متى إعلان التوظيف القادم؟؟؟ سؤال موجه إلى نفر من الناس

الكاتب : Eng.MMM | المشاهدات : 1,413 | الردود : 7 | ‏4 أغسطس 2009
  1. Eng.MMM

    Eng.MMM بـترولـي جـديـد

    3
    0
    0
    السلام عليكم ...

    أخواني آنا توني متخرجة و تخصصي بكالوريوس هندسة مدنية ... و للأسف تخصصي ما كان مطلوب في الإعلان الأخير لحديثي التخرج ... حابة أسال متى إعلان التوظيف الياي حق حديثي التخرج؟؟؟ ... و هل تخصص الهندسة المدنية من ضمن التخصصات اللي راح تنزل بهالإعلان؟؟؟ يعني التخصص عادة ينزل ؟؟؟ و لا ينزل بالصدفة حسب حاجة كل مؤسسة أو شركة مثل تخصص علم النفس أو الإعلام أو غيرها؟؟؟

    ساعدوني بليز ... طالعلي قبول من الديوان في الإدارة العامة للإطفاء ... بس مو عاجبني المكان ... و حابة أنطر البترول ... شرايكم؟؟

    و أتمنى من أخوي نفر من الناس إنه يجاوب على أسئلتي ... لأني ملاحظة إنه معلوماته غالبا تكون صحيحة و دقيقة
     
  2. فهد العجمي

    فهد العجمي بترولي خاص أعضاء الشرف

    408
    0
    0
    اختى حياج الله ومبروك التخرج بالنسبه للوظيفه اللي بالاداره العامه للاطفاء انا من رايي ونصيحه انه تتوظفين فيها وتنطرين متى مانزل اعلان تقدمين عليه اما بالنسبه للتخصص هندسه مدنيه نادر مايطلبون هالتخصص بس يمكن يطلبون التخصص هذا من الشركات اللي راح تتعاقد ويا مؤسسة البترول والشركات التابعه لها يعنى اذا بتتوظفين راح يوظفونج بالقطاع الخاص فى شركات البترول وانتى عارفه ان الوضع كل شى بالواسطه بس انتى وكلى امرج لله وانشالله بتيسر الامور باذن الله واذا نزل اي اعلان راح احطه هنى بالمنتدى بالتوفيق اختى الفاضله
     
  3. Eng.MMM

    Eng.MMM بـترولـي جـديـد

    3
    0
    0
    شكرا أخوي نفر من الناس ... آنا سألت عن التخصص لأن في الإعلان قبل الأخير كان موجود ... و مجموعة من

    رفيجاتي توظفوا ما شاء الله ( الله يهنيهم )... آنا سامعة إشاعة إنه إعلان التوظيف الياي راح يكون بشهر 10 أو 11 ...

    صحيح هالكلام؟؟؟ مع إني أتوقع إنه راح يكون على شهر 1 أو 2 يعني بتاريخ الإعلان المعتاد
     
  4. Eng.MMM

    Eng.MMM بـترولـي جـديـد

    3
    0
    0
    أخوي حابة أستفسر عن شغلة ... إنت قلت كل شي بالواسطة ... يعني إذا حصلتلي واسطة أقوله إنهم يحطون تخصصي في الإعلان ؟؟؟ و لا أقدم حتى لو التخصص مو موجود بالإعلان و الواسطة تضبط أموري؟؟؟

    و لا دور الواسطة يكون عقب الإعلان بس؟؟؟ يعني إذا التخصص مو موجود بالإعلان ما لها أي أهمية ؟؟؟

    آسفة على كثرة الأسئلة :) ... بس تدري اللي ما عنده واسطه :) حنته تكون واااااايد
     
  5. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    ألف مبروك ..بالتوفيق ياربُ
    بس دام حاصله لـج وظيفة أللحين...
    توكلي على الله ..ليـن تحصل
    وظيفة بالقطاع النفطي تاَلي لكل حادث حدييث!!
     
  6. Sc0rpio

    Sc0rpio بـترولـي خـاص

    1,000
    0
    36
    مهندس
    الكويت
    اختي اللي قاعد يصير كالآتي .....

    المهندس/المهندسة يتوظفون على حسب تخصصاتهم الجامعيه .. بعد التوظيف يتم التعيين ( المسمى الوظيفي ) على حسب الشواغر او اللي يشوفونه مناسب !

    وغالبا غالبا .. المسمى الوظيفي يكون بعيد الى حد ما عن تخصصج الجامعي .. يعني الله يسلمج هالاعلانات مجرد شكليات ورسميات

    اذا عندج واسطه نطري الاعلان القادم وبغض النظر كان تخصصج موجود او لا ( واسطتج ) يعرف شغله ......

    صارت جدامي مواقف يعني لو اقولج بتنصعقين ! لوول

    انا خريج جامعة الكويت تخصص هندسه ميكانيكيه وحاليا مسماي بالوظيفه .. شي ثاني .. بس الشاطر واللي تعب بدراسته ماراح بصادف اي مشاكل في العمل :)

    عموما اتمنالج كل الخير والتوفيق يارب والله يقول اسعى ياعبد .... شدي حيلج واتمنى انج تتوظفين من غير حاجة الغير او الواسطه
     
  7. بسمة سعود

    بسمة سعود بـترولـي جـديـد

    7
    0
    0
    خبرة في قطاع التعليم والنشاط المصرفي
    الكويت
    السلام عليكم ورحمة الله وبركاته :

    حبيت أعرف شنو الراتب الأساسي لجامعية خريجة جامعة الكويت ؟ وحبيت أعرف الحقول النفطية بدولة الكويت بالشمال أو بالجنوب :) لأن جوجل وايد أذاني
     
  8. EviaN

    EviaN بـترولـي نشيط جدا

    يقول الشاعر

    ماكل مايتمناه المرء يدركه
    تجري الرياح بما لا تشتهي السفن
     
جاري تحميل الصفحة...

مشاركة هذه الصفحة