كان رئيس مجلس الإدارة السابق يسمع الشكاوي وبابه مفتوح حق كل من عنده مشكله،، الحين ياريت الرئيس الجديد يفتح بابه حقنا بعد يمكن الأمور ماتوقف عند مسئول ويمكن ينظلم الموظف،، الرئيس الجديد يقدر يوقف هالظلم اللي صاير على بعض الناس.
الله يكون في العون بس أنا حبيت أبين شغله اللي هي أن الظلم موجود في كل الدنيا مو بس في كوفبيك ومثل ماقالوا "وما نيل المطالب بالتمني ولكن تأخذ الدنيا غلابا" أنشالله المشكله تنحل والأمور تمشي والأنسان يحاول دايماً يلجأ لحل مشاكله بأسلوب حضاري "بالمناقشه" وانشالله الرئيس الجديد يكون خير خلف للسابق ويكون أفضل وهذا اللي نتمناه.
"كان رئيس مجلس الإدارة السابق يسمع الشكاوي وبابه مفتوح حق كل من عنده مشكله،،" ...ليش جربتي ؟؟؟؟ ترى حجي فاضي
كلمة بحق بوناصر (بدر الخشتي) بصراحة كان أنسان وايد متفهم وبابه مفتوح وهالحجي مو فاضي لأن في ناس كلموه ولبى مطالبهم لأنهم على حق وفي ناس مالبى مطالبهم لأنهم يطلبون شي مو لهم وأتمنى أن نتذكر موقف الرجل في هالشركة مع كل التقدير لكل العملين فيها.
يمكن يكون هذا الكلام آخر الأيام بس عموماً هالرجل خلى ذكره طيبه وراه بس ليش ما تعرضون مشكلتكم على المسؤولين بالشركة؟؟
لووووول حلوة هذي وارم كرشة،،، عاد هذي الكلمة كل ما بدش المبنى الصبح بتذكرها،،ترا والله عوية الشركة حتى موقع مبنانا لافين ويهه صوب البنك المركزي يعني مظبطينه الحين
عشان تعرفون أن اللي خطط حق المبنى له نظره مستقبليه إذا أنصرفت الزياده من البنك المركزي أحنا أول ناس بالوييييييييييييه
كل شي إلا الزل الأحمر رجاء أخ kuf-1 ترا هذا يعني احنا ناس فنانين ومن المشاهير،، نفس الهوليوود يحطون زل احمر حقهم،، احنا بعد مشاهير بس بالمشاكل والمظالم والنجره. صراحة ظحكني اخوي scout leader على تعليقة اللطيف بس مشكلتنا ان إذا مبنانا ملتفت صوب البنك المركزي هو مو معطينا ويه وملتفت صوب ديوان المحاسبة.
الفايدة الوحيدة اللي قاعد ناخذها من هالشركة هي وظيفه بمعاش حلال وكاشخين ورزقتنا بعد شنسوي،،، مطلوب منا بس نداوم 8 ساعات ونطلع ونكفي خيرنا شرنا خلال دوامنا.. والله المستعان
