الكويتي يدور كفيل !!!!

الكاتب : WaRiO | المشاهدات : 815 | الردود : 8 | ‏9 أغسطس 2009
  1. WaRiO

    WaRiO بـترولـي مميز

    السلام عليكم

    اليوم كلنا شفنا بالصحف الغاء قانون الكفيل بالنسبه للقطاع الأهلي ......


    http://www.alwatan.com.kw/Default.aspx?tabid=57&article_id=527784

    http://92.52.88.82/alqabas/Article.aspx?id=524005 &date=09082009

    http://www.alraimedia.com/Alrai/Article.aspx?id=149232

    ------------------------------------------------------

    شنو رايكم بالموضوع يا شباب ؟ هل استطاع التجار بالنيل من صغار التجار ؟

    الحين خلوا صاحب العمل الكويتي تحت رحمة هذا العامل ( مو تقليل من قيمته كأنسان )

    يعني هالفقير الي عنده بقاله و مضمنها على واحد يسترزق الله من ورها 200 دينار ولا 300 دينار .... او اقل

    راح يكون تحت رحمة العامل خوف من ان يهده ويخليه دون سابف انذار او يمشي على كيفيه ... يمكن يطلب من صاحب المحل بأن ينزل الضمان الا 100 او اقل ولا هدد بالخروج من العمل .........

    طبعا هذا مثال بسيط ... الي عنده مطعم ولا مصبغه ولا .. ولا......

    يعني الوزير الله يداه قبل ما يطبق القانون لازم يحطون شرووط تحفظ حقوق صاحب العمل ..

    انا اجيب عامل جديد واعلمه 3 سنوات وبعد ما يكون 100% يجي واحد من الهوامير ياخذه بارده مبرده !!! وبدون سابق انذار ؟
     
  2. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    شي اكيد لان مابقى شي بالديره الا واحتكروه بس باقي لهم هالشغلات الخفيفه

    هذي خلاصة الموضوع الهوامير ما خلو شي
     
  3. WaRiO

    WaRiO بـترولـي مميز

    مشكور على مرورك خيووو


    وانشالله نشووف ردود وتوضيحات أكثر بهذا الخصوص ... وانشالله الاعضاء ما يقصروونه ونعرف الي متى ووزارة التجاره و الشؤوون وهم دائم يحطووون قوانين تعجيزيه على المواطن ....

    حتى الفقير حاسدينه على هالدكان

    والله كريم
     
  4. جابر

    جابر قــلــم بــتــرولــي أعضاء الشرف

    ما أدرى ..أنا رأى إنه قرار زين .. :D
    بدون النظر لهامور وحوت ..أو زبيديه .. ;)
    الشركات الورقيه ..وغيرها ..اللى يجيب الف عامل ويأخذ من الواحد 500 دينار سنويا ..
    ويحذفهم بدون والى بالديره .ونبتلش فيهم ...من رعايه وحمايه...وهو سنويا بجيبه نص مليون ..هذولا شغلهم راح يوقف .

    أنا أتمنى إنه يطبق حتى على العماله الخاصه (المنزليه)..

    وتكون العقود بين العماله ورب العمل ...وتكون فيه طرق تنظيميه...تكفل حق الطرفين

    هؤلاء عماله وليسوا عبيد ..وبعض الناس مايخاف ربّه :mad:
     
  5. cosmic girl

    cosmic girl بـترولـي نشيط

    139
    0
    0
    تعقيب بسيط، بكل دول العالم العامل له الحق في أن يغير عمله دون حاجة لموافقة الكفيل، ودون اشتراط أي مدة، وذلك لمنع تجارة البشر، وبعدين مثل ما رب العمل له حقوق العامل بعد له حقوق، ومع ذلك اشترط قرار وزارة الشؤون أن يستمر العامل الوافد على إقامة الكفيل مدة 3 سنوات ومن بعدها يحق له التغيير دون موافقة الكفيل خوووووووش قرار ولو أنه احنا أصحاب العمل راح يتضررون منه بس مو معناتها ان الوضع الحالي اهوا الصح، هذي حق من حقوق العامل ما نقدر نحرمه منها.
     
  6. WaRiO

    WaRiO بـترولـي مميز

    اخوي جابر ... منو قال انه هالقانون راح يخدم في الحد من الشركات الورقيه او تجار الاقامات .....

