الطيران السيلاني يتفوق على الطيران الكويتي (والله قهر )

الكاتب : انوار | المشاهدات : 4,105 | الردود : 27 | ‏30 يوليو 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    السلام عليكم


    اشلونكم / شخباركم




    آنا قبل فترة كنت رادة من السفر ((((((((((((( لا و الله و شنو المطلوب !!!!


    الزبدة ، اني آنا لما سافرت كنت مسافرة على الطيران الاماراتي ، المهم و انا بالروحة على

    الطيران الاماراتي، صراحة انفتحت نفسيتي ، لدرجة ان ما كان ودي اطلع من الطيارة ، حاشتني ضيقة لما

    اعلن الكابتن عن وصولنا ، كنت حابة اقعد فيها وقت اكثر لأن شدتني فيها شغلات وايد مثل نظافتها و خدمة

    الضيافة الي من وجهة نظري اكثر من ممتازة . و أيضا الناس الي فيها يفتحون النفس ، الله يهني الأخوة

    الاماراتيين فيها .حدها مو صج . و آنا ايضا من الناس الي ما احب آكل في الطيارة بس عندهم سبحان الله

    لما حطوا الأكل جدامي انفتحت نفسيتي و كليت كل هالمميزات الي ذكرتها وانا ترى في الدرجة السياحية

    عيل الي في الدرجة الأولى first class أكيد قاعدين بنعيم .





    و وقت الردة لديرتي الحبيبة ، للأسف صارتلي مشكلة في الحجز فاضطريت أحجز على الطيران الكويتي

    بس الله لا يوريكم اشصار فيني في الردة على الطيران الكويتي ، هذا للعلم اني كنت حاجزة في الدرجة

    الأولى first class بس والله حالتي وانا بالطيران الاماراتي على الدرجة السياحية افضل من حالتي في

    الكويتية وانا في الدرجة الأولى صراحة شي يحز بالنفس ، انك ما ودك تدش اي طيارة تابعة للخطوط الجوية

    الكويتية والسبة شنو لا خدمة سنعة ، لا مكان سنع اقصد المقاعد ، لا اكل سنع ، و كل شي مكسر .

    بيونسونا شوي ، حاطين حقنا تلفزيونات كلهم خربانين الا عشرة ((((((((((((( ليش عادتهم !!!!!



    بس صراحة شي يحز في النفس انك ما ودك تدخل طيران ديرتك ، بس شنسوي الصراحة شي يضيق

    الخلق ، والله عقب ذيج الرحلة حلفت اني ما ادخله لأن طيران يفشل والله يفشل ، اذكر في مرة كنت

    شوي و بدش الطيارة الكويتية و لا يأخرونا ، زين ليش ، طلع الجناح الخلفي للطيارة محترق بس

    الحمدلله صار الحادث قبل لا ندش الطيارة . يا جماعة و ايد تأخيرات في رحلات الكويتية .



    والله فشلة ان الطيران السيلاني صار يتفوق على الطيران الكويتي ، ( ليش لأ ) و هو باشراف الطيران

    الاماراتي و فاز الطيران السيلاني بسلسلة من الجوائز العالمية لأفضل شركة طيران في آسيا و حافظ

    على صدارته لأربع سنوات متتالية ، فهو يحوي افضل طاقم للضيافة و مميزات اخرى , آآآآآآآآخ خلف الله علينا



    أخيرا اتمنى خصخصة الخطوط الجوية الكويتية و يتبناها احد رجال الأعمال ساعتها بتكون بأحسن حال و تقدر


    تنافس شركات الطيران الأخرى
     
  2. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت


    بسم الله الرحمن الرحيم

    اشكر الاخت انوار على الموضوع المهم

    وانا عندي سؤال احب اضيفه للموضوع اذا الاخت انوار تسمح

    ودي اعرف ليش بعد ضهور شركات خاصه بالكويت للطيران

    الخطوط الجوية الكويتية وصل فيها الحال الي هالمستوى !!

