيق .....

    بس اذكر قبل ... ايام الغيص :p

    انه راح يخلون السوق مفتوح ( اقصد مو وحدات كما هو معمول فيه )

    يعني تدش على اي شركه وتشتري اي كميه تبي فهل موجود حاليا او مطرووح ؟!
     
  5. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    انا صارلي سنتين من دشيت هالجبره اقصد السوق بس ما سمعت بـ هالشي كلش
     
  6. Winchester

    Winchester المـراقب الـعـام

    هذا الشي نسمع فيه من سنين ولكن لا تفاعل مع الموضوع


    وهذا صراحة شي مهم ليش تجبرني اشتري وحده خله مفتوحه نفس الأسواق العالمية


    مشكوووورين على المرور والاضافة الحلوة
     
  7. WaRiO

    WaRiO بـترولـي مميز

    سنتين ... :) توك بالاعدادي :)

    لا هذا الكلام قديم شوي .... ومثل ما اضاف اخوي Winchester هذا المعمول فيه بالاسواق العالميه

    موفقين
     
  8. AHMAD ALI

    AHMAD ALI بـترولـي مميز

    523
    0
    16
    ذكر
    Admin
    KUW
    اي والله دشيت وانا عمري اقل من 21 :confused:

    شيبني هالسوق حسبي الله عليه :p
     

مشاركة هذه الصفحة