    تاجر الاقامات راح يجيب العماله الى الديره وبعد سبوع او اقل يسجل تغيب بالمخفر وبعد 3 اشهر او 6 يروح الشؤون ويشيلهم من اقامته ويطلب غيرهم ... هذا قانونهم الجميل ... وفي كلام بعد سنه ...

    القانون هذا يتكلم عن العماله الموجوده بالفعل بالمحلات والي انت تشوفها كل يوم ... يعني انت عندك مطعم وفيه 9 عمال وانت قاعد تعلمهم وبعد 3 سنوات وانت رايح محلك تلقاه مسكر ولمن تسأل عنهم يقولوك حولو كفيل ثاني او محل ثاني فجأه :eek: .... يعني تعال اطلب عماله جديده وانطر شهر على ما يجون ولمن يوصلون انطر اسبوعين او 3 على ما يخلصون الجاراءات ... وتعال علمهم .... شكذر انت خسرت بالفتره هذا اجارات راح تحل عليك وانت مسكر المحل ....

    الي ناس تطالبه ان يكون في تعديل على هل القانون ( يبا انت لمن تبي تطلع تقاعد ولا تبي تحول تسوي اخطار للجهه الي تبي تطلع منها ) ..... الناس يبون ان العامل قبل ما يطلع يعطيك اخطار قبل 3 او 6 اشهر يقوولك انا بطلع .. ومن خلالها انت تقدر تطلب عماله ولا يسير فيك نفس صاحب المطعم ....

    المشكله عندنا يبون الكويت تصير مركز تجاري ومافي واحد فاهم بالتجاره تلقاه بالتجاره او الشؤون ...

    وبالنسبه لقانون الشركات الورقيه هذي لها قسم خاص ( التفتيش ) ... التجاره عندها مفتشين يترسون ديره ماكو شغل ولا عمل ... يبا طلع تفتيشات مفاجئه مثل البلديه على المحلات وانتهى الموضوع بس محد يبي يشتغل ...

    موفقين
     
  7. جابر

    جابر قــلــم بــتــرولــي أعضاء الشرف

    أهلين Wario..كلام معقول ..
    بس أرد وأقول راح يحد من إستغلال العماله ..وإن كان ماراح ينهيها
    بدل مايتم إستغلال العمال (كل سنه) ..حتى لو رب العمل سووا اللى قلت عليه.. وبلّغ بعد جم شهر عن هروبهم ..يقدر يكرر السالفه مره وحده بعد .. وبعدها تصير مكشوفه للجميع وعلى السيستم....ومو مضطرين يدزون مفتشين (ماتدرى عن مدى صحة تقاريرهم) لتأكيد وضع معيّن..

    بالنسبه لصاحب المطعم اللى عماله يتركونه ..أكيد العامل راح يدّور الراتب الأحسن ..وفيه ناس (يمكن) تنتهز الوضع ...

    بس ليش مايقدر صاحب المطعم يعمل معاهم (عقود ملزمه) تجبر هم بالبقاء عدد معين من السنوات لقاء تدريبهم ..ووضع قيمه ماليه (للتدريب) ....أو يلزم اللى يوظفهم يمر عليك قبل لايوظفهم ..

    العالم كله يستخدم العماله بدون نظام الكفيل والقوانين هى اللى تنظم العمل
     
  8. WaRiO

    WaRiO بـترولـي مميز

    هلا اخوي جاير انشالله تكون باحسن صحه وعافيه ....

    هذا الي احنا نطالب فيه .... يعني قبل ما يطل علينه الوزير بالقرار السوبر هذا لازم يغطي جميع الامور والمصلحه العامه ....

    وبالنسبه للموضوع الي قتلك عنه بخصوص الي يشتكي و يكنسل ... :D هذا في ناس من زمانه يسونه والي يقووولك مايدرون من صاحب تجارة اقامات بالشؤوون ... يطلع جذاب .. لانه اصغر موظف في الاستقبال يعرف منو اهم تجار الاقامات ...

    وانشالله نشووف رد من الاعضاء ... مع اني لا اعتقد لأنه اكثرهم هوامير و زبيديه بعد

    موفقين
     
  9. قبــــــــس

    قبــــــــس بترولي خاص أعضاء الشرف

    509
    0
    0
    C.R.O. KNPC
    KW
جاري تحميل الصفحة...

مشاركة هذه الصفحة