    علما بأن طيران الكويتية كان من افضل الخطوط بالعالم ؟؟

    وهذا واقع مو خيال ؟

    بس انا ما اقول غير لي حبتك عيني ما ضامك الدهر

    ودمتم سالمين
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    عادي اخوي عبدالله اخذ راحتك و اطرح الأسئلة الي تبيها ، بجذي

    راح يكون في اثراء لموضوعي فعلا و انا اضم صوتي لك ليش مستوى الخطوط الجوية الكويتية الي اهية

    واجهة لديرتنا مستواها هبط و صارت خارج المنافسة العالمية و حتى العربية ....


    أسعدتني مداخلتك
     
  4. سمراء kufpec

    سمراء kufpec بـترولـي جـديـد

    مادري ليش كل شي عندنا متوقف وماكوو تطوير الشوارع والمستشفيات والمراكز كلها قديمه وتعبانه فلا نتعجب ان طيراننا بعد الله بالخير:(
     
  5. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    الله كريم حبيبتي ، و عمار يا كويت

    أسعدني مرورج
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أنوار ، انا سافرت قبل كم سنة على السريلانكية و بصراحة كانت جيدة جدا و مقارنة بالخدمات على الطائرات التابعة للمؤسسة

    كانت تتفوق علينا .

    موضوع الخطوط الكويتية يثير الحسرة فعلا فالكويتية الناقل الرسمي للدولة و أقدم طيران تقريبا في المنطقة لكنه

    الاكثر تعثرا و تخلفا .

    و ذكرتي في الموضوع و تحديدا

    الفقرة الاخيرة :

    " أخيرا اتمنى خصخصة الخطوط الجوية الكويتية و يتبناها احد رجال الأعمال ساعتها بتكون بأحسن حال و تقدر

    تنافس شركات الطيران الأخرى "

    و يا انوار هذا بالضبط بلاء الكويتية ! نعم هناك من يريد تخصيصها فيعمل على إهمالها و تعطيلها و الإساءة لسمعتها لكي يقتنع الجميع

    و بما فيهم الدولة لتخصيص المؤسسة الوطنية العريقة ، ملء الجيوب عند البعض افضل من سمعة الوطن !

    شكرا يا انوار على الموضوع المثير ............... للشجن
     
  7. كويتيه ماركه

    كويتيه ماركه بـترولـي خـاص أعضاء الشرف

    يعطيج العافيه حبيبتي على هالموضوع صراحه ملينا واحنا نحجي فيه لي متى يالكويتيه وانتي على هالحال
    المشكله دايما تأخير ولا مره كلفو نفسهم ان يقولون لنا انهم بيتأخرون او يذكرون سبب لتأخير
    الكويتية الاسوء للاسف! من بعد ماكانت الاولى بالخليج
    الطيارات جنك راكب تشينكو اتصافق واتحس بتطيح باي لحظة واصوات الصرير والكراسي تتحرك! رعب رعب
    هذا غير الاكل الله يزيد النعمة والترفيه! والتللفزيونات ولا مره من سافرت شفتها تشتغل ماكوو ليش عاد ؟؟
    والله انا الحين مااسافر الا على الاماراتيه او القطريه صراحه شي موطبيعي بعد مانقعونا مره لما كنت انا واهلي رادين من الحج 16 ساعه بالمطار لاومطار الحجاج موصالات وتقعد لا كان ساحه بالره مكشوفه وفيها زل بس والناس كانو نايمين عالارض والله كل الناس راحت الا احنا الي بالكويتيه ننطر :(
     
  8. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    با مراقبنا ، ما كنت حابة اثير شجونكم و حسرتكم على ما آلت

    اليه الكويتية ، و لكن للأسف هذا الواقع .... حسرتي على هذه المؤسسة التي كانت عريقة في يوم ما

    و في ليلة و ضحاها انقلب حالها للأسوأ هو ما دفعني لكتابة هذا الموضوع ...

