ابي رأيكم

الكاتب : fatma | المشاهدات : 940 | الردود : 11 | ‏6 أغسطس 2009
  1. fatma

    fatma بـترولـي نشيط

    107
    0
    16
    السلام عليكم:

    شلونكم؟ يا جماعه أبيكم تساعدوني و تشورون علي شنو أسوي: أنا صارلي سنتين قاعده بالبيت و أدور على شغل معاي بكالوريوس IT
    بالأول كنت أدور على شغل بتخصصي بس ما لقيت و ألحين راضيه حتى لو أشتغل سكرتيره بس أحصلها. قدمت على كل شركات النفط سواء كموظفه direct أو عالمقاولين بس ماكو أي رد.

    شنو أسوي؟ شتقترحون علي؟ بصراحه أنا مو مقتنعه بكلام شركات النفط انه ماكو شغل و أحس انه يخشون الوظايف حق ربعهم بس شسوي اللي ماله واسطه مثلي؟


    شورتكم و هداية رب العالمين و ناطره ردكم
     
  2. KuwaitA

    KuwaitA بـترولـي نشيط جدا

    242
    0
    0
    اذا انتي كنت مقدمه صبري الشويه وايد ناس للحين مانادوهم لانه العالم كلها ايجازات فا صبري لي بعد العيد

    وهم احسلج لو تقدمين على ديوان الخدمه والتوظفين بوحده من هل الوزارات احسلج
     
  3. t a l a l

    t a l a l بـترولـي جـديـد

    39
    0
    0
    الله يرزقج ان شالله ويكتبلج اللي فيه الخير
    وانا شوووري ان اذا بطل الديوان سجلي وتوضفي بالديوان بدال قعدتج بطالية استفيدي من المعاش
    وذا بطلو البترول قدمي عليهم وان شالله يقبلونج ومن يطلع قبولج قدمي استقالتج من الوزارة
    >>>واعلم ان الامه لو اجتمعوا على ان ينفعوك بشيئ لن ينفعوك الا بشيئ قد كتبة الله لك << فالارزاق بيد الله مو بيد الواسطة
     
  4. EviaN

    EviaN بـترولـي نشيط جدا

    انا رايي من راي اخوي طلال

    توظفي بالحكومه بعدين اذا بطلو البترول ويبون تخصصج قدمي لين تنقبلين بالبترول ذيج الساعه قدمي استقالتج من الحكومه

    حرام سنتين طارت من حياتج يعني خصوصا وانتي تبين تشتغلين يعني راحت سنتين خدمه من التامينات

    واختي ترا الديوان راح يبطل باذن الله 25 شهر 9 الياي

    ورايي انا اقول احسن مكان للبنات الوزارات :) وهذا راي ولحد يزعل

    وبالتوفيج لنا ولج يارب
     
  5. t a l a l

    t a l a l بـترولـي جـديـد

    39
    0
    0
    حرااام عليك لاتحبط فيها توهااا صغيرة وشوراهااا
    عادي سجلي بالديوان وترا والله اداريين البترول ياخذون 960 تقريبا اكلمج عن المحاسبين واتوقع نفس الشي الكل والوزارات ياخذون 880 مو فارقة امية دينار والوزارة لافي تعب ولا شي فشوفي الوزارة حاليا وماعيج من ايفياااان لايقولج سنتين ويحبطج :) والله يوفقكم جميعا
     
  6. fatma

    fatma بـترولـي نشيط

    107
    0
    16
    جزاكم الله خير
     
  7. EviaN

    EviaN بـترولـي نشيط جدا



    هلا اخوي

    اخوي مو عن الصغر يا قلبي

    الاخت تقول صارلها سنتين قاعده بالبيت وانا قاعد اقول حرام قاعده وراحت عليج سنتين خدمه هذا القصد يا خوي
    لان البنت راح تكرف بالوزاره شوف جم سنه

    والله العظيم لا احبطها ولا شي واذا بحبطها راح احبطها بهالسالفه انها قاعده سنتين بالبيت وراحت عليها الخدمه عشان تقول لنفسها اي صح انا غلطت واروح اتوظف احسن من القعده ولا تقول توها صغيره لان كل واحد فينا وده يتوظف بسرعه ويتقاعد بسرعه وهذا القصد


    وعسى الله يوفج الجميع

    :) وترا البترول مو كل شي :× وارد واقول الحكومه احسن للبنات :× وخصوصا باجر لي تزوجو والواحد اذا مايفكر بالمستقبل هذا انسان ماله هدف بالحياه وماشي عالبركه
     
  8. الرحا

    الرحا بـترولـي نشيط جدا

    491
    0
    16
    ونعم الراي

    قدمي علي الديوان وان شاءالله ربي يرزقك

    وان جاءت الفرصه للعمل بالقطاع النفطي قدمي اوراقك واذا تم القبول قدمي استقالتك من الوزارة

    وأسأل الله ان يرزقك ويرزق كل مسلم
     
  9. fatma

    fatma بـترولـي نشيط

    107
    0
    16
    الله يجزاكم الجنة اخواني ما قصرتو.

    عسى الله يوفقنا كلنا.
     
  10. q8security

    q8security بـترولـي خـاص أعضاء الشرف


    أؤيد رأيه اللي يحصل وبعدين فكري بالتطوير


    وإذا مصمله على البترول فيتامين واو أولا


    وتابعي موقع koc و knpc

    و المؤسسة وباقي الشركات غالبا تعلن عن طريق النت
     
  11. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    لووول حدك انسان عملي :p
     
  12. EviaN

    EviaN بـترولـي نشيط جدا

جاري تحميل الصفحة...

مشاركة هذه الصفحة