دازيلي مسج مقابله شخصيه !!!

الكاتب : OilAndGas | المشاهدات : 1,847 | الردود : 15 | ‏1 أغسطس 2009
  1. OilAndGas

    OilAndGas بـترولـي جـديـد

    23
    0
    0
    السلام عليكم

    وصلي مسج وعندي موعد للمفابله الشخصيه :

    1- طريقة الاسئله بتكون عامه ولا بمجال كل واحد او تخصصه ؟

    2- شنو احسن طريقه الواحد يكون للمقابله على اكمل وجه ؟

    3- طريقة الاسئله باللغه العربيه ولا الانجليزيه ؟

    4- هل فيه نصايح للمقابله تهمني وتهم اي شخص يقرا الموضوع ؟


    وين صايره مؤسسة البترول الكويتيه (مجمع القطاع النفطي) بالشويخ ؟؟ شنو يمه او اي طريج اروحله الغزالي ولا على البحر ؟! مادري وين صاير بالضبط ياريت تساعدوني


    شكرا والله الموفق لنا جميعا يارب والله يسهل على خير لقاري المعلومات والي بيقولنا المعلومات يارب
     
  2. q8rix

    q8rix بترولي خاص أعضاء الشرف

    437
    0
    16
    اهوا على البحر اما باجي الاسأله مادري والله انا نفسك :p
     
  3. Arshavin

    Arshavin بـترولـي جـديـد

    17
    0
    0
    بالتوفيق لك و لجميع المتقدمين إن شاء الله
    بس ما عليك أمر، أي تخصص و متى قدمت امتحان التخصص؟
    عشان أعرف متى أتوقع منهم مسج :)
     
  4. Polite

    Polite بـترولـي جـديـد

    9
    0
    0
    وعليــكم السلام ،،

    والله حتى أنـا ودي أعرف طبيعـة الأسئلة لأنـه مقابلتي باجـر:rolleyes: بس الظاهر مافي أحد قابلوه للحيـن :(
    إن شـاء الله باجر أجاوب على الأسئلة :eek:

    المؤسسة صايرة على شاطئ شويخ .. تقدر تروح من طريـج البحر بس راح يصير الطريج طويــــل

    الطريج اللي أدله أنـا نفس طريج الجامعة .. بس ما توقف بإشارة الخالدية .. تكمل سيــــدا لما إييلك جسر --> أول جسر تركبـه --> ثاني جسر تروح تحته تلف يسـااار --> بعدين كله إشارت وكله سيدا --> لما تلقى بويهك البحر إكسر يسااار وخل البحر على إيدك اليميـن .. وبس راح تلقى المبنى : )
    إن شاء الله بس وصفي واضح :p

    تقدر بعد تروح من الغزالي .. بس ما أدله هالطريج


    ووو الله يسههههل عليـنا :)
     
  5. Chem.Eng

    Chem.Eng بـترولـي نشيط جدا

    182
    0
    0
    حتى انا باجر المقابله
    الله يوفق الجميع
    وانا بصراحه ادل من طريج البحر حده سهل
    كمل سيده سيده تلقاه يمينك
     
  6. OilAndGas

    OilAndGas بـترولـي جـديـد

    23
    0
    0
    الله يسهل مقابلتنا باجر اعتقد احنا اول ناس

    وانشالله عقب المقابله نقولكم شنو الاسئله وشلون الطريقه وان شاءالله يسهل على خير وكلنا مقبولين يارب

    وبالنسبه حق اخوي الي سألت عن التخصص نفط وغاز وكان قبل اسبوعين وعلى فكره باب التقديم ما انصك إلا قبل امس

    يعني لحد يحاتي الي ما امتحن بالعكس انتو بتستفيدون اكثر لأنكم عرفتم طريقة الاسئله والطريقه والامتحانات عشوائي على ما اظن

    الله موفق يارب
     
  7. Polite

    Polite بـترولـي جـديـد

    9
    0
    0
    بس خلوني أقولكم شغلة .. أنا سألت ناس توظفوا السنة اللي طافت .. تخصصهم بترول

    يقولون إنـه الأسئلة المتعلقة بالتخصص كانت عن شغلات Basics يعني مثلاً على ال API
    أو مثلاً عن ال sweet gas & sour gas .. وجذي

    أو مثلاً يسئلون عن مشروع التخرج ..