    و لكن مثلما تفضلت بأن الخصخصة ليست حلا لأن هناك من يريد ملء جيبه على حساب تطوير الخطوط

    الكويتية ، أمر يبث الحزن بأن المصالح الشخصية تلعب دورها و تعطل من تنميتنا


    قواك الله بو صالح و مداخلة مثمرة
     
  9. Q8_KJO

    Q8_KJO بـترولـي نشيط جدا

    410
    0
    0
    بصراااحه انا اشوووف طيرااااننا واااايد زين وما أوافقج الراي ..... بس في شوية ملاحظان .....

    أولا: ولا مره .. وبدوون مبالغه صج صج ولا مره .... رحت أطير عالكويتيه وطرت بنفس الوقت

    ثانيا: قبل فتره ..... ثلاث أو اربع أشهر جذي.... طرت باريس ... والله لا يوريكم ... انا مشكلتي بطولي ... سيقاني طويله @@ .... فعلا فعلا كانت ركبي طول الرحله طاااقه بالكرسي اللي جدامي ... واللي واللي جدامي طلع مليق وشكله ناطر ثلاث اياام قبل الرحله بس عشان ينام بالطياره .... أول ما طرنا سدح كرسيه على ريوولي ... صار جنه ولدي نايم بحضني !!! .... المختصر : انه هم الكراسي حيل ضيجه

    ثالثا: اجهزة الترفيه ما تشتغل .... يعني الشاشات والسماعات باي باي ..... واذا اشتغلت الشاشه ما تنشااف من الخرايط الدهنيه اللي عليها ...... كل من بغى يعطس لزق (براطمه) على الشاشه !!!!!!

    رابعا: الكشنات هم مرسوم عليها لووحات حلوه (قمة الفن)!!! .... تعرفون الناس تشرب الظااهر وتتعايز تروح الحمام .. معذورين بيني وبينكم دافعين فلووس تذاكر وهم يتعبون روحهم يقومون!! ...عاشوا

    خامسا: لالالالالالالالالالا..... خامسا ما راح اقوولها... معلوومه خاصه ;)

    سادسا: المظيفين والمظيفات ..... جنهم موظفين وزاره .... يعني لما تقول للواحد لو سمحت ممكن ماي يخزك بنفسيه و شوي ويرد عليك (روح الطابق اللي فوق اختمها والا ....................... مرنا باجر) !!!!!

    يعني ترا كلها جم ملاحظه ... حرام عليكم تظلمون الكويتيه !!!!!!!

    حجيه (ليتات) ..... كفااايه ظلم بأأأأه ..... كفااااااايه كفااااااايه
     
  10. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    الله يعافيج يا ماركة ، فعلا ملينا و احنا نتحجى بهالموضوع و جان

    زين يفيد ، بالعكس زاد الحال سوء فعلا حرام طيارة بهالمواصفات الرديئة تحمل اسم الكويت ... الي كانت رائدة

    في هالمجال و كل مجال بس شنقوووول غير الله كريم ، و انشالله ايي اليوم الي يتعدل فيه وضع

    الكويتية ... بس متى ايي هاليوم الله اعلم ...............

    أسعدني مرورج
     
  11. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    لوووووووووووووول ، اهم شي تختم مداخلتك لا تظلمون الكويتية ،

    و انت ما خليت شي فيها ما قلته بس انت كنت حاب تسوي اكشن شوي ، فعلا المسافة بينالكراسي و ايد ضيقة

    و المضيفين حدهم نفسية بس انا ما الومهم الصراحة ، اكيد في اهمال حقهم من قبل المؤسسة العامة

    للخطوط الجوية الكويتية فيحطون الحرة فينا ، فعلا انا معاك بكل السلبيات الي طرحتها .... و جان زين يتعدل

    الوضع للأحسن ، لأن في النهاية هذي واجهة الكويت .

