صج فضيحه - تخيل تكون في هذا الموقف

الكاتب : المهندس | المشاهدات : 762 | الردود : 15 | ‏19 نوفمبر 2007
  1. المهندس

    المهندس بـترولـي خـاص

    1,305
    8
    0
    العشـــــــــق



    الله يكون في عون المعرس !!

    تخيلووووووو في وسط الحضور يدخل واحد ويقول قصيدة في العروسة للمعرس شنو بيكون ردة فعلــــــــهــ؟؟



    أبد ما جيت أبــــارك لك ولكن جيت باوصيك

    على الله ناوي(ن) تدخــل بها اللـــيله ... معذبتي

    ترى لولا الظروف اللي عطّـتك وحدّت محاكيك

    قســـم بالله مـــا تدخل عليــــها لو على رقبتي

    ولكن النصيب أقوى ولاادري ويش اسوي فيك

    نعــم...صــارت معزبتك,, ولا صــارت معزبتي

    كذا شـاءت بنا الأقـــــدار تحرمني لجل تعطيك

    كذا لازم عشــــان تفوز انت,,أنا اخـسر بتجربتي

    تراها غاليــــة جدا..وتكفى.. والله يخلـــــيــــك

    تدللــــــــها..تدلعــــــــها ..تنسّــــيها مصاحبتي

    أنا من كثر مااغليها أحس اني بديت أغلـيك

    ولاتسـأل بأيـة حـق والا وش مناســــــبتي

    لأنك لو بتسألـني بتسمـع شي مـــــــا يرضيك

    لذا يا خــــــوي لا تسأل ولا تسمـع لأجوبتي

    أبيك تحطها في داخل عـيونك وبين ايـديـك

    وهي دلوعة إعتــــــــادت على كثرة مداعبتي

    فداعبـها شوي شوي حـتى تشتهي طاريك

    وشاغبها إلـــــــــيـن تقول: بـطّــل من مشاغبتي

    واذا هي مالها خلقك,,ولا تضحك ولا تسليك

    تحمّلــها وإسألـها :ياعمـــــري ليـــه عصّبـتي

    وبالك أسمع انك يوم تضربهــا وهي تشكيك

    ما يحتــاج أوري لك بفن الضـــرب موهبتي

    صحيح انك بتملكـــها ومعك العقــد بالتمليـــك

    وانا عــــارف حدود الله ومن حــقـــك معاقبتي

    ولكن قل لها : المجنون وصّـــاني وهو يعنيك

    يقــــــول انه بيــنــتظـرك لوشـيّـب وشـيّــــبتي

    وانا مجنونها اللي مـا نساهــــــا وانت مايمديك

    تغــطي ذكريـــــاتي.. في هواهــــا و ربع تجربتي

    أحس اني تماديت بكلامي,, والغضب حـــاديــك

    ولو انك في مــكاني ما تفكر في محــــــاسبتي

    كفاك اني تركت الليــــله أشغالي عشان أجيك

    دخلت القاعة برجلي ولا أدري ويش عاقبتي

    وانا ما جيت أخرّب عرسك الليله ولا أذّيـــك

    أنا جيتك عشــان أخاطـبك واسمع مخـــاطبتي

    توصّــــى ... وانتبه.. واحرص عليها والله يهنيك

    ترى كل الكلام اللي طلع من ضيقي وكبـــتـــي

    ولكن ما قدرت اني أقوله وانت مايخفـــــيك

    أخـــــاف اني اذا قلته تقوم وتقطـــع رقبــتي


    وسلامتكم
     
  2. م.محمد

    م.محمد بـترولـي خـاص

    صح لسانك

    بس ليلتها امتحان
    يكرم المرأ او يهان :D

    شاكر اتصالك
     
  3. بنت كوفبك

    بنت كوفبك بـترولـي جـديـد

    44
    0
    0
    صراحه الله يعينهم شنو هالعرس الاكشر
     
  4. Shoomy

    Shoomy بـترولـي خـاص

    صح لسانه ولسان كاتبها

    بصراحه عور قلبي حرام :(

    انزين مهندسنا شصار بعدين؟؟
    تهاوشوا ولا لأ؟؟ ;)
     
  5. alaslamy

    alaslamy بـترولـي نشيط جدا

    258
    0
    0
    صح لسانك ولسان كاتبها:(

    وفي انتظار الجزء الثاني.. (الهوشه)
     
  6. زهرة التوليب

    زهرة التوليب بـترولـي خـاص

  7. النزغة

    النزغة بـترولـي خـاص

    1,073
    0
    0
    واااي موقف يفشل اللة يعينهم
     
  8. Q8I DREAMER

    Q8I DREAMER بـترولـي نشيط

    61
    0
    0
    هذي متي صارت أيام عنتر وعبله ولا قبل بعد
     
  9. المهندس

    المهندس بـترولـي خـاص

    1,305
    8
    0
    الصراحه ما قالو شي- خللوني اطلع -عبالهم مهبووول واقص عليهم :) ما يدرون انه السالفه صج - عقبها سافرت برا اكمل دراستي وغيرت اسمي وكل شي

    أي شي :D
     
  10. Mr. Engineer

    Mr. Engineer بـترولـي مميز

    662
    0
    0
    لا مسكين،

    كل هذا اللي قاله و ما قدر يقول شي، :D

    الله يعين لو قايل كل اللي عنده!!!! :confused:

    تحياتي يا باش مهندس
     
  11. حكومة

    حكومة بـترولـي نشيط

    56
    0
    0
    والله لو المعرس خوش ريال جان تنازل عن العروس والمهر هديتهم
    وشهد على ملجتها
    والله بيرزقه بوحده احسن منها
    مو الريال الى يتهاوش
     
  12. غيوره جدا

    غيوره جدا بـترولـي نشيط جدا

    249
    0
    0
    Specialist
    Virtuous City
    يحق للشاعر ما لا يحق لغيره

    لو اني من المعرس يطيب خاطري خلاص

    البسه البشت واطلع
     
  13. Phox

    Phox بـترولـي نشيط جدا

    400
    0
    0
    المهندس

    حلاتك ..... :)
     
  14. The^Queen

    The^Queen بـترولـي نشيط جدا

    288
    0
    0
    ابيه هوب ستوب
    وصلتني ايميل
    يعني السالفه صجيه؟
    صجكم
    اخوي صاحب الموضوع هذي تجربه شخصيه؟
    من صصصصصصصصصصجك!!!
     
  15. SOS_KW

    SOS_KW بـترولـي خـاص أعضاء الشرف

    2,252
    0
    0
    والله هذا رايح فيها ... بس ا لشعر وايد حلو :)... الشعر بس .. لو عريس ثاني جان داس ببطنه وخله العرس وراح بيتهم
     
    آخر تعديل: ‏10 يناير 2008
  16. التمويلي

    التمويلي بيت التمويل الكويتي

    1,176
    0
    0
    سلملي على شواربه

    أمحق حب

    مشكور اخوي
     
جاري تحميل الصفحة...

مشاركة هذه الصفحة