بيوت الشركة

الكاتب : إعلامي قديم | المشاهدات : 1,531 | الردود : 10 | ‏9 أغسطس 2009
  1. إعلامي قديم

    إعلامي قديم بـترولـي نشيط جدا

    195
    0
    0
    سؤال يا أخوان متى المسؤولين يريحون الموظفين من الصيانة

    متى يبنون بيوت جديدة
    أبي أحد من اللي عندة علم بالموضوع يقولي

    بيوت مر عليها 50سنة
     
  2. EviaN

    EviaN بـترولـي نشيط جدا

    الظاهر بيقلبونها مزار تاريخي :×
     
  3. AD-01

    AD-01 بـترولـي خـاص

    1,040
    2
    38


    يقولون ان الادارة وافقت على مقترح للنقابه على اساس يبنون 150 بيت في الشمال وعقب غيروا الموقع وصارت 200 بيت بالجنوب ووافقوا عليها وسمعت انهم شغالين على التصاميم والنقابة عطوا الاسكان مطالبهم بالبيوت مثل المساحه والدوانية وسوالف ثانية ومتوقعين في 2010 يبدون يحفرون ويدقون شبل بالارض :)

    هذا الكلام سمعته شهر 5 اللي طاف من الشباب في النقابة .. انعيش وانشوف :d
     
  4. إعلامي قديم

    إعلامي قديم بـترولـي نشيط جدا

    195
    0
    0
    مشكور على المعلومة
    المشكلة لا أحد يحس في معانات الموظفين
    أوجه رسالة إلى الوزير الأصلاحي أصدر قرارك إلى المسؤول
    ببناء بيوت في الشمال وأحسم المشروع اللي صارلة في دروج الإدارة سنين
     
  5. كي او سي

    كي او سي بـترولـي خـاص أعضاء الشرف

    ان شاء الله عن قريب

    بس العالم مو راضية تطلع من بيوتها الحالية ، وبصراحة معاهم حق ، دافعين ومسنعين بيوتهم ويبونهم يطلعون بيوت ثانية مستعملة ومستهلكة ، ابنوا بالاول ونقلوا الناس ، وماشاء الله الاحمدي متروسه اراضية فاضية

    وللعلم ، اي بيت يطلع صاحبة منه يهدم على طول هذا في جنوب الاحمدي
     
  6. Failakawe

    Failakawe بـترولـي نشيط

    96
    0
    0
    السلام عليكم

    اتصدقون انهم كانوا ناوين يبنون مدينة الاحمدي النموذجيه وكان هالمشروع عملاق ونتيجته كانت طيبه كانت بتصير احسن منطقه بالكويت ... بس للاسف شافوا الميزانية كبيره جدا وكنسلوا المشروع اللي كنا نتمنى انهم يطبقونه

    الله كريم
     
  7. net1

    net1 بـترولـي نشيط جدا

    229
    0
    16
    انا سمعت انه في تفكير انه الشركه توزع بيوت براا الاحمدي حق الى يبي بره بس مجرد حجي
     
  8. AD-01

    AD-01 بـترولـي خـاص

    1,040
    2
    38
    وانت الصاج يقولون حتى فلوسه كانت معتمده بس لانه تحت نظام B.O.T. توقف من مجلس الامه لحين اتمام قانون املاك الدولة الجديد


    اخوي كي او سي : مشكور على المعلومات الحلوه :)
     
  9. Chem.Eng

    Chem.Eng بـترولـي نشيط جدا

    182
    0
    0
    بالنسبه للبيوت
    في ناس مأجرين بيوت الاحمدي
    وقاعدين ببيوت ملك بمناطق ثانيه

    هالشي يجوز؟
    ومعقوله مافي احد يجيك

    لان في وايد ناس يتروالي ناطرين البيت اهم اولى من المؤجرين
     
  10. Q8GAS

    Q8GAS بـترولـي مميز

    514
    0
    16
    الظاهر بتطلع لنا بيوت من الحكومه الي بعد 50 سنه ولا حد الحين بيوت الشركة ماطلعت :)
     
  11. إعلامي قديم

    إعلامي قديم بـترولـي نشيط جدا

    195
    0
    0
    أخوي المشكلة الكبار لهم صلة بالبيوت لأنها مصيف لهم لذلك مو قادرين يطلعون
    تعميم أن الموظف يجدد أوراقة ولا ينفظحون المسؤولين
     
جاري تحميل الصفحة...

مشاركة هذه الصفحة