    أسعدتني مداخلتك التي اثرت الموضوع
     
  12. Q8_KJO

    Q8_KJO بـترولـي نشيط جدا

    410
    0
    0
  13. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    عاشت ايامك ،،،،،،،،،،،،،،


    أسعدني مرورك
     
  14. بن عامر

    بن عامر بـترولـي خـاص

    1,159
    0
    0
    k.o.c
    kuwait
    معقولة للحين في أحد يسافر على الكويتية بصراحة أنا قاطعتها من زماااااااااااان لأنها بصراحة تقول راكب باص قديم مو طيارة و الـتـأخير حدث ولا حرج بالعربي أذل فلوسي ولا أذل نفسي ع الكويتية .
     
  15. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    لووووووووووووووووول يا بن عامر شسوي حدتني الظرورف ، و هذا

    الطيران يمثل بلدنا و شايل اسم الديرة اتمنى ان يتعدل وضعه للأحسن ، لأن بصراحة كل ما ما اسافر على الطيران الاماراتي أو القطري او حتى السيلاني ، اتحسر على الكويتية الي كانت رائدة بهذا المجال .


    أسعدتني مشاركتك يا بن عامر
     
  16. Q8-Dream

    Q8-Dream بـترولـي نشيط

    117
    0
    0
    هذي الكويت صل على النبي والحمد لله انة احنا احسن من غيرنا .. وان شاء الله يتحسن الحال من خلال قيادتنا الحكيمة .. ولا تنسون يا اخوان بهاليوم الفضيل الدعاء عشان الله سبحانة وتعالى يحفظ ديرتنا من كل ومكروه :)
     
  17. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    الله يحفظ الكويت انشالله من كل مكروه ، بس احنا يا اخوي اذا

    طول عمرنا بنطالع الأقل منا ما راح نتطور ، خلنا نطالع شركات الطيران الي مستواها متقدم عشان نحاول

    نكون نفسها ... والحمدلله على كل حال


    أسعدتني مداخلتك
     
  18. الصايغ

    الصايغ بـترولـي خـاص

    الي بخاطري وبخاطر كل كويتي غيور علي ديرته والمؤسسات الموجودة عندنا
    ان مافي يوم ودنا نتكلم عنهم بشي موزين بس للاسف الحال الي وصلت لها المؤسسسات والمصالح الي قاعدة تكون فيها اهي الي تجبرنا ان ننتقد ها
    وكنت اتمني ان انتقادنا لها في شي يديد يطرأ ونستانس بتغير لها
    اما بخصوص الكويتيه كان في زمن قريب بتكون زهرة الطيران لو ان كانت الخصخصه شاملتها
    وعلي فكرة طيران الوطنيه حلوووووووو
    وتغني عن الكويتيه
     
  19. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    فعلا يا الدسماوي احنا ننتقد لأن نبي الأفضل للخطوط الكويتية لأنها

    في يوم من الأيام كانت فعلا الأفضل و آنا طرحت فكرة الخصخصة لمؤسسة الخطوط الكويتية و اعتقدت بأنها

    ستكون احسن حل لمأساتها .. و لكن المراقب عبدالله نبهني مشكورا بأن ذلك لن يكون من مصلحة

    المؤسسة لأن بيحط الفلوس بجيبه و يهملها و تقدر ترجع لمداخلته................... بالعكس احنا مع

    شركات الطيران الخاصة و نشجعها و لكن الخطوط الجوية الكويتية تشيل اسم البلد و صراحة اعتبرها عريقة

    لأنها كانت الرائدة في المنطقة آنذاك فاتمنى من قلبي أن ترجع لعراقتها و تميزها السابق

    أسعدتني مداخلتك يا الصايغ
     
  20. new life

    new life موقوف

    512
    0
    0
    لا انشالله الامور تتعدل والحمدلله احنه احسن من غيرنه ....

    شكرا للموضوع
     
جاري تحميل الصفحة...

مشاركة هذه الصفحة