    وبقية الأسئلة تكون شخصية

    عن هواياتكم .. اهتماماتكم ..

    و أهم شي أهم شي .. لا تعطونهم مجال ينرفزونكم لأنهم أحياناً يستعبطون عليكم:p .. عشان يشوفون شخصيتكم هل أنتو من النوع اللي يتنرفز بسرعة ولا لأ

    والأهم من هذا الثقــة بالنفس وأنتو تجاوبون :cool:.. لا ترتبكون

    والله يوفقنـا يا رب
    :)
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    موقع المؤسسة الحين اغلب الطرق فيها صيانه وصايره زحمه وتخربط

    لكن انصحك تمسك شارع الخليج تاخذه من سوق شرق وتخلي مجلس الامه على ايدك اليسار والبحر على ايدك اليمين وتمشي سيده لين يصير بويهك يسكر الشارع

    المقابله انصحك تكون زقرتي بكامل اناقتك ;) وتحاول تكلم انقليزي بقدر استطاعتك الي تقدر عليها (الي ماتقدر عليه قوله عربي احسن من البدليات) وحاول تكون شقردي بالمقابله مو بارد وتفلسف بطريقه مقززه

    ابتسم دايم وخلك سلس في التعامل ولا تنرفز ابدا بس خلك جدي وقت الاجابه


    والله يوفق الجميع
     
  9. المعلمة المتميزة

    المعلمة المتميزة بـترولـي مميز

    945
    0
    0
    الله يفتحها عليكم ...... ويسهل الاسئلة عليكم
    شكل مشاركتي .... متأخرها
    بالتوفيق
     
  10. EviaN

    EviaN بـترولـي نشيط جدا

    :) يم شاطئ الشويخ مكانه الكبير العود

    بالتوفيج للكل :) بس لاتسنون اعتقد كاتبين بوابه 2 بالسرداب

    :) هذا اللي دزوه حقي :×
     
  11. Salem J

    Salem J بـترولـي نشيط جدا

    226
    0
    0
    Eng
    Kuwait
    أحرك ايدي لما أتكلم؟

    احط رجل على رجل؟
     
  12. EviaN

    EviaN بـترولـي نشيط جدا

    :) اهم شي لا تقول ماعرف
     
  13. Polite

    Polite بـترولـي جـديـد

    9
    0
    0
    لأ .. لا تحطون ريل على ريل :) هالحركة غير محببة وتعطي إنطباع بالتفلسف :rolleyes:

    حركات الإيـد ...... مدري :rolleyes: في ناس ما يقدرون يتكلمون من غير لا يحركون إيدهم :rolleyes:


    ----------



    بشروووا يا جماعـة شلون كانت مقابلاتكـم ؟؟؟ :eek:
     
  14. BUSTED_177

    BUSTED_177 بـترولـي جـديـد

    9
    0
    0
    انا ممكن ما اتنرفز إذا كان بالمقابلة واحد أو بالكثير أثنين بس إذا حطوا 4 أو خمس أنا شسوي بحالي حزتها لا وفي انجليزي بعد انا اذا تكلمت عربي جدامهم اطلع ماعرف شي
     
  15. EnG.MoNa

    EnG.MoNa بـترولـي جـديـد

    4
    0
    0
    Petroleum Engineer
    أنا تخيلت إنهم راح يسئلوني أسئلة لها علاقة بالبترول .. بس خابت توقعاتي !

    أغلب الأسئلة تكشف شخصية اللي جدامهم ×_×
     
  16. EviaN

    EviaN بـترولـي نشيط جدا

    الاسئله كلها مثل ماقالو تكشف شخصيتك

    وتنبيه تنبيه لا تقول اسمك او اسم اي احد يشتغل بالبترول او غيره وبس قول فلان وفلان اذا بتقول شي واجهك وجذي

    ويا جماعه اللي عنده مقابله لا يروح المبنى ماراح يدخلونه روحو الشاطئ اللي يمه اللي اهوا شاطئ الشويخ اصفط سيارتك واركب مع الباص اهما موفرين باصات :× وطبعا لحد يدفع ترا ببلاش

    :) وحده سهالات المقابله بس لا تقول ماعرف وجاوب بصراحه

    وبالتوفيج للكل
     
جاري تحميل الصفحة...

مشاركة هذه الصفحة